Roza Salih
| Roza Salih | |
|---|---|
.png) | |
| Bizitza | |
| Jaiotza | Irak, 1989 (34/35 urte) |
| Herrialdea |  Eskozia |
| Hezkuntza | |
| Heziketa | University of Strathclyde (en)  |
| Hizkuntzak | errusiera |
| Jarduerak | |
| Jarduerak | giza eskubideen aldeko ekintzailea |
| Jasotako sariak | ikusi
|
  | |
Roza Salih (Glasgow, Eskozia, 1989) giza eskubideen aldeko ekintzailea da. 2005ean, 15 urte zituela, Glasgow Girls sortu zuen Drumchapel Institutuko ikasleekin.[1] Glasgow Girls-ek Erresuma Batuko Mugen Zuzendaritzaren sarekadak, atxiloketak eta deportazioak geldiarazteko kanpaina egin zuen. Bere lagun Agnesa Murselaj, Kosovoko erromania, deportatzea eragotzi zuen.[2]
Ibilbidea[aldatu | aldatu iturburu kodea]
Salih 2001ean iritsi zen Eskoziara asilo bila. Familiak Ipar Irakeko Kurdistanetik ihes egin zuen aitona eta bi osabak erail ondoren Saddam Husseinen gobernuari aurka egiteagatik.[3] Drumchapel Institutura joan zen eta Zuzenbidea eta Politika arloko ohoreekin graduatu zen Strathclydeko Unibertsitatean, 2013. urtean. Han ere Ikasleen Aniztasunerako eta Defentsarako Elkarteko lehendakariordea izan zen. Erresuma Batuko Ikasleen Nazioarteko Batzorderako hautatu zuten, baita Erresuma Batuko Ikasleen Batasun Nazionaleko (NUS, ingelesezko siglengatik) kontseilaria izateko ere.[4]
2017an, Eskoziako Alderdi Nazionalak 13. Barrutian (Glasgow, Garscadden eta Scotstounhill) egindako kontseilura aurkeztu zen.[5] Gainera, Kurdistanekiko Eskoziako Elkartasunaren sortzaileetakoa da. Eta Turkiako eskualde kurduetara joan da, giza eskubideen arloko sindikalisten eta ekintzaileen ordezkaritza baten parte gisa.[6] 2016. urtean, Eskoziako Errefuxiatuen Kontseiluarekin eta Hezkuntza Estrategiako Batzordearekin lan egin zuen asilo bila dabiltzan pertsonentzako bekak finantzatzeko kanpaina egiteko.[4] Chris Stephensen hauteskunde-barrutian egiten du lan, Glasgoweko Hego Mendebaldeko Alderdi Nazional eskoziarrean.[3]
Aintzatespenak[aldatu | aldatu iturburu kodea]
- 2017an, Saltire elkarteak Eskoziako Emakume Bikain izendatu zuen.[7]
- BBCren "Munduko 100 emakume inspiratzaile eta eragingarrienak 2022an" saria jaso zuen.
Erreferentziak[aldatu | aldatu iturburu kodea]
- ↑ People were angry, saying 'these are our weans': The Glasgow Girls 15 years on. 8 de agosto de 2016.
- ↑ «Glasgow Girls | Scottish Refugee Council» www.scottishrefugeecouncil.org.uk.
- ↑ a b Meet Roza Salih, the inspiring woman hoping to become Scotland’s first elected asylum seeker. 3 de febrero de 2017.
- ↑ a b «Glasgow girl Roza Salih has a new cause – fighting for independence» HeraldScotland.
- ↑ 🎥 Glasgow City Council candidate Roza Salih on why she is standing for council. .
- ↑ «30 Under 30: Roza Salih - YWCA Scotland | The Young Women's Movement» www.ywcascotland.org.
- ↑ Meet Scotland's 'outstanding' women. 7 de marzo de 2017.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q20714031
Multimedia: Roza Salih / Q20714031
