Telmo Deun Arraun Kirol Elkartea

Wikipedia, Entziklopedia askea
Zumaia
Sorrera Aita Maria A.E. (1975)
Telmo Deun A.K.E. (2008)
Herria Euskal Herria Zumaia, Gipuzkoa
Kolorea(k)      gorria
Trainerua      Telmo Deun
Palmaresa 3 Kontxako Bandera (2 + 1)
0 TKE Liga
2 Euskotren Liga
3 Espainiako Txapelketa
3 Euskadiko Txapelketa (1 + 2)
9 Gipuzkoako Txapelketa (5 + 4)
Webgunea www.blogak.baleike.eus
Zumaia
(gizonezkoak)
Herria Euskal Herria Zumaia, Gipuzkoa
Lehendakaria Euskal Herria Joseba Esnal
Entrenatzailea Euskal Herria Unai Etxeberria
Patroia(k) Euskal Herria Aitor Aristi
Kolorea(k)      gorria
Trainerua      Telmo Deun
Palmaresa 2 Kontxako Bandera
0 TKE Liga
1 KAE Liga (Federazio Liga)
3 Espainiako Txapelketa
1 Euskadiko Txapelketa
5 Gipuzkoako Txapelketa
2023: Kontxa ez
2023 5.a (KAE 1 Liga)
Webgunea www.blogak.baleike.eus
Zumaiako trainerua 2007ko Kontxako Banderarako sailkapen estropadan.
Zumaia 2018ko Kontxako sailkapen estropadan.

Telmo Deun Arraun Kirol Elkartea (eta aurrez Aita Mari Arraun Elkartea) Zumaiako (Gipuzkoa) arraun elkartea da. 1975eko abuztuaren 5ean sortu zen Aita Mari A.E. eta 2008an Telmo Deun A.K.E.-k haren tokia hartu zuen [1].

Beste hainbat garaipenen artean Kontxako 3 bandera lortu dituzte zumaiarrek, gizonezkoek bi eta emakumezkoek bat; horrela, Zumaia izan zen historian gizonezkoen eta emakumezkoen Kontxako Banderak irabazi zituen lehenengo elkartea.

Zumaiarren aro onena 1980. hamarkadan izan zen, 1981 eta 1987 artean bereziki. Kontxako Banderak eta Espainia eta Euskadiko txapelketak irabazi zituzten. 1984an esate baterako jokaturiko 19 banderatatik guztiak irabazi zituzten. XXI. mendean TKE Ligan aritu izan da Zumaia hainbat denboraldiz.

2005etik aurrera Zumaiako emakumezkoak ere trainerutan arraunean aritu dira. 2008an hirugarren egin zuten Kontxan eta 2012 eta 2013an Emakumezkoen bi Liga, Kontxa bat eta Zarauzko bi Ikurrina irabazi zituzten.

Uniformea[aldatu | aldatu iturburu kodea]

Taldearen kolorea gorria da eta traineruaren izena Telmo Deun da.

Historia[aldatu | aldatu iturburu kodea]

Aita Mariren monumentua.

Zumaiako traineruak, kluba sortu aurretik[aldatu | aldatu iturburu kodea]

Elkartea sortu aurretik Zumaiako traineruek hainbat aldiz parte hartu izan zuten Kontxako Banderan. Gerra aurretik ohikoa izan zen zumaiarren parte hartzea, emaitza aipagarririk lortu ez bazuten ere. Lehenengo aldia 1920an izan zuen eta bost traineruren artean azkenak izan ziren, ondorengo urteak 1921, 1922, 1928, 1930 (Oikina izenarekin) eta 1932an. Bigarren aldia 50.hamarkadaren hasieran izan zen, 1951 eta 1954 artean urtero aritu ziren emaitzarik onena 1954ko hirugarren postua lortu zutelarik.

