Carmen Maura

Wikipedia(e)tik
Hona jo: nabigazioa, Bilatu
Carmen Mauraren argazkia.

Carmen García Maura (Madril, Espainia, 1946 -) espainiar antzezlea da.

Biografia[aldatu | aldatu iturburu kodea]

25 urte zituela antzezle izateko erabakia hartu zuen. Los Goliardos abangoardiako antzerki-taldean hasi zen lanbide horretan. 1970eko hamarraldian zehar jardun zuen talde hartan, Madrilgo kontrakulturaren mugimenduaren barruan, eta orduan ezagutu zuen Pedro Almodóvar zuzendari espainiarra, zeinarekin grabatu baititu hainbat film, adibidez Pepi, Luci, Bom y otras chicas del montón (1980), Entre tinieblas (1983), ¿Qué he hecho yo para merecer esto? (1984), La ley del deseo (1986) eta Mujeres al borde de un ataque de nervios (1988), 1987an atzerriko filmik onenaren Oscar sarirako hautagai izendatua.

Almodóvarrekin egindako film horiei esker azken urteetako espainiar antzezle ezagunenetakoa bihurtu da Carmen Maura, eta atzerrian hainbat lan egiteko aukera izan du, Frantzian batez ere, arrakasta handiaz gainera. Carlos Saura zuzendari ezagunarekin ere lan egin zuen ¡Ay, Carmela! (1990) filmean.

Carmen Mauraren beste film aipagarri batzuk dira Tigres de papel (1977), ¿Qué hace una chica como tú en un sitio como éste? (1978), Gary Cooper que estás en los cielos (1980), Sé infiel y no mires con quién (1985), Matador (1986), Sombras en una batalla (1993), El palomo cojo (1995), La comunidad (2000), Reinas (2005), Volver (2006), Tetro (2009).

Sari asko jaso ditu bere karreran, besteak beste, antzezle onenaren bi Goya sari.

Commonsen badira fitxategi gehiago, gai hau dutenak: Carmen Maura Aldatu lotura Wikidatan


Erreferentziak[aldatu | aldatu iturburu kodea]