Levante Unión Deportiva

Levante Unión Deportiva
Datuak
Mota	futbol-kluba eta kirol talde profesionala
Herrialdea	Espainia
Liga	Espainiako futbol ligako bigarren maila eta Espainiako futbol ligako lehen maila
Estadioa	Ciutat de València estadioa: Valentzia 39.4947°N 0.3642°W / 39.4947; -0.3642  26.354
Agintea
Lehendakaria	Francisco Javier Catalán Vena (en)
Entrenatzailea	Julián Calero Fernández (en)
Egoitza nagusi	Valentzia
Zeren jabe	Ciutat de València estadioa
Historia
Sorrera	1909 1939
Ordezkatzen du	Levante FC (en) eta Gimnástico FC (en)
Koloreak
Etxekoa 　 Kanpokoa
webgune ofiziala

Artikulu hau futbol taldeari buruzkoa da; beste esanahietarako, ikus «Levante».

Levante Unión Deportiva 1909an sortutako Valentziako futbol taldea da, lehen mailan jokatzen duena.

Historia

Valenciaren aurkako derbia, 1923an.

Valenciaren aurkako derbia.

UEFA Europa Leagueko partida FC Rubin Kazan talde errusiarraren aurka, 2013an.

Hasierako urteak

Valentziako Futbol Federazioa 1909an sortu zenean hainbat talde zeuden hirian, Gimnástico Club de Fútbol eta Fútbol Club Levante besteak beste. Valencia Club de Fútbol oraindik ez zegoen, 1919an eratu baitzen. Hala ere hasierako urte haietan ez batek ez besteak ez zuten emaitza aipagarririk izan.

F.C. Levantek 1937an garaipen itzela lortu zuen Copa de la España Libre txapelketan, finalean Valencia CF-ri 0-1 irabaztean. Espainiako Diputatuen Kongresuak Espainiako Kopa kategoria eman badio ere Futbol Federazioak ez du onartzen.

Klubaren sorrera

Gerra Zibila bukatzean Gimnástico CF ia jokalari gabe gelditu zen, eta FC Levante aldiz jokalariz ondo baina futbol zelairik gabe. 1939an beraz biek bat egitea erabaki zuten Unión Deportiva Levante-Gimnástico izena hartuz. Hasierako kamiseta zuri-gorria izan zen, baina 1941-42 denboraldian Levante Unión Deportiva izena hartzean Gimnásticoren kamiseta urdin-granatea erabiltzea erabaki zen.

Lehen mailan

Bigarren eta hirugarren mailan urte dezente egin zituen. 1958-59an lehen mailara igotzeko zorian izan zen baina U.D. Las Palmasen aurka jokaturiko promozioan galtzaile atera zen. Azkenik 1963an lortu zuen bere ametsa. Lehenengo urtean 10. postuan sailkatu zen baina hurrengo denboraldian berriz ere jeistea tokatu zitzaion Málagarekin promozio galdu ostean.

70. hamarkada eta bereziki 80. hamarkada krisi ekonomiko latzagatik ezagutzen da. Behe mailatan ibiltzeko ere nahikoa lan izan zuen.

XXI mendea: Lehen mailara itzulera eta Europan

Lehen mailara itzultzeko ia 40 urte behar izan zituen. 2003-04 urtean lortu zuen eta Bernd Schuster entrenatzaile zuela bikain hasi zuen urtea, Europako postuetarako sailkatuko zela ere ematen zuelarik, baina denboraldia luze egin zitzaion eta urtea amaitzean Bigarren mailara jeitsi zen. Hala ere hurrengo urtean berriz igo zen Lehen mailara José Manuel Esnal euskalduna entrenatzaile zuela. 2011-12 denboraldia bikaina egin zuen. Inork espero ez zuelarik bere historian lehenengoz Europa Leaguerako sailkatu zen, seigarren egin baitzuen ligan. 2012-13 urtean UEFAko taldekako fasea gainditu eta final zortzirenetara iritsi zen eta FC Rubin Kazan talde errusiarrak kanporatu zuen. Ligan ez zen hain ondo ibili baina denboraldi lasai batzuen ondorengo urteetan igo eta jeitsi ibili zen taldea. 2016-17an txapelduna izan zen, bigarrenari 14 puntu aterata eta Lehen mailara itzuli zen. 2021ean Kopako finalerdietara iritsi zen bere historian aurreneko aldiz eta Athletic-ek utzi zuen finaletik kanpo.

