National Gallery

National Gallery
	National Gallery Trafalgar Squaretik ikusita. Irudi gehiago
Kokapena
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Londresen banaketa administratiboa	Westminster Hiria
Arkitektura
Deskribapena
Irekitze data	1824
Webgunea	http://web.archive.org/web/20090624210230/http://www.nationalgallery.org.uk/plan/language/spanish.htm www.nationalgallery.org.uk

National Gallery edo Galeria Nazionala^[1] Londresko arte museoa da, Trafalgar Square plazaren iparraldean kokatua dagoena. 1250 eta 1900. urteen arteko margolan europarrak ditu ikusgai, Erresuma Batuko arte bildumatik jasotakoak. Ohiko bilduma, 2.3000 margolanez osatua, estatu britainiarrarena da, eta hortaz, sarrera publikoa da. Erakusketa bereziak daudenean baino ez da sarreragatik ordaindu behar. Sei milioi bisitaritik gora izaten ditu urtero, Erresuma Batuko bigarren bisitatuena da eta munduko laugarrena.

Londresko National Gallerya izen handiko museoa bilakatu da mundu mailan, 1824an fundatu zenetik, hain zuzen ere. Hasiera batean museoaren estreinako zuzendaria izandakoaren lanak erakusten ziren bertan (Sir Charles Lock), baina dohaintza pribatuekin handitzen joan zen galeria. Bere tamaina oso handia ez izan arren, Europako beste museo batzuekin alderatuz gero, Louvrea kasu; Artearen Historiako margolan asko erakustegatik bereizten da National Gallerya, garai askotako lanak aurkitu daitezkeelako bertan. Hasiera batean, arte italiar eta holandarrean oinarrituta zegoen museoa, baina apurka-apurka beste arte batzuetara ere egokitu zen.

National Gallery hiru eraikin desberdinetan egon da. Oraingo edifizioa William Wilkinsek hasi zuen, eta zabalkuntza prozesu ugari izan ditu. 2002 eta 2006 urteen artean, Charles Saumarez Smith izan da museo honen arduradun nagusi.

Lan nabarmenak

Erdi Aroko ingelesa edo frantziarra: Wiltongo diptikoa
Paolo Uccello: San Romanoko gudua
Piero della Francesca: Jesukristoren bataioa
Jan van Eyck: Arnolfinien erretratua
Giovanni Bellini: Leonardo Loredan doxaren erretratua
Gentile Bellini: Mehmed II.a sultanaren erretratua
Sandro Botticelli: Venus eta Marte
Leonardo da Vinci: Harkaitzetako Ama Birjina, Ama Birjina eta Umea Santa Anarekin eta San Joan Batailatzailearekin
Michelangelo: Hileta, Manchesterko Madonna
Rafael: Julio II.a aita santuaren erretratua, Krabelinetako Ama Birjina, Monden gurutziltzaketa
Tiziano: Bako eta Ariadne, Diana eta Akteon, Akteonen heriotza, Vendramin familiaren erretratua
Hans Holbein Gaztea: Enbaxadoreak
Agnolo Bronzino: Venusen garaipenaren alegoria
Caravaggio: Muskerrak hozka egindako mutikoa, Emmausko afaria, Salome Joan Batailatzailearen buruarekin
Pieter Paul Rubens: Pailleko kapera, Parisen epaiketa (bi bertsi), Paisaia Het Steen-ekin
Nicolas Poussin: Bakanal bat, Paisaia suge batek hildako gizonarekin
Diego Velázquez: Ispiluko Venus
Anthony van Dyck: Karlos I.aren erretratua zaldi gainean
Claude Lorrain: Sabako erreginaren itsasoratzea
Rembrandt: Belsasarren oturuntza
Salvator Rosa: Filosofia
Johannes Vermeer: Emakume bat birjinal aurrean
Canaletto: Estropada bat Ubide Handian, Harginaren etxartea
William Hogarth: Ezkontza bat egungo modan
George Stubbs: Whistlejacket
Thomas Gainsborough: Andrews jauna eta andrea
Joseph Wright of Derby: Esperimentu bat txori bat aire ponpa batean sartuta
J. M. W. Turner: Fighting Temeraire atoian eramanda, Euria, lurruna eta abiadura
John Constable: Belar gurdia
Eugène Delacroix: Ovidio esziten artean
Paul Cézanne: Bainulari handiak
Claude Monet: Igebelarreko urmaela, Tamesis Westminster azpian
Pierre-Auguste Renoir: Euritakoak, Senako ontziak
Henri Rousseau: Ekaitz tropikaleko tigrea
Vincent van Gogh: Ekiloreak, Van Gogh-en aulkia, Galsoro bat nekostekin
Georges Seurat: Asnières-ko bainulariak

Informazio praktikoa

Helbidea: Trafalgar Square, WC2N 5DN
Museoaren ordutegia: larunbatetik ostegunera 10:00-18:00, ostiraletan 10:00-21:00
Metro geltokiak:
- Charing Cross
- Embankment