Annelida

Wikipedia(e)tik
Hona jo: nabigazioa, Bilatu
Annelida
Glycera sp.
Sailkapen zientifikoa e
Erreinua: Animalia
Goifiluma: Lophotrochozoa
Filuma: Annelida
Lamarck, 1809
Klaseak

Anelidoak (frantsesez: annelés, "eraztuna dutenak") animalia filum nagusi bat dira[1].

Ezaugarriak[aldatu | aldatu iturburu kodea]

Ornogabeen tipo honetan sartzen dira harrak, lur zizareak eta izainak. Zizareak hezetasun puntu bat duten lurretan bizi dira, eta izainak, berriz, uretan[2].

Animali hauen gorputza zilindrikoa eta luzea da, metamero izeneko eraztunetan edo segmentuetan zatituta dago, nola kanpotik hala barrutik. Segmentu horietako bakoitzean hainbat organo errepikatzen dira, hala nola, digestio eta iraitz-hodiak, nerbioak eta hainbat odol-hodi[3]. Animaliaren aurreko zatian ahoa egoten da eta atzean berriz uzkia.

Anelidoak azalaren bidez hartzen dute arnasa, eta azalak beti heze egon behar du gas elkartrukea gerta dadin. Lurrarekin nahastuta dauden partikula organikoak jaten dituzte zizareek; izainen mantenugaia, berri, odola da; hori dela eta, animalia ornodunen behin behineko parasitoak dira[4].

Anelido espezie batzuek sexu banatuak dituzte, hau da, batzuk arrak dira eta besteak emeak; espezie batzuk, ordea, hala nola lur-zizareak, hermafroditak dira, hau da, banako berak zelula sexual maskulino eta femenino produzitzen ditu, baina inoiz ere ez aldi berean; horregatik, beste zizare batekin gurutzatzen direnean, batzuetan arrak bezala jokatzen dute eta besteetan emeak bezala[5].

Sailkapena[aldatu | aldatu iturburu kodea]

Erreferentziak[aldatu | aldatu iturburu kodea]

  1. Anelidoak
  2. Dales, R. P. (1967) "Annelids", 2. edizioa. Londres: Hutchinson University Library
  3. Ruppert, E.E., Fox, R.S., eta Barnes, R.D. (2004). "Annelida". Invertebrate Zoology (7. ed.). Brooks / Cole. ISBN 0-03-025982-7
  4. Rouse, G.W. (2002). "Annelida (Segmented Worms)". Encyclopedia of Life Sciences. John Wiley & Sons, Ltd
  5. Nancarrow, L.; Taylor, J.H. (1998). "The worm book". Ten Speed Press. ISBN 0-89815-994-6
Wikispezieetan informazioa gehiago aurki dezakezu: Annelida
Commonsen badira fitxategi gehiago, gai hau dutenak: Annelida Aldatu lotura Wikidatan