Aita Mari Arraun Elkartearen garai onenak[aldatu | aldatu iturburu kodea]

1968an, 1969an (hirugarren berriz ere) eta 1970. urtean Kontxako Banderan parte hartzeak animatuta 1975ean Aita Mari Arraun Elkartea sortu zuten zumaiarrek eta 1978an egin zuten debuta traineruetan. 1979an lortu zuen lehenengo garaipena Castron jokaturiko Gurutze Gorriaren aldeko estropadan. 1981ean irabazi zuen lehenengo bandera handia, Bilbo Hiriko Bandera, eta hemendik aurrera Euskal Herriko traineru handienetakoa bihurtu zen 1987rarte. Denboraldi gogoangarriak izan ziren 1983koa (Espainiako eta Gipuzkoako txapelketak eta Nerbioiko banderak), 1984koa (Jokaturiko 19 banderatatik guztiak irabazi zituenekoa, tartean bere lehenengo Kontxa eta Espainia, Euskadi eta Gipuzkoako txapelketak) eta 1987koa(13 banderaz jabetu zenekoa, Kontxa eta Espainiako txapelketa barne).

Aipatzekoa da 1983an Zumaia zela Kontxa irabazteko faboritoa, baina antolatzaileek modu ez argian Orio sailkatu izanagatik Kaiku, Castrok eta Zumaiak berak protesta gisa ez zuten parte hartu banderan. 1988 eta 1989an seina bandera eskuratu zituen baina maila dezente jaitsi zuen goraka zihoazen San Juan eta San Pedroren aurrean.

XXI mendea[aldatu | aldatu iturburu kodea]

Zumaiako trainerua Bilboko uretan, 2017an.

90. hamarkadan emaitza kaskarrak izan ondoren, 1992ko Kontxako 7. postua salbu, 2000. urtean Euskal Ligan bederatzigarren gelditu zen. 2001ean Getariarekin bat egin zuen, Paternina-Indaux eratuz (bakoitzaren babesleen izenak), eta izugarrizko denboraldia egin zuten, Kontxan bosgarren sailkatuz, Ligan laugarren, Gipuzkoako txapelketan bigarren eta A Ligakoa zen Plentziako Bandera irabaziz. 2002an berriz banatu ziren eta Zumaiak 15. egitea baino ez zuen lortu Ligan.

TKE Liga sortu zenean Zumaia federazioaren Ligan gelditu zen. 2005ean 9 bandera irabaziz KAE Liga irabaztea lortu zuen eta ordutik aurrera TKE Ligan ari da. 2007an eta 2008an lorturiko zortzigarren postuak dira orain artean izan dituen onenak.

Telmo Deun Arraun Kirol Elkartea[aldatu | aldatu iturburu kodea]

2008an ordea arazo ugari izan zituen Aita Mari Elkarteak eta bazkide batzuek Telmo Deun Arraun Kirol Elkartea eratu zuten, Eusko Jaurlaritzak Aita Mari A.E.-ren oinordeko hartzen duena. Haren kolore, egoitza eta materiala hartu zituen. Logotipoa zela eta hainbat eztabaida izan ondoren Aita Marik zuenaren antzekoa hartu zuen, Telmo Deun izena daramana[1].

Hurrengo urteetan jeitsiera play-off ugari jokatu zituen Zumaiak baina mantentzea lortu zuen. 2013an ere 11. postuan gelditu zenez play-offetara joan beharko izan zuen eta azkenean maila galdu zuen. 2014an eta 2015ean launa bandera irabazi zituen eta KAE 1 Ligako bigarren postua eskuratu zuen. 2014ko play-offean ez zuen igotzerik lortu baina 2015ean aukera estropada biak irabazita TKE Ligara itzuli zen, urtebeterako ordea. 2017an KAE Ligan 4. egin bazuen ere hurrengo urteetan bigarren eta hirugarren txandetan aritu da.

Palmaresa[aldatu | aldatu iturburu kodea]

Zumaiak 1987an irabazitako Kontxako Bandera.

