Abd ar Rahman III.a

Wikipedia(e)tik
Abderraman III.a» orritik birbideratua)
Hona jo: nabigazioa, Bilatu

Abd ar Rahman III.a[1] edo Abd al-Rahman ibn Muhammad ibn Abd Allah (عبد الرحمن الثالث; Kordoba, 889ko urtarrilaren 11Medina Azahara, 961eko urriaren 15) Kordobako emir eta kalifa (912-961) eta omeiar leinuko printze Al Andalusekoa zen. Hogeita bi urte besterik ez zituela ailegatu zen tronura eta hurrengo berrogeita hamar urtez omeiar leinuko printzerik boteretsuena zen[2]. Aita Mohamed printzea, Abdulah I.a Kordobakoa emirraren semea, zuen eta al-Nasir (euskaraz: Fedearen defendatzailea) ezizena.

Nahiz eta bere erreinaldian erlijio guztietako fededunek erlijio askatasuna izan, ismailitak borrokatu zituen, alde batetik Afrikako bere etsaien aldekoak zirelako eta bestetik berarentzat kalifa titulua aldarrikatzeko.

924an, Antso I.a Gartzesaren Iruñea hiriburua arpilatu zuen. 934an, Iruñeko Erresuma eta Arabako konderria mendean hartu ondoren, bere izeko zen Toda Nafarroakoa bere basailu bihurtu zuen, Gartzia I.a Nafarroakoa bere semea uko eginez[3].

Kalifa titulua hartu zuen unea[aldatu | aldatu iturburu kodea]

Abd ar Rahman III.a barne-etsaiak militarki garaitu zituen, eta hori dela eta, ospe handia lortu eta bere burua kalifa aldarrikatu zuen 929. urtean. Horrela, Damaskoko kalifarengandik aske geratu zen guztiz.

≪Goi-goiko Jainkoak guri eman digu gure zoria osatzeko eta bere mesedea jasotzeko eskubidea aldarrikatzeko duintasun osoa, Goi-goiko Jainkoak mesede hori egin baitigu, gure alde egin baitu, maila horretaraino igo baitu gure aginpidea, eta gainera, gure ahaleginaren bidez maila hori eskuratzeko aukera eman digu, gure gobernuaren bidez lortzeko aukera eman digu, gure ospea zehar zabaldu du, gure aginpidea goraipatu du lurraldez lurralde, eta mundu osoa guri begira jarri du, itxaropentsu (...). Hori dela eta, guri buruz mintzatzeko Sinistunen Printzea titulua erabiltzea erabaki dugu, eta horrez gain, jasotako eta bidalitako eskutitz guztietan titulu hori erabiltzea, gure dinastiakoa ez den norbaitek titulu hori erabiltzen badu, bidegabeki erabiltzen baitu guztiz; izan ere, ez dagokio beste inori titulu hori erabiltzea, eta erabiliz gero, merezi duen izen bat hartzen du beretzat.≫


Kordoban, 929lp urtarrilaren 17an.

Erreferentziak[aldatu | aldatu iturburu kodea]

  1. EIMA: Eskola-liburuetako onomastikaren, gertaera historikoen eta artelanen izenak. Zerrendak
  2.   Valdeón Baruque, Julio (2001), Abderramán III y el califato de Córdoba, Madril: Debate, ISBN 84-8306-437-5 .
  3.   Arjona Castro, Antonio (1982), Anales de Córdoba musulmana (711-1008), Kordoba: Monte de Piedad de Córdoba, ISBN 84-7231-656-4 .


Aurrekoa
Abdulah I.a Kordobakoa
Kordobako emirra
912-929
Ondorengoa
Azkena


Aurrekoa
Lehenengoa
Kordobako kalifa
929-961
Ondorengoa
Al Hakan II.a


Biografia
Andaluzia
Artikulu hau Andaluziako biografia baten zirriborroa da. Wikipedia lagun dezakezu edukia osatuz.