Olentzero joan zaigu

Gehitu loturak
Artikulu hau "Kalitatezko 2.000 artikulu 12-16 urteko ikasleentzat" proiektuaren parte da
Wikipedia, Entziklopedia askea

Olentzero joan zaigu
Jatorria
Ezaugarriak
Genero artistikoaGabon kanta eta Zortziko txikia
Hizkuntzaeuskara
TonoaRe maior

Olentzero joan zaigu... bertsoekin hasten den abesti herrikoi tradizionala euskal gabon kanta ezagunenetakoa da. Olentzero pertsonaia zehaztasunez deskribatzen du eta horren arabera osatu da egungo Olentzeroren irudi komunena.[1]

Olentzero eta Maria Domingi

Olentzeroren laguna den Mari Domingik ere badu bere abestia.

Olentzeroren inguruko hainbat kanta abesten dira, baina honako hau litzateke ezagunena. La Farandole de Joyeuse melodia erabiltzen da kanta hau jotzeko. XVII. mendean bereganatu zuten txistulariek. Hainbat bertsio daude kantu honen inguruan[2]. Esaterako, bertsio batzuetan "entendimenduz jantzia" esan beharrean "entendimentu gabia" ageri da. Olentzeroren adierazpen paganoan, XX. mende bukaerakoan hain zuzen ere, kristautasunaren erreferentzia kentzeko "negua joan dala" esaten zuten "Jesus jaio dala"ren ordez.

Olentzero abestia. Ahozko kantutegitik hartutako partitura

Hitzak[aldatu | aldatu iturburu kodea]

Olentzero joan zaigu
mendira lanera
intentzioarekin
ikatz egitera.
Aditu duanian
Jesus jaio dela (edo negua heldu dala)
lasterka etorri da
berri ematera.
Horra, horra,
gure Olentzero,
pipa hortzetan duela
eserita dago
kapoiak erre baitu
arrautzatxoekin
bihar merendatzeko
botila ardoakin.
Olentzero buruhandia
Entendimentuz jantzia
Bart arratsian edan omen du
Hamar arroko zahagia
Hau urde tripa haundia!
Tralalala tralalalala (bis)

Beste bertso batzuk:

Olentzero gurea
ezin dugu ase,
osorik jan dizkigu
hamar txerri gazte.
Sahieski ta solomo,
horrenbeste heste,
Jesus jaio delako
erruki zaiteze.
Horra, horra...
Olentzero dakarzki
atsegin ta poza,
jakin baitu mendian
Jesusen jaiotza.
Egun argi honetan
alaitu bihotza,
kanpo eta barruan
kendu azkar hotza.
Horra, horra...
Olentzero gurea
begiran honera,
izar dizdizari bat
doa Belenera.
Bere argiz dizdiraz
goazen estalpera,
Jesus haurtxoarekin
gaua pasatzera.
Horra, horra...

Partitura eta audioa[aldatu | aldatu iturburu kodea]

\relative c' {\time 5/8 \key d \major a'8 a8. g16 fis8. g16 a4. fis4 g8 g8. fis16 e8. fis16 g4.(e4) fis8 fis8. g16 a8. b16 a4. fis4 g8 e8. fis16 g8. a16 fis4. r4 a8 b8. a16 gis8. a16 a4. fis4 fis8 g8. a16 g8. fis16 e4. r4 e8 fis8. g16 a8. b16 a4. fis4 a8 e8. fis16 g8. a16 fis4. r4 \time 2/4 \key g \major r4. d8 g4 r8 d g4 r8 a b8. a16 b8. a16 g4. a8 b8. a16 b8. c16 d4 d8. d16 e8. d16 c8. b16 a4. d,8 a'8. a16 a8. b16 c4. c8 b8. a16 b8. c16 d4. d8 d8. d16 d8. d16 e4 e8. e16 d8. d16 d8. c16 b8. r8 d4. d8 d8. d16 d8. d16 e4 e8. e16 d8. d16 d8. c4 } \addlyrics { O -- len -- tze -- ro joan zai -- gu men -- di -- ra la -- ne -- ra -- in -- ten -- tzi -- o -- a -- re -- kin i -- katz e -- gi -- te -- ra. A -- di -- tu du -- a -- ni -- an, Je -- sus ja -- io da -- la, las -- ter -- ka e -- to -- rri da, be -- rri e -- ma -- te -- ra. Ho -- rra ho -- rra, gu -- re O -- len -- tze -- ro! pi -- pa hor -- tze -- tan due -- la, e -- se -- ri -- ta da -- go. Ka -- poi -- ak e -- re badi -- tu-a -- rraul -- tza -- txu -- e -- kin, bi -- har me -- rien -- da -- tze -- ko bo -- ti -- la-ar -- do -- a -- kin bi -- har me -- rien -- da -- tze -- ko bo -- ti -- la-ar -- do -- a -- kin }

Erreferentziak[aldatu | aldatu iturburu kodea]

  1. ↑ Oskarbi. «Olentzero» www.badok.eus (Noiz kontsultatua: 2022-12-22).
  2. ↑ «Solstizioa - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2022-12-24).
Olentzero

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Olentzero_joan_zaigu&oldid=9543181"(e)tik eskuratuta