Sanskrito

Wikipedia(e)tik
Hona jo: nabigazioa, Bilatu
Sanskritoa
संस्कृतम् saṃskṛtam'
Non mintzatzen den: India
Hiztunak: 14.135 hiztun Indian (2001)
Hizkuntza familia: Indoeuroparra
 Indoirandarra
  Indoariarra
   Sanskritoa
Hizkuntza kodeak
ISO 639-1: sa
ISO 639-2: san
ISO 639-3: san

 

Sanskritoa[1] (sanskritoz: संस्कृता वाक्, saṃskṛtā vāk, edo laburtuta संस्कृतम्, saṃskṛtam), hizkuntza indoariar historiko bat da, hinduismoaren eta budismoaren hizkuntza liturgikoetako bat eta Indiako 22 hizkuntza ofizialetako bat.

Sanskritoaren aurreneko forma vedikoa da, K.a. 1500 inguruan jadanik Rig-veda testuan erabilia, gaur egungo Indiako eta Pakistango iparraldean mintzo zen hizkuntzan oinarritua. K.a. V. mende inguruan Paninik eta beste gramatikari batzuek arautu eta finkatu zuten hizkuntza.

Geroztik, Paniniren eredutik zerbait aldentzen den sanskrito klasikoa K.a. V. mendetik K.o. X.era loratu zen, eta goi klaseen artean ohiko kultura hizkuntza izan zen. Hartatik eratorri zen prakrito edo hizkuntza arrunta. Egun sanskritoa, gutxi bada ere, devanagari idazkeran erabiltzen da, jakintza gizonen arteko komunikabide gisa, eta baita zenbait literatura idazkietan ere. Sanskrito klasikoz idatzitako testu anitz gorde direnez, antzinako hizkuntzen arteko ezagunenetakoa da.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Sanskrito Aldatu lotura Wikidatan


Hizkuntza Artikulu hau hizkuntzei buruzko zirriborroa da. Wikipedia lagun dezakezu edukia osatuz.