Hernán Siles Zuazo

Hernán Siles Zuazo
	; Irudi gehiago
; 71. Boliviako presidentea
; 52. Boliviako presidentea
; Boliviako presidenteordea
Bizitza
Jaiotza	La Paz, 1914ko martxoaren 21a
Herrialdea	Bolivia
Heriotza	Montevideo, 1996ko abuztuaren 6a (82 urte)
Hobiratze lekua	Bolivia
Familia
Aita	Hernando Siles Reyes
Haurrideak	ikusi Jorge Siles Salinas (en) ; Luis Adolfo Siles Salinas;
Hezkuntza
Hizkuntzak	gaztelania
Jarduerak
Jarduerak	abokatua eta politikaria
Jasotako sariak	ikusi Grand Officer of the Order of the Condor of the Andes ; Elisabet Katolikoaren Ordenaren Gurutze Handia ; Grand Cross 1st class of the Order of Merit of the Federal Republic of Germany ;
Sinesmenak eta ideologia
Erlijioa	katolizismoa
Alderdi politikoa	Revolutionary Nationalist Movement (en)

Hernán Siles Zuazo (La Paz, 1914ko martxoaren 21a - Montevideo, 1996ko abuztuaren 6a) boliviar politikaria izan zen, Mugimendu Nazionalista Iraultzailearen sortzailea. Bi agintalditan izan zen Boliviako lehendakari: 1956-1960 eta 1982-1985 bitartean.

Bizitza

Hernando Siles lehendakariaren semea zen. Lege-ikasketak egin zituen. Paraguairen kontrako Chacoko Gerran borrokatu zen (1932-1935), eta 1941. urtean, Mugimendu Nazionalista Iraultzailea sortu zuen, Víctor Paz Estenssororekin batera. Alderdi horrek bat egin zuen Gualberto Villarroel militarra agintari jarri zuen estatu-kolpearekin (1943-1946), eta Villarroel bere kargutik kendu zutenean, Silesek erbestera ihes egin behar izan zuen. Boliviara itzuli eta 1952ko iraultza abertzalearen alde agertu zen. Iraultza hari esker, Víctor Paz Estenssorok lehendakaritza eskuratu zuen, eta Siles lehendakariorde izan zen. Paz Estenssorok bere agintaldia amaitu ondoren, berriz, lehendakari izendatu zuten Siles, 1956an.

Gobernuaren buru zegoela, egonkortasun ekonomikoa lortzen saiatu zen, eta zenbait hitzarmen sinatu zituen Estatu Batuekin eta Nazioarteko Diru Funtsarekin. 1960an bere agintaldia amaitu ondoren, enbaxadore izan zen, eta 1964ko estatu-kolpearen ondoren, erbestera ihes egin behar izan zuen, berriro. Sorterrira itzuli zenean, Herritar Batasun Demokratikoa antolatu zuen, eta lehendakaritzarako hautagai izan zen, 1978, 1979 eta 1980. urteetan. 1980an berriro ihes egin zuen, militarren estatu-kolpearen ondorioz; baina 1982an militarrek agintea utzi eta Siles Zuazok berreskuratu zuen lehendakaritza. Agintaldi horretan, krisi ekonomikoari aurre egiteko murrizketak eta neurri gogorrak hartu zituen. 1985ean greba orokor batean gertatutako istiluen ondoren, dimisioa eman zuen, eta hauteskundeak aurreratu zituen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Hernán Siles Zuazo

Datuak: Q471313
Multimedia: Hernán Siles Zuazo / Q471313