Elantxobe Arraun Elkartea

Busturialdea-Elantxobe Arraun Elkartea

Herria	Elantxobe, Bizkaia
Sorrera	1988
Lehendakaria	Patxi Egurrola
Entrenatzailea	Patxi Egurrola
Koloreak	gorria eta berdea
Trainerua	Artarri
Patroia	Asier Arego
Palmaresa: Kontxako Banderak TKE Ligak Espainiako Txapelketak Euskadiko Txapelketak	0 0 0 0
2015eko liga:	11.a (KAE 1 Liga)
Taldearen bloga

Elantxobe Arraun Elkartea Elantxobeko arraun elkartea da. 1988an sortu zuten.

Uniformea

Taldearen koloreak berde eta gorria dira eta traineruaren izena Artarri da.

Historia

Historia gorabeheratsua izan duen taldea da, izan ere Elantxobe herri txikia izanik arraunlari faltak bultzatuta sarritan egin behar izan du bat beste elkarte batzuekin, hala Bermeo eta Mundakarekin 1998an Urdaibai Arraun Elkartea sortuz, 2001 eta 2003 artean Arkoterekin Bateratze Arraun Elkartea sortuz, eta 2007tik 2009ra Mundakarekin Busturialdea Arraun Elkartea osatu zuen. Gaur egun Busturialdea-Elantxobe izenarekin jarraitzen du eta KAE 1 Ligan ari da.

Elantxoberen urterik onena 1998a izan zen Bizkaiko Traineru Txapelketa irabazi baitzuen eta Traineruen Euskal Ligan 8. izan baitzen. 2001ean Arkoterekin elkartu eta lau estropada irabazi zituen eta 2002ean 11. izan zen Euskal Ligan eta 2003an hirugarren egin zuen Euskadiko Traineru Txapelketan. Busturialdea izenarekin aldiz mailarik baxuenetik hasi behar izan du eta lehenengo urtean KAE Ligako lehen mailara iritsi zenetik bertan mantendu da 2011 denboraldian ezik. Urte hartan denboraldi bikaina egin zuen KAE Ligako 2. maila irabaziz. 2012an lortu zuen azken aldiko emaitzarik onena, KAE 1 Ligako laugarren postua.

2015ean hamaikagarrena izan da eta jeitsiera play-offa jokatu beharko du.

Palmaresa

Elantxobe

• Bizkaiko Traineru Txapelketa (1): 1998
• Mundakako Bandera (3): 1995, 1997, 1998

Bateratze (Arkote+Elantxobe)

• Mutrikuko Bandera (1): 2001
• Erandioko Bandera (2): 2001, 2002
• Sestaoko Bandera (1): 2001
• Kaikuren Bandera (2): 2001, 2003
• Sestaoko Ligaz kanpoko estropada (1): 2001
• Bizkaitarren Promozio Bandera (1): 2002
• Euskadiko Sprint Txapelketa (1): 2002
• Camargoko Bandera (1): 2003
• Ondarroako Milenium Saria (1): 2003
• Bizkaitarren BBK Saria (1): 2003

Busturialdea

• KAE Liga 1. maila (0): laugarren 2012an.
• KAE Liga 2. maila (1): 2011
• Elantxobeko Bandera (1): 2007
• Bilbo Hiriko Bandera (1): 2007
• Hondarribiako Kofradiaren Bandera (1): 2007
• Erandioko Bandera (1): 2007
• Gozón Udaleko Bandera (1): 2011
• Donibane Lohitzuneko Bandera (1): 2011
• Areetako Bandera (1): 2011
• Hibaikaren Bandera (1): 2011
• Getariako Bandera (1): 2011
• Ondarroako Bandera (1): 2011
• Castro Urdialesko Bandera (1): 2011

Azken denboraldiak

Urtea	Liga	Kontxa
2003	Federazio Liga, 9.a	-
2004	-	-
2005	-	-
2006	-	-
2007	KAE 2 Liga, 3.a	-
2008	KAE 1 Liga, 9.a	-
2009	KAE 1 Liga, 10.a	-
2010	KAE 1 Liga, 11.a	-
2011	KAE 2 Liga, 1.a	-
2012	KAE 1 Liga, 4.a	-
2013	KAE 1 Liga, 9.a	-
2014	KAE 1 Liga, 6.a	-
2015	KAE 1 Liga, 11.a	-
2016	KAE 2 Liga,

Elantxobeko bandera

Elantxobe Arraun Elkarteak antolaturiko KAE-1 ligarako estropada puntuagarria da. Irabazleak 2.160 euroko saria lortzen du.

Kanpo loturak

• (Gaztelaniaz) Webgune ofiziala