Bayezid II.a

Bayezid II.a
Irudi gehiago
8. Otomandar Inperioko sultana 1481 (egutegi gregorianoa) - 1512 (egutegi gregorianoa) ← Mehmed II.a - Selim I.a →
Bizitza
Jaiotza	Didimotika, 1447ko abenduaren 3a
Lehen hizkuntza	Otomandar turkiera
Heriotza	Istanbul, 1512ko maiatzaren 26a (64 urte)
Hobiratze lekua	Istanbul
Familia
Aita	Mehmed II.a
Ama	Gülbahar Hatun
Ezkontidea(k)	Ayşe Hatun (en) Bülbül Hatun (en) Hüsnüşah Hatun (en) Gülfem Hatun (en) Ferahşad Hatun (en) Nigar Hatun (en) Gülruh Hatun (en) Şirin Hatun (en) Ayşe Gülbahar Hatun (en) Muhtereme Ferahşad Hatun (en) Sultan Hatun (en)
Bikotekidea(k)	ikusi Ferahşad Hatun (en)
Seme-alabak	ikusi Selim I.a Şehzade Ahmed (en) Şehzade Korkut (en) Ayşe Sultan Aynışah Sultan (en) Şehzade Alemşah (en) Selçuk Sultan (en) Fatma Sultan (en) Hundi Sultan (en) Hümaşah Sultan (en) Kamerşah Sultan (en) Hatice Sultan (en) Şah Sultan (en) Ilaldi Sultan (en) Şehzade Şehenşah (en) Şehzade Mahmud (son of Bayezid II) (en) Şehzade Abdullah (son of Bayezid II) (en) Şehzade Mehmed
Haurrideak	ikusi Sultan Cem Gevherhan Hatun (en)
Leinua	Osmanliar Dinastia
Hezkuntza
Hizkuntzak	Otomandar turkiera arabiera persiera Txagatai hizkuntza italiera
Jarduerak
Jarduerak	monarka
Ideologia eta sinesmenak
Erlijioa	islama

Bayezid II.a (otomandar turkieraz: بايزيد ثانى, Bāyezīd-i s̱ānī; turkieraz: II. Bayezid; Didimotika, 1447ko abenduaren 3a - Abalar, Havsa, 1512ko maiatzaren 26a) Otomandar Inperioko sultana izan zen 1481etik 1512an hil zen arte.

Bayezid Didimotikako jauregian, Traziako eskualdean, jaio zen. Mehmed II.a «Konkistatzailea»ren semea zen, eta 1481ean tronuratu zen. Aitaren antzera, mendebaldeko eta ekialdeko kulturaren mezenasa izan zen, eta, beste sultan askok ez bezala, trabarik gabeko barne-politika bermatzen egin zuen ahalegin guztia. Hori dela eta, «Justua» goitizenaz ere ezaguna zen.

Bere agintaldian kanpaina zenbait egin zituen Moreako Despoterria konkistatzeko; eskualde hori sarritan deskribatu izan zen botere otomandarra Ekialdeko Mediterraneoan bermatzeko giltza gisa.

Bayeziden kezka nagusia Cem anaiarekin izan zuen borroka zen. Anaiak tronua eskatzen zuen, eta horretan laguntzeko, Maltako Ordenako Zaldunen babes militarra bilatu zuen Bayezidek. Zaldunek Cem preso hartu zuten, eta Inozentzio VIII.a Aita Santuari bidali zioten. Cem Napoliko presondegi batean hil zen, gaixotasun infekzioso baten ondoren.

Ekialdeko altxamenduak asko izan ziren Bayeziden agintaldian. Sarritan Persiako xah zen Ismailek babestu egiten zituen altxamendu horiek, xiismoa bultzatu eta hedatzeko gogotsu baitzegoen, horrela estatu otomandarraren agintea gutxitzeko. Anatoliako agintari otomandarrak, izan ere, mehatxu serioak jaso zituzten denboraldi honetan, eta Bayeziden Bisir Handia, Ali Paxa, erail egin zuten matxinatuen kontrako bataila batean. Bayezid II.ak, era berean, armada otomandarra Iberiar penintsulara bidali zuen 1492an, Errege-erregina «Katolikoen» dekretuz egotziak izan ziren judu espainiarrak otomandarren eskualdera eramateko.

Bayezid II.ak bere seme Selim eta Ahmedek ondorengotza lortzeko zuten borroka ikusi behar izan zuen bizitzako azken urteetan. Halako batean, Bayezid Ahmedek asasinatuko zuen beldur zen, eta Konstantinoplan sartzea debekatu zion semeari.

Selimek, janizarien laguntzarekin, Ahmed garaitu eta exekutatzeko agindua eman zuen. Beyazidek abdikatu egin zuen 1512ko apirilean. Jaioterri zuen Dimetokara erretiratzea pentsatu zuen, baina bidaian hil zen, eta Istanbulen hobiratu zuten, haren izena daraman meskitan.

Kanpo estekak

• Datuak: Q165983
• Multimedia: Bayezid II / Q165983