Ariel Sharon

Wikipedia(e)tik
Hona jo: nabigazioa, Bilatu
Ariel Sharon
Ariel Sharon

Ariel Sharon 1998an


2001eko martxoak 7 – 2006ko apirilak 14
Presidentea Moshe Katsav
Aurrekoa Ehud Barak
Ondorengoa Ehud Olmert

Jaiotza 1928ko otsailaren 27a
Kfar Malal, Palestinako Britainiar Mandatua
Heriotza 2014ko urtarrilaren 11a (85 urte)
Tel Aviv, Israel
Alderdi Politikoa Likud, Kadima
Ezkontidea Margalit Sharon
Lily Sharon
Seme-alabak 3
Sinadura Ariel Sharon-ren sinadura

Ariel Sharon (hebreeraz: אֲרִיאֵל שָׁר‏וֹן‎, arabieraz: أرئيل شارون‎, Ariʼēl Sharōn; Kfar Malal, 1928ko otsailaren 27a - Tel Aviv, 2014ko urtarrilaren 11a) israeldar politikari eta militarra izan zen. Lehen Ministroa izan zen 2001eko martxotik 2006ko apirilera arte, nahiz eta 2006ko urtarrilaren 4tik aurrera, Ehud Olmert Lehen Ministrordeak postua hartu zuen, Sharonek odol isuri handia izan zuelako. Handik aurrera, koman egon zen, 2014ko urtarrilean hil zen arte[1].

Bere ibilbide politiko luzean zehar, bai Israelen, bai kanpoan, polemikak piztu zituen. Israelen segurtasuna ahuldu gabe, bakea lortzen ahalegintzen zen lidertzat jotzen zuten aldekoek. Israeldar askoren iritziz, borroka latzetan herrialdea defendatu zutenetakoa izan zen. Palestinar frankorentzat, berriz, 1982an Beirut inguratu zuen odolzalea eta Sabra eta Xatila sarraskiaren erantzulea zen[2].

Biografia laburra[aldatu | aldatu iturburu kodea]

1948an eratu zenetik, Israelgo armadako komandantea izan zen. 1953ean 101 unitatea sortu zuen, palestindar fedajinen aurkako errepresalia operazioak egiteko. Suezko krisialdian (1956-1957), Sei Eguneko Gerran (1967) eta Yom Kippur Gerran (1973) parte hartu zuen. 1982an, Menahem Beginen gobernuko Defentsa ministroa zela, Libanoko inbasioa zuzendu zuen. 1982ko irailean geratutako Sabra eta Xatila sarraskiaren ardura izatea leporatu zitzaion[3]. 1983an, Kahan komisioak "zeharka" eta "pertsonalki" erantzulea zela ebatzi zuen, nahita axolagabe jokatu baitzuen. Ondorioz, Defentsa ministro kargua utzi zuen. Nolanahi ere, Likud alderdiaren barnean politiko nabaria izanik, hurrengo kabineteetan ministro izaten jarraitu zuen.

1999an, Benjamin Netanyahuren porrotaren ostean, alderdiburu izendatu zuten. 2000eko irailean Meskiten Zelaigunera egin zuen bisitak Bigarren Intifada eragin zuen. 2001ean lehen ministro hautatu zuten. Kargua hartu ondoan Zisjordaniako mugako harresia eraikitzen hasi zen, nazioarteko komunitatearen kritikei jaramonik egin gabe. Baina Gazako zerrendatik erretiratzeko plana aurkeztu zuenean, alderdikide ugarik kritikatu eta Israel saldu izana leporatu zioten. Azkenean, 2005eko azaroan Sharonek Likud alderdia utzi eta Kadima izenekoa sortu zuen. 2006ko urtarrilean, istripu zerebrobaskular larria izan zuen, eta koma egoeran gelditu zen[2]. Alderdi berriak, Ehud Olmert buru zuela, 2006ko hauteskundeak irabazi zituen.

Ariel Sharon Tel Aviven hil zen, 2014ko urtarrilaren 11n.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Ariel Sharon Aldatu lotura Wikidatan
Biografia
Israel
Artikulu hau Israelgo biografia bati buruzko zirriborroa da. Wikipedia lagun dezakezu edukia osatuz.