Kontxako Bandera[aldatu | aldatu iturburu kodea]

  • Txapelduna (2): 1984 eta 1987.
  • Bigarrena (4): 1981, 1982, 1985 eta 1986.
  • Hirugarrena (2): 1954 eta 1969.
  • Sailkapen estropadako irabazlea (2): 1982 eta 1985.
  • Sailkatua (13): 1979, 1980, 1981, 1982, 1983, 1984, 1985, 1986, 1987, 1988, 1992, 2001 eta 2006.

TKE Liga[aldatu | aldatu iturburu kodea]

  • Txapelduna (0)
  • Bigarrena (0)
  • Hirugarrena (0)
  • Zortzigarren 2007 eta 2008an.
  • Parte hartzeak (9): 2006, 2007, 2008, 2009, 2010, 2011, 2012, 2013, 2016
  • KAE 1 Liga (1): 2005.
  • Euskal Liga (0): Laugarren 2001ean (Paternina-Indaux)

Espainiako Traineru Txapelketa[aldatu | aldatu iturburu kodea]

  • Txapelduna (3): 1983, 1984 eta 1987.
  • Bigarrena (3): 1981, 1982 eta 1985.

Euskadiko Traineru Txapelketa[aldatu | aldatu iturburu kodea]

  • Txapelduna (2*): 1984 eta 1986* (Kluben arteko estropada).
  • Bigarrena (0)
  • Euskadiko Sprint txapelketa (1): 2001 (Paternina-Indaux)

Gipuzkoako Traineru Txapelketa[aldatu | aldatu iturburu kodea]

  • Txapelduna (5): 1981, 1983, 1984, 1985 eta 1987.

Gainontzeko estropadak[aldatu | aldatu iturburu kodea]

Handiak Nerbioiko Sari Handia (3): 1983, 1984 eta 1986.
El Corte Ingles Bandera (2): 1983 eta 1984.
Zarauzko Ikurrina (2): 1982 eta 1984.
Etxekoa Zumaiako Bandera (2): 1986, 2005
Gipuzkoan Gurutze Gorriaren aldeko estropada (Donostian jokatua): 1984
Pasaiako Bandera (4): 1984, 1985, 2005, 2014
Pryca Bandera (1): 1985
Seat Saria (2): 1986, 1987
Orioko Bandera (1): 2000
Euskadiko Sprint Txapelketa (1): 2001
Zarauzko Promozio Ikurrina (1): 2005
Getariako Bandera (2): 2005, 2015
San Pedroko Bandera (1): 2005
Bisiguaren Egunaren Bandera (1): 2014
Bizkaian Bilbo Hiriko Bandera (5): 1981, 1984, 1985, 1986, 1987
Santurtziko Bandera (4): 1982, 1984, 1987, 2015
Bermeoko Bandera (1): 1982
Getxoko Bandera (3): 1984, 1985, 1989
Portugaleteko Bandera (4): 1984, 1985, 1992, 2010
Petronor Bandera (3): 1984, 1985, 2005
Sestaoko Bandera (3): 1985, 1986, 1989
Lekeitioko San Antolin Bandera (6): 1985, 1987, 1988, 1998, 2003, 2010
Ondarroako Bandera (4): 1987, 2003, 2005, 2010
Elantxobeko Bandera (4): 1988, 1989, 2014, 2015
Erandioko Bandera (2): 1990, 2010
Plentziako Bandera (1): 2001 (Paternina-Indaux)
Kantabrian Gurutze Gorriaren Bandera (Castro Urdiales) (3): 1979, 1981, 1984
Portus Amanus Saria, Castro (2): 1982, 1984
Castro Urdialesko Bandera (7): 1983, 1984, 1985, 1987, 1989, 1992, 2014
Bilboko uholdeak kaltetuen aldeko estropada (Santoñan jokatua): 1983
Santoñako Bandera (8): 1983, 1984, 1985, 1987, 1988, 1989, 2000, 2005
SEAT Sari Handia (2): 1986, 1987
Astilleroko Bandera (2): 1987, 1988
Kantabriako Sari Handia (1): 1989
Ría del Asón Bandera (2): 1994, 2000
Laredoko Bandera: 2005
Asturiasen Asturiasko Printzearen Bandera (1): 1987
Galizan Teresa Herrera Bandera (1): 1987
El Corte Inglés Bandera (Vigo) (1): 1988
Besterik Errioxako Bandera (1): 1997

