Barbara Kruger

Barbara Kruger
Irudi gehiago
irakasle emeritu 2007 -
Bizitza
Jaiotza	Newark, 1945eko urtarrilaren 26a (81 urte)
Herrialdea	Ameriketako Estatu Batuak
Talde etnikoa	estatubatuar zuria
Hezkuntza
Heziketa	Syracuse University School of Art (en) Parsons The New School for Design Weequahic High School (en)
Hizkuntzak	latina ingelesa
Jarduerak
Jarduerak	margolaria, argazkilaria, artista bisuala, artista kontzeptuala, diseinatzailea, collagista, instalazioetako artista, artista, unibertsitateko irakaslea eta iritzi-kazetaria
Parte-hartzailea documenta 7 (en) documenta 8 (en)
Lantokia(k)	Siena Los Angeles eta New York
Enplegatzailea(k)	Condé Nast Kaliforniako Unibertsitatea San Diegon  (2002 -  2007) Kaliforniako Unibertsitatea Los Angelesen  (2007 -
Lan nabarmenak	ikusi Untitled (Your Body Is a Battleground) (en)
Jasotako sariak	ikusi Time 100  (2020) New York Foundation for the Arts  (1985)
Kidetza	Arteen eta Zientzien Ameriketako Estatu Batuetako Akademia Pictures Generation (en)
Mugimendua	arte feminista Arte kontzeptuala Arte garaikidea
Genero artistikoa	collage (en) Kartela instalazio artea bideoartea

"Empatía". Mexikoko metro-estazioan.

Barbara Kruger (Newark, New Jersey, 1945eko urtarrilaren 26a) estatuartuar artista kontzeptuala da eta bere lanek oso estilo pertsonala dute.

Bizitza

Argazkigintzan oinarritutako bere lanengatik da ezaguna, diseinatzaile grafiko gisa duen formazioa bere poesiarekiko interesekin eta masa-komunikabideen eraginarekin konbinatzen dituelako. Syracuse University-n, arte bisualen eskolan, urtebete egon zen. Ondoren, Diane Arbus-ekin diseinua eta artea ikasi zituen Parsons School of Design-en, New York-en. Condé Nast Publications-en lan bat lortu zuen. Mademoiselle aldizkarian ere lan egin zuen eta diseinu-eremuko buru izatera iritsi zen. 1976an Kaliforniara joan zen, poesian eta artean lan egiteko asmoz. House and Garden eta Aperture aldizkarien artearen alorrean,  diseinatzaile grafiko, zuzendari artistiko eta argazki editore bezala lan egin zuen.

Artista eta diseinatzailea izateaz gain, beste hainbat tokitan irakasle lanak egin zituen, adibidez: Kaliforniako Arteen Institutuan, Chicagoko Arteen Institutuan eta Kaliforniako Unibertsitatean.

Publizitate eta komunikabideen hizkuntza bisualaren bidez, -karteletan, hesietan, kamisetetan, galerietan…- kontsumo-gizartearen ikonografia iraultzen du.

Lan-metodologia

Krugerren lana diziplinartekoa da eta idazketa eta irudia zein diseinua eta edizioa hartzen ditu bere baitan. Bere lanetan eragin handia izan zuen Alexander Wolcatt-en lanek. Barbara Krugerrek gure inguru soziokulturalaren inguruko hainbat galdera proposatzen ditu bere lanetan, besteak beste: gizartean sortzen diren hainbat egoeren inguruan, estereotipoen inguruan eta errealitate politikoen inguruan. Gainera boterea, sexualitatea eta errepresentazioa zalantzan jartzen ditu.

Karrera artistikoa

1960. hamarkada

Barbara Krugerren lehen lan artistikoak ehunezko materialez egindakoak izan ziren. 1960. hamarkada honetan, arte feminista artisautzaren munduan mugitzen zen, ehungintzaren mundua bezalaxe. Ikus daitekeenez hasieratik saiatu zen Kruger bere lanekin politikarekin lotutako gaiak jorratzen.

1970. hamarkada

1970. hamarkadaren hasieran oraindik ere ehungintzaren munduko material eta teknikekin lotutako hainbat lan egin zituen. Teknika horiek emakumeen eskuzko lanarekin lotzen ziren, urte horietan zenbait artista feministak artearen munduan aldarrikatu zituztenak. Hala ere, Barbara Krugerren lana lehen etapa honen ondoren hasi zen ezagutarazten, argazki eta testuekin lan egiten hasi zenean. Diseinatzaile gisa zuen prestakuntzak eragin handia izan zuen garai haietan eta oraindik ere hala izaten jarraitzen du. Geroago, poesia idazten hasi zen, Patti Smith-engan inspiratuta. 1975ean bere obra artistikoa aldatzen hasi zen, nolabaiteko abstrakzio-balioa hartuz, baina hau esperimentazio aldi labur bat besterik ez zen izan. Hurrengo 4 urteek bere lan metodologia eta artista nortasuna eraikitzeko balio izan zioten. Garai horretan eskolak eman zituen hainbat zentrotan.

Bere sormen prozesuan, Krugerrek oso estilo pertsonala markatu zuen: orokorrean, lelo kritiko batzuk zuri-beltzez egindako argazkien gainean. Letrak beti argi ikusten dira eta gorriak, zuriak edo beltzak izan ohi dira. Futura Bold Oblique tipografia erabiltzen du. Bere lanetako esaldi askotan ingelesezko izenordainak erabiltzen ditu, hala nola "you", "Your", "I", "We" eta "they".

1980.hamarkada

1980. hamarkadan Krugerren lanek ikusgarritasun handiagoa lortu zuen dokumenta VII.ean, 1982ko Veneziako Bienalean eta 1983ko Whitneyn izan zuen parte-hartzeari esker. Bere lana artearen esparru komertzialaren zati izaten hasi zen. Komertzialki artearen munduan sartzearen eraginez hainbat kritika jaso zituen, berak kritikatzen zuen kontsumo-gizarte hori baitzen.

Barbara Kruger Euskal Herrian

2025ean Bilboko Guggenheim Museoan Another day. Another night izeneko atzerabegirakoa egin da, eta Krugerren lan goiztiarretatik berrienetarainoko bidea egiten delarik. Mezu labur eta zuzenez osatutako artelan monumentalak dira asko, eta museoko bigarren solairuko zoru, horma eta sabaiak alderik alde hartu dituzte: hastapenetako paste-up konposizioak, binilozko eskala handiko testuak, bideo-instalazioak, soinu bidezko esku-hartzeak eta beren-beregi Guggenheim Bilbao Museorako sortutako piezak, euskarazko hitzak irakur daitezkelarik horietako batzuetan.

"Esan genezake publizitatearen eta komunikabideen lengoaia erabiltzen duela, baina haren xedea aldarazita, geure egunerokoan nonahi dauden pertsuasio, kontsumo eta kontrol mekanismoak agerian jartzeko". Miren Arzalluz, Guggenheim Bilbao Museoko zuzendaria.

Iruditegia

• 
• 
• 
• 
• 
• 
• 
• 
• 

Kanpo estekak

• "Barbara Kruger: Another day. Another night" erakusketa zabaldu du Guggenheimek (Bideoa, EITB, 2025)
• La artista Barbara Kruger invade el Museo Guggenheim Bilbao con su nueva exposición (Bideoa, RTVE, 2025)

• Datuak: Q262284
• Multimedia: Barbara Kruger / Q262284