Donostia-Hondarribia aireportua
| Donostia-Hondarribia | |||
|---|---|---|---|
 |
|||
| Informazioa | |||
| Aireportu mota | publikoa | ||
| Eragilea | Aena | ||
| Hiria | Hondarribia, Gipuzkoa (Espainia) | ||
| Garaiera | 1 m | ||
| Koordenatuak | 43°21′23″N 1°47′26″W / 43.35639°N 1.79056°WKoordenatuak: 43°21′23″N 1°47′26″W / 43.35639°N 1.79056°W | ||
| Pistak | |||
| Norabidea | Luzera (m) | Gainazala | |
| 05-23 | 1.754 | Asfaltoa | |
| Estatistikak (2012) | |||
Donostiako aireportua Hondarribiko udalerrian kokatuta dago, Donostiatik 22 kilometrora.
Eduki-taula |
Historia[aldatu]
1910eko hamarkadaren hasieran, Gipuzkoak bi aireportu txiki zeuzkan, Ondarreta eta Lasartekoak. Horrez gain, Kontxako badia, ur-hegazkinek erabiltzeko modukoa zen. 1920. urtean Irungo pertsona talde batek probintziako aireportu nagusia bertan eraikitzea proposatu zion Espainiako Sustapen Ministerioari. Horretarako Plaiaundi izeneko gunea proposatu zuten Bidaso ibaiaren bokalean. Beste bi aireportu txikiek martxan jarraitu zuten Madril eta Teneriferako hegaldiak eskainiz.
1930eko hamarkadan zehar, Irunen aireportua eraikitzeko egitasmoa berreskuratu egin zen, baina zailtasun teknikoak zirela medio, bertan behera geratu zen 1934ean. Espainiako aireportuen trafikoa asko handitzen ari zela, 1950eko hamarkadan berriro ere Irunen aireportuaren idea berpiztu egin zen. Azkenik eraikuntza lanak hasi eta urte eta erdiren buruan eraiki zuten aireportua.
Inaugurazioa eta bilakaera gaur egun arte[aldatu]
Inaugurazio ekitaldiak 1955eko abuztuaren 22an egin ziren, eta lehen hegaldia abuztuaren 29an burutu zen, Aviacoren hegaldi baten bitartez. Dena den, hegaldiek aireportura gerturatzerakoan Frantzia gainetik hegan egin behar zutela eta, Frantziako gobernuaren kezka sortu zuten. Horrez gain, aireportuaren azpiegitura ezaren ondorioz, ondoko kontserba lantegi bat bidaiari terminal modura egokitzera behartu zuten.
Espainia eta Frantziak 1957an erabaki zuten aireportuaren ustiapen mugak zeintzuk izan behar ziren. Muga horien arabera dena den, erreakzio-hegazkinek aireportua erabiltzea debekatu zuen, egin beharreko maniobren desegokitasuna zela eta. 1961ean pistaren luzera 1500 metrora luzatu zen eta 1965. urtean kontrol dorrea eraiki zen. 1969ean pista berriro ere luzatu zen, gaur egun dituen 1.754 metroak lortu arte.
Gaur egun, aireportua zabaltzeko proiektuaren inguruko eztabaida handia dago. 2000ean Espainiako Sustapen Ministerioak proiektu bat aurkeztu zuen aireportuaren pista handitzeko, horrela hegazkin handiagoek pista erabiltzea posible izateko. Dena den, handitze proiektu hark etxebizitza eta lantegi batzuen eraisketa suposatzen zuela eta, Irun eta Hondarribiko hainbat bizilagunen haserrea eragin zuen eta hainbat manifestaldi egin ziren handitze horren aurka.
2004an Espainiako gobernuan aldaketa gertatu zenean bertan behera geratu zen proiektua, baina Sustapen Ministerioak, handitze proiektu hori zehazteko asmoa erakutsi du 2006. urtean zehar. Hiru urte beranduago, 2009an, Sustapen Ministerioak eta Eusko Jaurlaritzako Garraio Sailak, aireportuko pista 150 metrotan Mendelu aldera luzatzea eta itsasoaldera 50 metro luzatzea erabaki zuten, aireportuaren gaur egungo eragingarritasuna bermatzeko[1].
Hegaldiak[aldatu]
 Hegaldiak |
|
|---|---|
|
|
Estatistikak[aldatu]
 |
| Eguneratua: 2013ko otsailaren 13a.[3] |
| Urtea | Bidaiariak | Urtea | Bidaiariak |
|---|---|---|---|
| 2001 | 281.059 | 2007 | 466.457 |
| 2002 | 271.224 | 2008 | 403.191 |
| 2003 | 283.843 | 2009 | 315.294 |
| 2004 | 295.533 | 2010 | 286.059 |
| 2005 | 308.775 | 2011 | 248.054 |
| 2006 | 368.002 | 2012 | 261.581 |
Ezaugarriak[aldatu]
- Lurreratze pista (1.754 m luze)
- Bidaiari terminala
- Aparkalekua (584 ibilgailu)
- 3 Ontziratze ate
Hegaldiak bidaiarien arabera[aldatu]
| Postua | Hiria | 2011n | 2012an | Aldaketa | Airelineak |
|---|---|---|---|---|---|
| 1 |  Madril, Espainia |
183.455 | 169.138 | ▼%7,80 | Air Nostrum |
| 2 |  Bartzelona, Katalunia |
49.205 | 81.027 | ▲%64,67 | Air Nostrum, Vueling |
| 3 | Palma, Espainia |
1.450 | 4.306 | ▲%196,97 | Air Nostrum |
| 4 | Valentzia, Espainia |
343 | 449 | ▲%30,90 | |
| 5 | Madril-Torrejón, Espainia |
413 | 366 | ▼%11,38 |
Erreferentziak[aldatu]
- ↑ (Gaztelaniaz) Aireportuko pista 150 metrotan Mendelu aldera luzatzea eta itsasoaldera 50 metro luzatzea erabaki da, Diario Vasco, 2009-04-15
- ↑ , http://www.elmundo.es/elmundo/2010/06/07/paisvasco/1275917530.html. Noiz kontsultatua: 2010-06-08
- ↑ (Gaztelaniaz) (xls) AENA, http://estadisticas.aena.es/csee/Satellite?Language=ES_ES&c=Page&cid=1113582476721&pagename=Estadisticas%2FEstadisticas&periodoInforme=Anual. Noiz kontsultatua: 2013-02-13
Ikus, gainera[aldatu]
Kanpo loturak[aldatu]
- Donostiako aireportua AENAko webgunean. (Euskaraz) (Gaztelaniaz) (Ingelesez)
|
|||||||||||||||||||||||||
 |
Euskal Herriko aireko instalazioak | |
|---|---|---|
|
Aireportuak: Miarritze-Angelu-Baiona • Bilbo-Loiu • Donostia-Hondarribia • Gasteiz-Foronda • Iruñea-Noain Aerodromoak: Itsasu • Berbintzana • Irunberri • Sesma • Tutera-Aguasalada Militarrak: Bardeetako tiro eremua |
||