Trainerillak[aldatu | aldatu iturburu kodea]

Batelak[aldatu | aldatu iturburu kodea]

Azken denboraldiak[aldatu | aldatu iturburu kodea]

Urtea Liga Kontxa
2003 Federazio Liga, 6.a -
2004 Federazio Liga, 4.a -
2005 Federazio Liga, 1.a -
2006 TKE Liga, 10.a -
2007 TKE Liga, 8.a -
2008 TKE Liga, 8.a -
2009 TKE Liga, 10.a -
2010 TKE Liga, 11.a -
2011 TKE Liga, 10.a -
2012 TKE Liga, 11.a -
2013 TKE Liga, 11.a -
2014 KAE 1 Liga, 2.a -
2015 KAE 1 Liga, 2.a -
2016 TKE Liga, 12.a -
2017 KAE 1 Liga, 4.a -
2018 KAE 1 Liga, 9.a -
2019 KAE 1 Liga, 9.a -
2020 KAE 1 Liga, 8.a -
2021 KAE 1 Liga, 8.a -
2022 KAE 1 Liga, 8.a -
2023 KAE 1 Liga, 5.a -

B trainerua[aldatu | aldatu iturburu kodea]

Zumaia B
Entrenatzailea Euskal Herria Josu Osa
Patroia(k) Euskal Herria Andoni Ostolaza
Kolorea(k)      gorria
Trainerua      Telmo Deun
2023: Kontxa ez
2022: Liga ez

Zumaiarren arraun elkartea harrobiarekin lan handia egiten duen taldea da eta sarritan bi traineru atera ahal izan ditu, 2005ean, 2006an (Zarautzekin Urola Kosta osatuz), 2009an eta 2010an (KAE Ligako bigarren mailan hiru bandera irabazi eta ia lehenengo mailara igo zena).

Urte pare bat lehorrean egon ondoren 2014an berriz osatu zuen trainerua eta KAE 2 Ligan aritu da 2016 arte. 2017rako ere izena eman zuen baina azken unean baja eman du.

Ligak:

Banderak:

Denboraldiak[aldatu | aldatu iturburu kodea]

Urtea Liga
2005 Federazio Liga, 15.a
2006 KAE 2 Liga, 3.a*
2009 KAE 2 Liga, 7.a
2010 KAE 2 Liga, 3.a
2011-
2013
ez
2014 KAE 2 Liga, 11.a
2015 KAE 2 Liga, 12.a
2016 KAE 2 Liga, 8.a
2017- ez

Emakumezkoen trainerua[aldatu | aldatu iturburu kodea]

Zumaia
(emakumezkoak)
Entrenatzailea Euskal Herria Jose Enrike Manterola
Patroia(k) Euskal Herria Amane Jimenez
Euskal Herria Naroa Gikoetxea
Kolorea(k)      gorria
Trainerua      Telmo Deun
Palmaresa 1 Kontxako Bandera
2 Euskotren Liga
3 Gipuzkoako Liga
0 ETE Liga
2 Euskadiko Txapelketa
4 Gipuzkoako Txapelketa
2023: Kontxa 7.a
2023 2.a (ETE Liga)
Zumaia 2010eko Kontxako Banderan.
Zumaiako emakumeak traineruan sartzen.

