Santa Chiara basilika (Napoli)

Santa Chiara basilikako aurrealde eta kanpandorrea.

Santa Chiara basilika eta komentua Napoli hiriko eraikin erlijiosorik garrantzitsuenetako bat da, 1310 eta 1340 bitartean eraikia, K.o. I. mendeko bainutegi erromatar baten gainean, hiriko mendebaldeko harresietatik gertu. Hiriko eliza gotikorik handiena da.

Basilikaren eraikin-multzoan, gainera, lau klaustro monumentaleko monasterio bat eta aztarnategi arkeologiko batzuk daude, bai eta museo bat ere, non monjen geletan  Giottok egindako freskoen hondarrak ikus daitezkeen.

Maiatzeko lehen larunbatean, San Gennaro, Napoliko santu zaindariaren odola gordetzen duten kapsulak ekartzen dira basilika honetara Napoliko katedraletik, martiri santuaren odolaren likuazioa ospatzeko.

Irudi galeria

• 
  Kanpandorrea
• 
  Ataria
• 
  Erdiko Nabea
• 
  Erdiko aldare eta errege-hilobiak
• 
  Klaustroko maiolikak
• 
  Erromatarren garaiko hondarrak

Kanpo estekak

• Napoli hiriko webgune ofiziala (Italieraz)