Izaro Andres

Wikipedia, Entziklopedia askea
Izaro Andres
Izaro Andres musikaria.jpg
Bizitza
Jaiotza Mallabia1994ko abenduaren 31 (25 urte)
Herrialdea  Bizkaia, Euskal Herria
Hezkuntza
Hizkuntzak euskara
gaztelania
ingelesa
Jarduerak
Jarduerak abeslaria
Izengoitia(k) Izaro
Musika instrumentua ahotsa
Izaroren kontzertua Donostiako Jazzaldian, 2018an.

Izaro Andres Zelaieta edo Izaro (Mallabia, Bizkaia, 1993ko abenduaren 31) kantaria da.

Bizitza[aldatu | aldatu iturburu kodea]

Mallabian jaioa, ikastera Donostiara joan zen. AEBko Kalifornian zegoela erabaki zuen musikaria izan nahi zuela.[1]

Ibilbidea[aldatu | aldatu iturburu kodea]

Hasierak eta Om diskoa[aldatu | aldatu iturburu kodea]

2014an hasi zen tabernetan abesten. Oriol Flores bateria jotzailea ezagutu zuenean talde bat eratzea erabaki zuten. Horretarako Oriolek Iker Lauroba, Ane Bastida eta Julen Barandiaran ekarri zituen. 2016an Om diskoa plazaratu zuen, crowdfunding kanpaina bat egin ostean. Izarok berak sortu zituen hitz guztiak eta musika. Abesti gehienak euskaraz dira, baina gaztelaniaz eta ingelesez ere kantatzen du.[2][3]

2017an hainbat kolaborazio ere egin zituen, hala Korrikaren 20. edizioko Zirkorrika abestian,[4] nola Gatibu taldearen Aske maitte bideoklipean ere. Gaztea irratian ere kolaboratzen hasi zen, B aldea programan astelehen gauero nazioarteko musika aztertzen du, saio bakoitzean herrialde batetako kantariak ezagutaraziz.[5]

Durangoko Azokarako Hankapuntetan I lan laburra kaleratu zuen,[6] berak dioenez kanta "arraroen" bilduma bat. Iker Lauroba izan zuen alboan gitarra eta piano jole. Mikel Urdangarinek Errefuxiatuak kantan kolaborazio bat ere egin zuen.

Eason: diskoa eta nazioarteko bira[aldatu | aldatu iturburu kodea]

2018an otsailaren 16an bigarren diskoa atera zuen, Eason izenekoa.[7] Lehenengo diskoaren arrakasta ikusita eta aurreratu zituen Erori eta Delirios singleen ondoren ikuskizun handia zegoen disko berria eskuratzeko. Hamar kantuk osatzen dute lana.[8] Oriol Flores, Iker Lauroba, Julen Barandiaran "Txiki" eta Garazi Esnaola musikariak izan ditu alboan. Eason diskoa aurkezteko bira luzea egin dute, Euskal Herrian kantatzeaz gain Espainiar Estatuan egon dira eta baita Mexikon ere.[9] Eason diskoak izan duen arrakastaren seinale Musika Bulegoa Saria lortu izana.[10] 2018 urtearen amaieran bi kolaborazio egin ditu Izarok, bata Igelaren Bandaren Ur berri, urte berri diskoan[11] eta bestea Nøgen taldearen Gertu abestian.[12] Eason diskoaren ibilbideari amaiera emateko 2019ko urriaren hasieran Agur Eason: 8 minutu Izarorekin izeneko dokumentala atera zuen, bere bizipenak kontatzen zituena.[13]

Limones en invierno eta itxialdian etorri direnak[aldatu | aldatu iturburu kodea]

2020ko urtarrilean disko berria atera du, Limones en invierno. Aurrez 2019ko urrian aurreneko singlea plazaratu zuen, Invierno a la vista abestiaren bideoklipa, Xoel López musikari galiziarrarekin batera.[14] Bigarren singlea Paris izan zen[15] eta hirugarrena Libre[16]. Durangoko Azokan "pre-order" postal bat atera zuen.

Urtarrilaren 31n kaleratu zuen diskoa,[17] eta martxoan abiatzekoa zuen kontzertu bira berria.[18] Mexiko Hirian egin zuen aurreneko kontzertua baina ondoren COVID-19 pandemiak dena atzeratu zuen. Ez da geldi egon ordea eta apirila amaieran, aurrez azaroan Euskadiko Orkestra Sinfonikoarekin grabaturiko hiru abesti plazaratu zituen, Errefuxiatuena, KoiLarak eta Tu escala de grises[19]. Itxialdia probestuz maiatza hasieran single berria atera du, Tiempo ausente, konfinamendua bera gaitzat hartuz.[20]. Hainbat kontzertu eskaini zituen online, bere etxetik, BBK Sala Etxetik eta baita Victoria Eugenia Antzokiaren teilatutik ere[21].

