Salamancako probintzia
|
Salamanca |
|||
|---|---|---|---|
|
|||
| Erkidegoa | Gaztela eta Leon | ||
| Hiriburua | Salamanca | ||
| Herritarra | salamancar | ||
 |
|||
| Azalera - Espainiaren |
12.349 % 2,45 |
||
| Biztanleria - Espainiaren Dentsitatea |
353.404 (2008) % 0,77 28,62 bizt/km² |
||
| ISO 3166-2 | ES-SA | ||
| Espainiako Gorteak - Kongresuan - Senatuan |
4 eserleku 4 eserleku |
||
| www.dipsanet.es | |||
Salamanca Espainiako probintzia bat da. Gaztela eta Leongo autonomia-erkidegoan kokatuta dago, hego-mendebaldean, Portugalgo mugan. 2006an, 353.110 biztanle zituen probintziak. Hiriburua Salamanca da, eta beste hiri nagusiak, Béjar, Ciudad Rodrigo, Peñaranda de Bracamonte eta Vitigudino.
Eduki-taula |
Geografia
Iparraldean, Zamora, ipar-ekialdean, Valladolid, ekialdean, Ávila, hegoaldean, Cáceres, eta, mendebaldean, Douro eta Beira Interior Norte eskualdeak (Portugal) ditu mugakide.
Iparraldea eta mendebala lauak dira; hegoaldea eta hego-ekialdea, aldiz, menditsuagoak. Probintziaren hegoaldean, aipatzekoak dira Béjarko mendialdea (Trampal, 2.443 m; Calvitero, 2.395 m), Peña de Franciatik (1.723 m) Peña Gudinaraino (1.189 m) luzatzen den mendialdea eta Gatakoa (1.364 m Jañona mendian).
Hidrografiari dagokionez, Duero ibai-arroari dagozkio Salamancako probintziako ibai guztiak. Tormes, Agueda eta Yeltes dira ibai nagusiak, eta Santa Teresa, Saucelle, Aldeadavila eta Agueda urtegi garrantzitsuenak.
Klima kontinentala da erabat: uda bero lehorrak eta negu hotzak. 400-500 mm euri-ur biltzen da urtean, batez beste.
Mendialdeko baso nagusiak gaiztanadiak dira, eta arteak, artelatzak, haritzak eta pinuak aldatzen dira iparraldean.
Ekonomia
Ekonomiari dagokionez, nekazaritza da baliabide nagusia. Garia, garagarra, lekadunak, azukre-erremolatxa eta bazkarako landareak dira labore nagusiak. Garrantzitsua da, halaber, abere-hazkuntza (ardi-, behi-, zezen-, zerri- eta zaldi-azienda). Industria (urtegietan egokitutako indar-etxeak, janari-industria, kimika-industria) ez dago oso garatua, baina Salamancan, Béjarren eta beste zenbait hiritan baizik ez da aipagarria. Garrantzitsua da, bestalde, lurpeko aberastasunen ustiapena (eztainu- eta wolfram-hobi oparoak).
Demografia
Udalerriak
Kultura
Extremadurako hizkuntzaz mintzatzen dira probintziaren hego-mendebaldeko herri batzuetan.
Ipar-mendebaldean, berriz, leonerazko hiztun batzuk ere badira.
Kanpo loturak
 |
Espainiako probintziak | |
|---|---|---|
|
Araba • Albacete • Alacant • Almería • Asturias • Ávila • Badajoz • Balear Uharteak • Bartzelona • Bizkaia • Burgos • Cáceres • Cádiz • Castelló • Ceuta • Ciudad Real • Coruña • Cuenca • Errioxa • Gipuzkoa • Girona • Granada • Guadalajara • Huelva • Huesca • Jaén • Kantabria • Kordoba • Las Palmas • León • Lleida • Lugo • Madril • Málaga • Melilla • Murtzia • Nafarroa • Ourense • Palentzia • Pontevedra • Salamanca • Segovia • Sevilla • Soria • Tarragona • Tenerifeko Santa Cruz • Teruel • Toledo • Valentzia • Valladolid • Zamora • Zaragoza |
||
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
