Uxue Barkos

Wikipedia(e)tik
Hona jo: nabigazioa, Bilatu
Uxue Barkos
Uxue Barkos

Karguan
2015eko uztailaren 20(e)tik
Presidenteordea   Manu Ayerdi (Ekonomikoa)
Miguel Laparra (Gizarte Gaietakoa)
Aurrekoa Yolanda Barcina

Karguan
2015eko ekainaren 17(e)tik

2004 – 2015

Jaiotza 1964ko uztailaren 5a (51 urte)
Iruñea, Nafarroa Garaia
Alderdi Politikoa Geroa Bai
Lanbidea Kazetaria
Web www.uxuebarkos.com


Miren Uxue Barkos Berruezo[1] (Iruñea, 1964ko uztailaren 5a) nafar kazetaria eta politikari abertzalea da. 2015eko uztailetik Nafarroako Foru Erkidegoko presidentea da. Aurretik, 2004tik 2015era arte Espainiako Gorteetako diputatua izan da eta 2007ko 2015era Iruñeko Udaleko zinegotzia ere. Ezkondua eta seme baten ama da[2].

Biografia[aldatu | aldatu iturburu kodea]

San Fermin Ikastolan ikasi ondoren Nafarroako Unibertsitatean Kazetaritzan lizentziatu zen. Espainiako Irrati eta telebista publikoetan lan egin zuen eta baita Navarra Hoy egunkarian. 1990ean ETBn hasi zen. Iruñean eta Iurretan aritu ostean, Madrilgo berriemailea izan zen[3].

2004ko Espainiako hauteskunde orokorretan Nafarroa Bai koalizio sortu berriak kongresurako zerrendaburu aurkeztu zuen. Lortu zituen 61.045 botoek (% 17,98) kongresuko diputatu izatera eraman zuten[4]. 2008ko hauteskunde orokorretan ere diputatu aukeratua izan zen, 62.073 botorekin (%18,53)[5].

2007ko udal hauteskundeetan Nafarroa Baiko alkategaia izan zen Iruñean. Bigarren zerrendarik bozkatuena izan zen, 28.581 botorekin (26,16%), eta 8 zinegotzi lortu zituen[6]. Alkate izan ahal izateko PSN eta ANVren sostengua behar zuen, baina sozialistek ukatu zioten. Yolanda Barcina, zerrenda bozkatueneko hautagaia atera zen alkate[7].

2011ko martxoan bularreko minbizia zuela eta aldi baterako zeregin politikoak utziko zituela iragarri zuen[8]. Urte bereko maiatzean egin ziren udal hauteskundeetan Nafarroa Bai 2011ko alkategaia izan zen Iruñean (EAk utzia zuen koalizioa). Orduan ere bigarren bozkatuena izan zen, 21.715 boto (%22,37%), eta 7 zinegotzi erdietsi zituen[9].

2011ko hauteskunde orokorretan, Geroa Bai koalizioko zerrendaburua izan zen. 42.411 boto jaso zituen (%12,84) eta diputatu eserlekua lortu[10].

2015eko foru hauteskundeetan, Uxue Barkos buru zuen Geroa Bai koalizioak 53.497 boto (%15,83) eta 9 eserleku erdietsi zituen[11]. Horren ondorioz, bere taldearen, Ezkerraren, Podemosen eta EH Bilduren babesarekin, Nafarroako Gobernuko lehendakari bihurtu zen, gehiengo osoz[12]. Yolanda Barcina ordezkatu zuen gobernuko burutzan.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]


Uxue Barkos Yolanda Barcina Miguel Sanz Javier Otano Juan Cruz Alli Gabriel Urralburu