Johann Christian Bach

Wikipedia(e)tik
Hona jo: nabigazioa, Bilatu
Johann Christian Bach, Thomas Gainsboroughek margotua, 1776.

Johann Christian Bach (Leipzig, 1735 irailaren 5aLondres, 1782ko urtarrilaren 1a) Johann Sebastian Bach konpositoreak izan zituen hogei seme-alabetatik semerik gazteena; "Bach milandarra" edo "Bach londrestarra" bezala ere ezaguna.

Biografia[aldatu | aldatu iturburu kodea]

Johann Christian Bach Johann Sebastian Bachen eta Anna Magdalena Bachen hamaikagarren semea izan zen.

Bach familiako beste kideek bezala, musika ikasi zuen. 1750ean, bere aita hil ondoren, Berlinera joan zen musika-ikasketak osatzera.

Italiar estiloa ezagutu zuen, eta musika-mota horretan sakontzeko Milanera joan zen Agostino Litta kondearen etxera. Italian izena aldatu zuen (Giovanni Christiano), eta luteranismotik katolizismora bihurtu zen.

Giovanni Battista Martiniren ikaslea izan zen Bolonian 1757n, eta gero, 1760 urtean, Milango katedraleko organo-jotzailea izan zen.

Bere familiako kideek ez bezala, Johann Christianek opera landu zuen: Artaserse (1760), Catone in Utica (1761), Alessandro nell’Indie (1762), Orione (1763) eta Adriano in Siria (1765).

Londreseko King's Theatrek deitu zuen 1762an. Bi urte beranduago Johann Christian Sofia Karlota erreginaren irakaslea izan zen. Londresen kokatu zen, eta bertan bizi izan zen hil zen arte.

1764an Wolfgang Amadeus Mozart (8 urte zituela) ezagutu zuen, eta Mozartengan eragin handia izan zuen. Mozartek konpondu zituen Johann Christian Bachen hainbat sonata, eta piano-kontzertu.

Mannheimen egon zen 1772an, eta bertan Temistocle opera idatzi zuen, eta 1776an Lucio Silla.

Bizitzako azken urteak zailak izan ziren Johann Christian Bachentzat. Londresen hil tzen 1782an, zor ugarirekin, azkenean erreginak ordaindu zituenak. 1773an Cecilia Grassi abeslari italiarrarekin ezkondu bazen ere, ez zuten ondorengorik izan.

Obra[aldatu | aldatu iturburu kodea]

Lan ugari ditu: musika sakratua, sinfoniak, kamara-musika eta piano-kontzertuak.

Opera:

  • Artaserse (1760)
  • Catone in Utica (1761)
  • Alessandro nell'Indie (1762)
  • Orione o sia Diana vendicata (1763)
  • Zanaïda (1763)
  • Aecio (1764)
  • Adriano in Siria (1765)
  • Carattaco (1767)
  • The Fairy Favour (1767)
  • Temistocle (1772)
  • Endimione, (1772 )
  • Lucio Silla (1774)
  • La clemenza di Scipione (1778)
  • Amadis de Gaule (1779)

Kanpo loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Johann Christian Bach
  • (Ingelesez) J C Bach (classical.net)
  • (Ingelesez) J C Bach (classicalarchives.com)
  • (Ingelesez) J C Bach (pianosociety.com)