Braşov

Braşov
Izen ofiziala	Braşov
Estatua	Errumania
Konderria	Brașov
Koordenatuak	45°40′0″N 25°37′0″E
Braşov
Eremua	267,2 km2
Garaiera	600 m
Biztanleria Metropoli eremua	227.961 bizt. (2010 (est.)) 335.668
Dentsitatea	853,15 bizt./km²
http://www.brasovcity.ro

Braşov (alemanez, Kronstadt; 1950 eta 1960 artean, Orasul Stalin; errumanieraz, Stalinen Hiria) Errumania erdialdeko hiria da, Transilvaniako Alpeen ipar-ekialdean dagoena, eta Braşov barrutiko hiriburua; 277.945 biztanle (2007). Hiriak Erdi Aroko kutsua gorde du; ondoko eraikinak aipatzekoak dira: Udaletxea (XV. m.); Eliza Beltza, Alemaniako gotikoa, (XV. m.); San Bartolome eliza (XIII-XVI. m.), San Nikolas eliza (XIV-XVII. m.) eta XV. mendeko gotorlekuaren hondakinak. Turismo-hiria da. Izen bereko eskualdeak 5.351 km² eta 665.097 biztanle ditu (1983). Errumaniako industrialde garrantzitsuenetakoa da.

Historia

Zaldun teutoiek sortu zuten XIII. mendean; XV. eta XVI. mendeetan Braşov Transilvaniako erreformaren gune nagusia izan zen. 1916ko abuztuan, armada errumaniarra sartu zen hirian. 1940an, Alemania naziak Transilvaniaren iparraldea Hungariari eman zion Vienako bilkuran, Braşovek Errumaniaren parte izaten segitu zuen. 1960an, Antzoki Dramatikoaren eraikina inauguratu zen. 1971n, Braşoveko Unibertsitatea fundatu zen. 1989ko abenduan Iraultza izan zen. Braşoven bortxazko gertaera ugari izan ziren, eta pertsona asko hil ziren.

1990ean, Richter eskalan 6,9°-ko magnitudeko lurrikara gertatu zen; eta 2004an ere, beste lurrikara handi bat gertatu zen, 6°-koa. 2005ean, Braşoveko metropoli-barrutia eratu zen. Hiria bera eta bere ingurukoak kontuan hartuta, 400.000 biztanle inguru ditu.

Hiri eta herri senidetuak

• Tampere, Finlandia
• Tours, Frantzia
• Győr, Hungaria
• Rishon LeZion, Israel
• Holstebro, Danimarka
• Musashino, Japonia
• Ghent, Belgika
• Leeds, Erresuma Batua
• Minsk, Bielorrusia
• Trikala, Grezia
• Venaria Reale, Italia
• Cleveland, AEB
• Linz, Austria

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.