Ska-P

Wikipedia(e)tik
Hona jo: nabigazioa, Bilatu
Ska-P
Rock Dans Tous Ses Etats Ska-P.jpg
Datuak
Jatorria Vallecas
Musika mota Ska Punk
Urteak 1994 – 2005
Diskoetxeak BMG
Webgunea www.ska-p.net
Taldekideak
Pulpul (Ahotsa eta Bigarren kitarra)
Txiquitín (Tronpeta)
Pipi (Bigarren ahotsa eta Showmana)
Joxemi (Kitarra)
Julio (Baxua)
Gari(Tronbon)
Luismi (Bateria)
Kogote (Teklatua)

Ska-P Espainiako ska musikako talde bat da, 1994an Vallecasen (Madril) sortua. Abestietan egoera sozio-politikoaren kritika azaleratzen du talde honek: inperialismoa, kapitalismoa, sionismoa edota arrazakeriaren aurkako kritikak, berdintasuna eta anarkismoaren defentsan... Ospetsuenetarikoa Cannabis abestia da, marihuanaren legalizazioa aldarrikatzen duena. Horri esker egin dira ezagunak Espainian, Hego Amerikan (Mexiko, Argentina, Txile, Peru...), Erresuma Batuan, Belgikan, Italian, Suitzan, Frantzian, Alemanian... Azken urteetan, munduko hainbat jaialdi multikulturaletan, alternatibotan eta altermundialistatan parte hartu dute.

1994: hastapenak[aldatu | aldatu iturburu kodea]

Ska-P taldea 1994an sortu zen; taldeko kideak Vallecasko, Nafarroako eta Euskadiko lagunak ziren. Hasierako formazioa hurrengoa izan zen: Pulpul, ahots nagusia eta gitarra;Toni Escobar, gitarra eta koroak; Julio,baxua; Kogote, teklatua eta koroak eta Pako, bateria. Urte honetan kaleratu zuten haien lehen diskoa, ska-p izenekoa. Disko horrek ez zuen besteek adina arrakasta eduki, baina lehen argitaratze honek balio izan zuen taldea ezagutarazteko. Hainbat kontzertu egin zituzten nahiz eta publikoa oso eskasa izan.

1995-1996: ospea lortu zutenekoa[aldatu | aldatu iturburu kodea]

1995ean, Tonik taldea utzi zuen eta Josemi taldekide berria sartu zen bere postuan. Pipi ere ailegatu zen taldera,honek bigarren ahotsa egin ez ezik, kontzertuetan mozorrotzen zen, showman irudia hartuz. 1996an, bi gertakari izan ziren ospea handitzeko: “vals del obrero” diskoa kaleratu zuten, izugarri saldu zena (“cannabis” abestia oso garrantzitsua izan zen taldea ezagutarazteko) eta IX. Vallecas rock festibalean parte hartzea.

1997-1999: Eurosis diskoa eta nazioarteko lehen bira[aldatu | aldatu iturburu kodea]

1997an hirugarren diskoa grabatu zuten: Eurosis. Jarraitzen dute Espainian eta Frantzian kontzertuak egiten jarraitu zuten. Latinoamerikan birak egiten hasi ziren, Argentinan eta Mexikon, hain zuzen ere. Pakok, taldearen sortzaileetako bat, taldea utzi zuen, eta haren lekuan Luismi sartu zen, bateria-jotzailetzat.

2000-2004: nazioarteko errekonozimendua[aldatu | aldatu iturburu kodea]

2000an “planeta eskoria” izeneko diskoa egin zuten, askok pentsatzen dute bere lan onena dela: tonuak askoz serioagoak ziren eta letrek jarraitu zuten zuzenak eta latzak izaten. Birak Frantziatik,Italiatik,Suitzatik eta Espainiatik sakabanatu ziren. 2002an kaleratu zuten bosgarren albuma; “que corra la voz”. Urte honetan bisitatu zituzten herrialdeen zerrenda handitzen doa; Europako bira: Hungria, Belgika, Holanda, Austria, Alemania, Frantzia, Italia, Suitza, Erresuma Batua, Irlanda eta Grezia. Amerika Latinan:Argentina, Chile, Mexiko, Brasil, Costa Rica, Puerto Rico, Venezuela, Uruguai eta Kolonbia. Azken bira hauetan bi bilbotarrek parte hartu zuten: “txikitin” (tronpeta) eta Gari (tronboia)

2005-2007: behin-behineko etena[aldatu | aldatu iturburu kodea]

2005ean behin-behineko etena egingo zutela komunikatu zuten. 2005 urriaren 12an izan zen hori, Argentinan. Kontzertuan lortu zituzten etekinak banandu zizkieten hainbat erakunderi.

2007-2013: berriro martxan[aldatu | aldatu iturburu kodea]

Bi urte pasa eta gero, 2007an, pulpulek komunikatu bat argitaratu zuen eta ohar baten bidez esan zuen bilera bat egongo zela taldea elkartzeko. Taldearen buelta baieztatu zen web ofizialaren bidez, bertan esaten zuten disko berri bat kaleratuko zutela eta bira bat egingo zutela Europan eta Latinoamerikako herrialdeetan. 2008ko urriaren 5ean entzun zen “lagrimas y gozos”albumeko singela, “crimen sollicitations” izenekoa Eliza Katolikoari kritika handia egiten ziona.

Taldekideak[aldatu | aldatu iturburu kodea]

  • Pulpul (Roberto Gañan Ojea), ahots nagusia eta bigarren gitarra.
  • Pipi (Ricardo Delgado), bigarren ahotsa eta showmana.
  • Joxemi (Jose Miguel Redin), gitarra nagusia.
  • Julio (Julio Cesar Sanchez), baxua.
  • Kogote (Alberto Javier Amado), teklatua eta bigarren ahotsa.
  • Luis Mi, bateria eta perkusioa.
  • Txikitin, tronpeta.
  • Gary, tronboia.

Diskografia[aldatu | aldatu iturburu kodea]

Commonsen badira fitxategi gehiago, gai hau dutenak: Ska-P Aldatu lotura Wikidatan