Pan European Game Information

Wikipedia, Entziklopedia askea
PEGI logo.svg Pan European Game Information
Siglak PEGI
Sortze data 2003ko Udaberria
Zerbitzua Bideo-jokoen adin kalifikazioa
Egoitza Belgika Brusela [1]
Webgunea www.pegi.info

PEGI (Pan European Game Information, euskaraz, Joko Informazio Paneuroparra) Europa mailan orokortu den bideo-jokoen adin kalifikazio estandar ez legezkoa da. Sistema hau 2003ko udaberrian ezarri zen eta ordutik 30 herrialdetan (Austria, Danimarka, Hungaria, Letonia, Norvegia, Eslovenia, Belgika, Estonia, Islandia, Lituania, Polonia, Espainia, Bulgaria, Finlandia, Irlanda, Luxenburgo, Portugal, Suedia, Zipre, Frantzia, Israel, Malta, Errumania, Suitza, Txekia, Grezia, Italia, Herbehereak, Eslovakia eta Erresuma Batuan) adin kalifikazio sistema ofiziala izatera iritsi da, fabrikatzaile handien hobespena lortu arte. Bere helburua gurasoak laguntzea da beraien seme-alabei jokoak erosteko orduan. Argitaratutako edozein bideo-jokorentzat prozesu bat jarraitzen du, Inkesta bat egiten zaio bideo-jokoa argitaratu duen enpresari eta emaitzen arabera kalifikazio bat ezartzen zaio.[2]

Kalifikazioak[aldatu | aldatu iturburu kodea]

PEGI adin tarteak zehazten ditu 3, 7, 12, 16, eta 18 urtetik aurrerakoak, horiek jokoaren azalean agertzen dira logo baten bitartez, ondoren azaltzen direnak:

3 urtetik aurrera. 7 urtetik aurrera. 12 urtetik aurrera. 16 urtetik aurrera. 18 urtetik aurrera (helduak soilik).

Joko bakoitzari adin minimo egokia ezartzeko hainbat faktore hartzen dira kontuan eta horiek ere, erabiltzaile liburuan edo atzeko aldean, azaldu egiten dira produktuan. Faktore horiek hurrengoak dira:

Irudia (Logoa) Izena Azalpena Adin kalifikazioa
PEGI Violence.svg Biolentzia Borroka, odolaren agerpena, armak edota hilketak PEGI 7.svg PEGI 12.svg PEGI 16.svg PEGI 18.svg
PEGI Bad language.svg Hizkuntza desegokia Irainak, hitz tabuak, erreferentzia sexualak... agertzea PEGI 12.svg PEGI 16.svg PEGI 18.svg
PEGI Fear.svg Beldurra Beldurra edota urduritasuna sor dezaketen atalak ditu PEGI 7.svg
PEGI Sex.svg Sexua Hizkuntzan erreferentzia sexualak, irudi biluziak edo arropa "gutxi" duten pertsonaiak PEGI 12.svg PEGI 16.svg PEGI 18.svg
PEGI Drugs.svg Drogak Drogen ingurukoa (kontsumoa, salerosketa, erreferentziak...) jasotzea bideo-jokoan PEGI 16.svg PEGI 18.svg
Fitxategi:PEGI Discrimination.svg Diskriminazioa Arrazakeria, xenofobia, homofobia... gaiak lantzen ditu bideo-jokoak PEGI 18.svg
PEGI Gambling.svg Jokoa Ausazko jokoa du (diru erreal edo birtualarekin) PEGI 12.svg PEGI 16.svg PEGI 18.svg
PEGI Online.svg Online Interneten bidez jolastea ahalbidetzen du Edozein, ez du adin kalifikazioan eraginik, informazio soila da

[3]

Erreferentziak[aldatu | aldatu iturburu kodea]

  1. ↑ https://web.archive.org/web/20150120223821/http://www.pegi.info/en/index/id/1195/ PEGI-z arduratzen diren erakundeak PEGI-ren webgune ofizialean
  2. ↑ https://web.archive.org/web/20150120223841/http://www.pegi.info/en/index/id/91/ PEGI-ri buruzko informazio orokorra bere webgune ofizialean
  3. ↑ https://web.archive.org/web/20150109205605/http://www.pegi.info/en/index/id/96 PEGI logoen esanahia argitzen duen orrialdea PEGI-ren webgune ofizialean

Ikus, gainera[aldatu | aldatu iturburu kodea]

PEGI-ren bideo-joko bilatzailea

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Pan_European_Game_Information&oldid=8826253"(e)tik eskuratuta