Zirkulazio-aparatu

Gorriz margotuta arteriak agertzen dira, urdinez ordea benak, eta toraxen erdian azkenik bihotza.

Zirkulazio-aparatua edo aparatu kardiobaskularra giza gorputzean odola garraiatzen duen sistema da, arteriak, zainak eta bihotza elkarrekin lotuz.

Aparatu honen gaixotasunak diagnostikatzen eta tratatzen ondorengo bi espezialitate medikoak arduratzen dira: Kardiologia eta Kirurgia kardiobaskularra.

Fisiologia

Alde batetik, oxigenoa (O2) eta elikagaiak dituen odola arterietatik banatzen da gorputzean zehar, organo guztietan, beti ere bihotzak bidalitako bultzadekin (taupadak). Hauxe da ibilbidea eskematikoki: Birikak - Biriketako zainak - Ezkerreko aurikula - Ezkerreko bentrikulua - Aorta arteria - Arteria periferikoak - Organoak.

Bestetik, organo guztietatik bihotzera bueltan, karbono dioxidoa (CO2) eta hondakinak bidaiatzen dira zainetatik. Hauxe da ibilbidea eskematikoki: Organoak - Zain periferikoak - Kaba zaina - Eskuineko aurikula - Eskuineko bentrikulua - Biriketako arteriak - Birikak.

Arnas aparatuarekiko loturari esker, biriketan gasen (O2 eta CO2) elkar-trukatzea gertatzen da, oxigenoa gorputzean sartuz eta azido karbonikoa kanpora ateraz.

Gernu-aparatu eta digestio-aparatuarekiko loturari esker, bestela, elikagaiak eta hondakinak gorputzetik sartu eta kanpora ateratzen dira, aparatu kardiobaskularra beti ere garraio lanak eginez.

Anatomia

Bihotza

• Ezkerreko aurikula.
• Ezkerreko bentrikulua.
• Eskuineko aurikula.
• Eskuineko bentrikulua.

Sistema baskularra

• Zainak:

1. Kaba zaina.

2. Zain periferikoak.

• Arteriak:

1. Aorta arteria.

2. Arteria periferikoak.

Lotutako gaixotasunak

Bihotzarenak

• Arritmiak.
• Bihotzaren tumoreak.
• Bihotz-gutxiegitasuna.
• Kardiopatia iskemikoa.
• Miokardiopatiak.
• Sortzetiko kardiopatiak.
• Perikardioaren gaixotasunak.

Sistema baskularrarenak

• Aneurismak.
• Arteriosklerosia.
• Arteria-enboliak.
• Baskulopatia periferikoa.
• Zain-gutxiegitasuna.
• Zain-tronbosiak.