Sumatra

Wikipedia(e)tik
Hona jo: nabigazioa, Bilatu
Sumatra
Sumatera
Medan hiria.
Medan hiria.
Geografia
LocationSumatra.svg
Kokalekua Hego-ekialdeko Asia
Koordenatuak 00°N 102°E / 0°N 102°E / 0; 102Koordenatuak: 00°N 102°E / 0°N 102°E / 0; 102
Uhartedia Sondako Uharte Handiak
Azalera 473.481 km²
Punturik garaiena Kerinci mendia 3.805 m.
Administrazioa
 Indonesia
Probintziak Aceh, Bengkulu, Jambi, Lampung, Riau, Mendebaldeko Sumatra, Hegoaldeko Sumatra, Ipar Sumatra
Hiri populatuena Medan (2.109.330 (2010))
Demografia
Biztanleria 50.365.538 bizt. (2010)
Dentsitatea 96 bizt./km²

Sumatra[1] (indonesieraz: Sumatera) Indonesiako uharterik handiena, Sondako uharteetako handienetakoa, eta munduko seigarren zabalena da, 470,000 km2-ko azalerarekin. Kontuan hartu behar da Borneo eta Papuako uharteak ez direla osorik indonesiarrak.

Medan du hiririk handiena (2.392.922 biztanle 2003an).

Geografia[aldatu | aldatu iturburu kodea]

Sumatrako uharteak, inguruko uharte txikiekin batera, Indonesiako errepublikako zazpi probintzia osatzen ditu: Sumatra mendebalekoa edo Sumatera Barat; Sumatra hegoaldekoa edo Sumatera Selatan; Sumatra iparraldekoa edo Sumatera Utara; Riau; Atjeh; Bangkahulu eta Lampung. Malakako itsasarteak bereizten du Malakatik (ipar-ekialdean) eta Sondako itsasarteak Javatik (hegoaldean). Ekuatorea igarotzen da uhartearen erditik eta klima ekuatoriala du, bero hezea.

Oihan tropikala da nagusi, eta, landaredia bezala, fauna ere oso aberatsa da.

Probintziak[aldatu | aldatu iturburu kodea]

Zortzi probintziatan banatuta dago:

  1. Aceh
  2. Bengkulu
  3. Jambi
  4. Lampung
  5. Riau
  6. Mendebaldeko Sumatra
  7. Hego Sumatra
  8. Ipar Sumatra

Historia[aldatu | aldatu iturburu kodea]

Sumatrako historian eragin handia izan dute inguruko herrietako itsasgizonek; indiar eta txinatar itsasgizonek kolonizatu eta budismoa eta sanskritoa zabaldu zituzten lehenik eta arabiar itsasgizonek islamiartu zuten XIII. mendean. XVI. mendean europarrek Sumatraren kolonizazioa hasi zuten; portugaldarrek hartu zuten lehenik eta holandarrek XVI. mendean. Holandarrek Bigarren Mundu Gerra bitartean izan zuten aginpidea, baina 1942-1945 japoniarrek Sumatraren burujabetasuna onartuko zutela agindu eta uhartea menderatu zuten. Aipagarria da urte askotan europarren kolonia izan zen arren higikunde abertzaleei eta matxinadei aurre egin behar izan zietela eta XIX. mendea arte ez zutela erabat menderatu. 1950ean Indonesiako errepublikaren barnean gelditu zen.

Ekonomia[aldatu | aldatu iturburu kodea]

Kautxua, tabakoa, arroza, kopra, etab. lantzen dira eta petrolio, eztainu eta ikatz hobi handiak ustiatzen. Sumatra garrantzi handia hartzen ari da, hango portuetatik Asiako gainerako lurraldeekiko salerosketa harremanak indartzen ari diren heinean.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Sumatra Aldatu lotura Wikidatan


Geografia
Indonesia
Artikulu hau Indonesiako geografiari buruzko zirriborroa da. Wikipedia lagun dezakezu edukia osatuz.