Uniformea

Historikoa

1909-1927

1927-1936

1936-1939

1939-1942

1942-tik

Azken urteetako ekipamendua

2017-2018

2018-2019

2019-2020

2020-2021

2021-2022

2022-2024

Datuak

2024-25 barne:

• Denboraldiak 1. mailan: 16
• Denboraldiak 2. mailan: 41
• Denboraldiak 2. B mailan: 12
• Denboraldiak 3. mailan: 16
• Ligako posturik onena: 6.a Lehen mailan (2011-12)

Irabazitako txapelketak

Espainiako txapelketak: 2

• Espainiako futbol ligako lehen maila: 0
  • seigarren 2011-12an.
• Espainiako futbol ligako bigarren maila: 2
  • 2003-04, 2016-17
• Errege Kopa: 0
  • 1937an Copa de la España Libre irabazi zuen, Futbol Federazioak txapelketa ofizialtzat hartzen ez duena.
  • Finalaurrekoak 2020-21 denboraldian.

Nazioarteko txapelketak: 0

• UEFA Kopa: 0

2012-13 denboraldian final hamaseirenak jokatu zituen.

Lagunartekoak

• Colombino Trofeoa: 1

2013

Azken urteetako ibilbidea

Urtea	Espainiako Liga	Errege Kopa	Europa
2000-01	8.a (2. mailan)	1/32
2001-02	19.a (2. mailan)	1/32
2002-03	4.a (2. mailan)	1/64
2003-04	1.a (2. mailan)	1/16
2004-05	18.a	1/32
2005-06	3.a (2. mailan)	1. itzulia
2006-07	15.a	1/32
2007-08	20.a	1/16
2008-09	8.a (2. mailan)	2. itzulia
2009-10	3.a (2. mailan)	2. itzulia
2010-11	14.a	1/16
2011-12	6.a	1/4
2012-13	11.a	1/16	1/16 (Europa League)
2013-14	10.a	1/4
2014-15	14.a	1/16
2015-16	20.a	1/32
2016-17	1.a (2. mailan)	2. itzulia
2017-18	15.a	1/8
2018-19	15.a	1/8
2019-20	12.a	1/16
2020-21	14.a	1/2
2021-22	19.a	2. itzulia
2022-23	3.a (2. mailan)	1/8
2023-24	8.a (2. mailan)	2. itzulia
2024-25		1. itzulia

2021/2022 Taldea

2021eko irailaren 7an eguneratua.

Zbk. Postua Jokalaria 2 ATZ Son 3 ATZ Enric Franquesa 4 ATZ Róber Pier 5 ERD Nemanja Radoja 6 ATZ Óscar Duarte 7 ERD Álex Blesa 8 ERD Pepelu 9 AUR Roger Martí 10 ERD Enis Bardhi 11 AUR José Luis Morales 12 ERD Mickaël Malsa 13 ATE Aitor Fernández 14 ATZ Rubén Vezo 15 ATZ Sergio Postigo

Zbk. Postua Jokalaria 16 AUR Roberto Soldado 17 ERD Nikola Vukčević 18 ERD Jorge de Frutos 19 ATZ Carlos Clerc 20 ATZ Jorge Miramón 21 AUR Dani Gómez 22 ERD Gonzalo Melero 23 ATZ Coke 24 ERD José Campaña 25 ERD Pablo Martínez 34 ATE Dani Cárdenas - AUR Hernâni - ATZ Shkodran Mustafi

Emakumezkoen taldea

Sakontzeko, irakurri: «Levante Unión Deportiva (emakumezkoen taldea)»

Levantek nesken talde indartsua dauka. 2000an Erreginaren Kopa irabazi zuenetik onenen artean egon da. Dagoeneko 4 liga eta 6 kopa eskuratu ditu.

• Superliga (4): 1996-97, 2000-01, 2001-02, 2007-08
• Erreginaren Kopa (6): 2000, 2001, 2002, 2004, 2005, 2007

Kanpo estekak

• (Gaztelaniaz) Taldearen webgune ofiziala
• (Katalanez) Llevantako webgune forum

• Datuak: Q8823
• Multimedia: Levante UD / Q8823