Erregio
Erregio edo eskualdea lurralde, itsaso edo ur azalera bat biltzen duen kontzeptu geografiko bat da, banako kontzeptua den tokiaz gaindi eta erreferentziazko eremu geografikoa baino txikiagoa. Adibidez, Mendebaldeko Europa bertako herrialdeak biltzen dituen eremua da eta aldi berean Europako zati bat ere bada; Eurasiako kontestuan bata zein beste erregio edo eskualde izenda ditzakegu. Euskaltzaindiak sinonimotzat ditu[1], baina erabilpenean eskualde gehiago agertzen da bere testuetan, nahiz eta, kontzeptu bat azaltzearren adibidez "eskualde hizkuntzak"[2] zein "erregio hizkuntzak"[3] erabiltzen dituen.
Kategorizazioa[aldatu | aldatu iturburu kodea]
Eskala anitzeko eremuak jaso ditzake erregioak: zenbait herri biltzen duen ibar bat bezain txikia (Babia, esaterako) edo kontinentea bezain handia (Amerika).
Eskualde edo erregioak definitzeko irizpide ohikoenak dira: geografikoak (Pirinioak), politikoak (Nafarroa Garaia), klimatikoak (Sahara), biologikoak eta ekologikoak (tundra), gizarte-faktoreetan oinarrituak (Euskal Herria) edo irizpide ekonomiko eta logistikoetan (EMEA).
Erreferentziak[aldatu | aldatu iturburu kodea]
- ↑ «Erregio» www.euskaltzaindia.eus (Euskaltzaindiaren Hiztegia) (Noiz kontsultatua: 2022-01-16).
- ↑ (Frantsesez) Baxok, Erramun. «Frantzian eskualde hizkuntzen legearen bihurgunea» www.euskaltzaindia.eus (Noiz kontsultatua: 2022-01-16).
- ↑ (Gaztelaniaz) irudia, Komunikazioa eta. «Euskaltzaindiak hizkuntza aniztasunaren aldeko ahalegin handiagoa egiteko eskatu dio Espainiako gobernuari» www.euskaltzaindia.eus (Noiz kontsultatua: 2022-01-16).
Ikus, gainera[aldatu | aldatu iturburu kodea]
- Frantziako eskualdeak (frantsesez region deituak)
- Herrialdea
- Eskualdea.
Kanpo estekak[aldatu | aldatu iturburu kodea]
|
Artikulu hau geografiari buruzko zirriborroa da. Wikipedia lagun dezakezu edukia osatuz. |