Gabon kanta
- Artikulu hau Eguberrietan abesten diren kantei buruzkoa da; Charles Dickensen eleberria gaitzat duena beste hau da: Gabonetako kanta (Charles Dickens)
Gabon kantak edo Eguberri kantak Eguberri aurreko denboran eta Eguberrietako ospakizunetan kantatu ohi diren abestiak dira. Gabon kanten lehenengo aipamenak Itun Berrian agertzen dira, Jesus Nazaretekoaren jaiotza ospatzeko. Mende askotan zehar, Jesusen jaiotza eta inguruko gertakariak (Errege Magoak edo artzainen adorazioa) izan dira kanta hauen gai nagusia baina XX. mendean zehar, eguberrietako ospakizunari berari buruzko gaiak eta beste elementu profano zenbait joan dira sartzen: familia eta lagun giroa, opariak, Bizar Zuri etab. Garai batean, gabon kantak eguberrietako ospakizunetan eta liturgian soilik abesten baziren ere, egun merkataritza-eremu guztietan ere entzuten da giroko musika moduan, jendeak eguberri girora bildu eta opariak eros ditzan.
 |
Artikulu hau zirriborroa da. Wikipedia lagun dezakezu edukia osatuz. |