Hastapenak[aldatu | aldatu iturburu kodea]

2005ean nesken lehenengo estropada (Txingudi Bandera) jokatu zenean Zumaiak Getariarekin batera hartu zuen parte. 2008 arte Getariarekin batera aritu zen eta 2009tik aurrera bera bakarrik, Ondarruko arraunlari batzuk hartuta, tartean patroia. Hasieratik Kontxako Banderaren finalean sartu zen eta 2011ean Kontxako lehenengo jardunaldia irabazi bazuen ere azkenean hirugarren postuarekin konformatu behar izan zuen.

Garai onenak[aldatu | aldatu iturburu kodea]

2012 eta 2013 denboraldiak izan ziren zumaiarren urterik onenak, bietan Emakumezkoen Traineru Ligaz gain Gipuzkoako Liga eta Zarauzko Ikurrina irabazi baitzituen besteak beste. 2013an iritsi zen gainera aurreneko Kontxako Bandera, euskal talde batek lortu zuen lehenengoa.

2014 denboraldian Ligarako sailkapena pasatu beharrik ez zuen izan. Aurreko urteetan baino motelago hasi zuen denboraldia baina abuztuaren bukaeran maila ona lortu zuen. Kontxako Banderan bigarren egin zuen, irabazlearengandik 3 segundu eskasera, eta Gipuzkoako Ligan ere bigarren amaitu zuen. 2015 denboraldia bikain hasi zuen. Gipuzkoako Ligako estropadak irabazi zituen eta Euskotren Ligarako arazorik gabe sailkatu zen. Baina denboraldiak aurrera egin ahala San Juan nagusitu zitzaion eta Euskotren Ligan bigarren eta Kontxan hirugarren postuan amaitu zuen. Euskadiko Txapelketa izan zen lortu duen garaipen aipagarriena. 2016 urtean ez zuen trainerua osatzerik lortu.

Etenaren ondoren[aldatu | aldatu iturburu kodea]

Hiru urte lehorrean egin ondoren 2019an itzuli zen trainerua. ETE Ligan bigarren egin zuen bost bandera irabazita, eta Kontxarako ere sailkatu zen. Play-offetan ordea ez zuen mailaz igotzerik lortu. 2020an Hibaikarekin lehia estua izan zuen play-offetarako postu baten bila baina puntu bakarraren aldeaz hirugarren egin zuen Ligan. Kontxako Banderarako bigarren aldiz jarraian sailkatzea lortu zuen.

2023an ETE Ligan bigarren egin eta play-offak jokatzeko sailkatu zen. Bigarren egin zuen eta ez zen mailaz igo. Kontxako Banderarako ere sailkapena lortu zuen itsaso txarrarekin sailkapen estropadan laugarren denbora eginez. Azken sailkapenean zazpigarrena izan zen.

Kontxako Bandera[aldatu | aldatu iturburu kodea]

  • Txapelduna (1): 2013.
  • Bigarrena (2): 2012 eta 2014.
  • Hirugarrena (4): 2008, 2010, 2011 eta 2015.
  • Sailkapen estropada (11): 2008, 2009, 2010, 2011, 2012, 2013, 2014, 2015, 2019, 2020 eta 2023.

Emakumezkoen Traineru Liga[aldatu | aldatu iturburu kodea]

Zumaiako emakumezkoen traineruaren entrenamendua Urola ibaian.
  • Txapelduna (2): 2012 eta 2013.
  • Bigarrena (1): 2015.
  • Hirugarrena (2): 2011 eta 2014.
  • Irabazitako estropadak (2021 barne): 14
  • Parte hartzeak (5): 2011, 2012, 2013, 2014, 2015
  • Gipuzkoako Liga (3): 2012, 2013 eta 2015.
  • ETE Liga (0): bigarrena 2019an eta 2023an.