Diskografia[aldatu | aldatu iturburu kodea]

Om[aldatu | aldatu iturburu kodea]

  • Om (2016, autoekoizpena)
  1. koiLarak
  2. Zingirak
  3. Paradise
  4. La vi
  5. Tu escala de grises
  6. Zangalatraba
  7. Astelehenak
  8. Honey
  9. Noviembre
  10. Argia
  11. Serendipity
  12. Eider
  13. Bizitzak

Hankapuntetan I[aldatu | aldatu iturburu kodea]

  1. Tu escala de grises (intro)
  2. Deabrua
  3. Paradise (Bossa Nova)
  4. Eskaleok
  5. Errefuxiatuak

Eason[aldatu | aldatu iturburu kodea]

  • Eason (2018, autoekoizpena)
  1. Er(h)ori
  2. De más
  3. Delirios
  4. Zure ezpainen itsasoan
  5. Neguprenoa
  6. Zuri begira
  7. Donostia
  8. Devil
  9. Pick up
  10. La felicidad

Limones en invierno[aldatu | aldatu iturburu kodea]

  1. Invierno a la vista
  2. Aquí
  3. Libre
  4. Paris
  5. Mi canción para Elisa
  6. Ihintza
  7. You
  8. Patinar sobre el hielo
  9. Hainbeste
  10. Oso blanco

Sariak[aldatu | aldatu iturburu kodea]

2020ko Gaztea Sarietan bi sari eskuratu ditu. Libre abestia urteko kanturik onena izendatu dute; Invierno a la vista abestiaren bideoklipari esker, berriz, bideoklip onenaren saria irabazi du.[22]

Erreferentziak[aldatu | aldatu iturburu kodea]

  1. «Musikaren minak eta maiteminak - Ahomentan - Berria» www.berria.eus . Noiz kontsultatua: 2018-08-04.
  2. Om. . Noiz kontsultatua: 2018-02-15.
  3. «Izaro Andres: «Sekula ez dut bizi ez dudan ezer idazten»» Berria.eus 2016-09-27.
  4. irati. ‘Zirkorrika’ abestia aurkeztu dute, 20. Korrika girotzeko. . Noiz kontsultatua: 2017-08-31.
  5. «B Aldea otsailak 20: Izaro eta ezohiko estreinuak» www.eitb.eus . Noiz kontsultatua: 2019-10-27.
  6. “Orain arte hurbildu ez dena gehiago gerturatzeko aukera ematen du Azokak”. . Noiz kontsultatua: 2017-12-07.
  7. Berria.eus. «Izaro askatu egin da 'Eason' diskoan» Berria . Noiz kontsultatua: 2018-02-15.
  8. Eason. . Noiz kontsultatua: 2018-02-15.
  9. Vasca, EiTB Radio Televisión Pública. «'La Felicidad' kantaren bertsio berezia eskaini diote taldekideek Izarori» www.eitb.eus . Noiz kontsultatua: 2018-11-20.
  10. «Musika Bulegoa Sariak 2018 – Musika bulegoa» musikabulegoa.eus . Noiz kontsultatua: 2018-11-20.
  11. Taldea, elkar. Igelaren Banda "Ur berri urte berri" prentsaurrekoa (2018-11-14). . Noiz kontsultatua: 2018-11-20.
  12. Gabi de la Maza. (2018-11-15). Gertu (Nøgen ft IZARO u0026 Serrulla). . Noiz kontsultatua: 2018-11-20.
  13. AGUR EASON: zortzi minutu Izarorekin. . Noiz kontsultatua: 2019-10-02.
  14. «'Invierno a la vista', Izaro eta Xoel Lópezen single berria. Deia, Noticias de Bizkaia» Deia . Noiz kontsultatua: 2019-10-27.
  15. «Izarok Parisi abesti bat idatzi dio» www.eitb.eus . Noiz kontsultatua: 2020-05-06.
  16. «Izarok ‘Libre’ kantuaren bideoklipa aurkeztu du» KULTUR SHAREA . Noiz kontsultatua: 2020-05-06.
  17. «Limones en invierno» www.badok.eus . Noiz kontsultatua: 2020-01-31.
  18. «Izarok 'Limones en Invierno' diskoa aurkezteko bira iragarri du» Euskal Irrati Telebista 2019-10-25 . Noiz kontsultatua: 2020-01-28.
  19. «Izarok eremu sinfonikora jauzi egin du Euskadiko Orkestraren eskutik eta Fernando Velázquezen batutapean» Euskadiko Orkestra. Basque National Orchestra 2020-04-22 . Noiz kontsultatua: 2020-04-24.
  20. (Gaztelaniaz) Donostitik. (2016-02-04). «Donostitik.com // Periódico digital de Donostia» Donostitik . Noiz kontsultatua: 2020-05-06.
  21. (Gaztelaniaz) Kultura, Donostia. «Izaro» www.donostiakultura.eus . Noiz kontsultatua: 2020-05-08.
  22. «Zetak, Izaro, Skakeitan eta Sua nagusi, Gaztea Sarien galan» Euskal Irrati Telebista 2020-11-27 . Noiz kontsultatua: 2020-11-27.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]