Txapelketak[aldatu | aldatu iturburu kodea]

Gainontzeko banderak[aldatu | aldatu iturburu kodea]

Handiak Zarauzko Ikurrina (2): 2012 eta 2013.
Getxoko Bandera (1): 2012.
Etxekoa Zumaiako Ikurrina (3): 2013, 2015 eta 2017.
Gipuzkoan Pasaiako Bandera (5): 2010, 2012, 2013, 2015 eta 2019.
Getariako Bandera (3): 2011, 2013 eta 2015.
Txingudi Bandera (1): 2012.
Donostiarra Bandera (1): 2012.
Bixigu Egunaren Bandera (3): 2011, 2012 eta 2019.
Hondarribiko Traineru Jaitsiera (1): 2013.
Oriako Traineru Jaitsiera (2): 2013 eta 2015.
Pasaiako erlojupeko traineru estropada (1): 2013.
Orioko Bandera (1): 2013.
Euskolabel Bandera (2): 2013, 2015.
Pasaiako Iberdola Bandera (1): 2013.
Zarautz Arraun Elkartearen Ikurrina (3): 2013, 2015, 2023.
Trintxerpeko Bandera (1): 2014.
Donostiako Aste Nagusiko Bandera (1): 2019.
ETE Bandera, San Juan (1): 2023.
Bizkaian Portugaleteko Bandera (2): 2012, 2019.
Bidasoako Traineru Jaitsiera (1): 2013.
Isuntzaren Bandera (2): 2013, 2014.
Antiguako Ama estropada (Ondarru) (1): 2013.
Plentziako Ikurrina (1): 2013.
Uribarren Abaroa (Lekeitio) (1): 2019.
Lapurdin Urdaiazpikoaren Bandera (Baiona) (1): 2011.
Donibane Ziburuko Estropada (2): 2022, 2023
Kantabrian Santanderko Bandera (2): 2011, 2020.
Pedreñako Bandera (1): 2013.
Besterik Euskotren Bandera (3): 2012, 2013, 2015.

Trainerillak[aldatu | aldatu iturburu kodea]

Batelak[aldatu | aldatu iturburu kodea]

Denboraldiak[aldatu | aldatu iturburu kodea]

Urtea Liga Kontxa
2008 - 3.a
2009 Gipuzkoa, 2.a 4.a
2010 Gipuzkoa, 2.a 3.a
2011 Emakumezkoen Liga, 3.a 3.a
2012 Emakumezkoen Liga, 1.a 2.a
2013 Emakumezkoen Liga, 1.a Txapelduna
2014 Emakumezkoen Liga, 3.a 2.a
2015 Emakumezkoen Liga, 2.a 3.a
2016
2018
ez -
2019 ETE Liga, 2.a 8.a
2020 ETE Liga, 3.a 7.a
2021 ETE Liga, 5.a -
2022 ETE Liga, 4.a -
2023 ETE Liga, 2.a 7.a

Beteranoak[aldatu | aldatu iturburu kodea]

Zumaia Arraun Elkartea
Kolorea(k)      gorria
Trainerua      Telmo Deun
Palmaresa 0 ABE Liga
0 Euskadiko Txapelketa
1 Gipuzkoako Txapelketa
2023 7.a (ABE Liga)


Zumaia Arraun Elkartea izenarekin[2] 2016an hasi zen lehiatzen ABE Traineruen Ligan eta aurreneko denboraldian hirugarren egin zuen. 2017an bigarrena izan zen eta baita Gipuzkoako txapelduna ere.

Palmaresa[aldatu | aldatu iturburu kodea]

Denboraldiak[aldatu | aldatu iturburu kodea]

Urtea ABE Liga Euskadiko txap.
2016 3.a -
2017 2.a -
2018 5.a -
2019 5.a -
2020 - -
2021 8.a 7.a
2022 6.a 5.a
2023 7.a 6.a

Erreferentziak[aldatu | aldatu iturburu kodea]

  1. a b «Aita Mariren logotipoa dela eta, elkartearen erantzuna - Zumaia» Baleike.eus (Noiz kontsultatua: 2022-08-03).
  2. Elkartea – La Salve liga. (Noiz kontsultatua: 2022-08-03).

Kanpo estekak[aldatu | aldatu iturburu kodea]