Lasarte-Oria

Artikulu hau Lasarte-Oriari buruzkoa da; beste esanahietarako, ikus Lasarte (argipena).

Lasarte-Oria
Gipuzkoa
Lasarte-Oriako aireko ikuspegia.
Izen ofiziala	Lasarte-Oria
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Gipuzkoa Donostialdea
Alkatea	Pablo Barrio (Bildu)
Herritarra	lasartear, oriatar
Koordenatuak	43°13′N 2°1′W
Eremua	6,01 km2
Garaiera	13-260 m
Distantzia	8 km Donostiara
Posta kodea	20160
Biztanleria	17.922 bizt. (2012)
Dentsitatea	2.982,03 bizt./km²
Sorrera	1986 urtarrilaren 15 Lasarte eta Oriaren bateratzea
http://www.lasarte-oria.org/

Lasarte-Oria Gipuzkoako Donostialdea edo Buruntzaldea eskualdeko udalerria da. 2010ean 17.856 biztanle zituen.

Herriko jaiak ekaineko San Pedro jaiak dira.

Geografia

Auzoak

Bost auzo ditu Lasarte-Oriak:

• Lasarte: 12.626 bizt.
• Oria: 1.027 bizt.
• Atsobakar: 1.461 bizt.
• Larrekoetxe: 773 bizt.
• Oztaran: 1.969 bizt.

Mugakideak

Iparraldean Donostia, hegoaldean Andoain, ekialdean Hernani eta Urnieta eta mendebaldean Usurbil eta berriro Donostia mugakide ditu.

Ondasun nabarmenak

Lasarte-Oriako San Pedro eliza

Brigiden plaza, Lasarten

• Brigiden Komentua: komentua, kapera eta ipar-ekialdetik hego-mendebaldera zuzen doazen bi gorputz ditu osagai.
• San Pedro eliza.

Demografia

Biztanleriaren bilakaera

1986	1991	2001	2010
Hernani, Andoain eta Urnietatik banandu zen	18.165	17.502	17.856

Politika

Udaletxeko ordezkaritza 2011-2015

2011ko maiatzaren 22ko udal hauteskundeetan PSE-EE alderdiak jaso zituen boto gehien, bigarren Bildu alderdia izan zen, hirugarren EAJ, laugarren PCLO herri plataforma eta bosgarrena PP alderdia.

PSE-EE alderdiak 7 zinegotzi lortu zituen, Bilduk 5, EAJk eta PCLO plataformak bina zinegotzi eta PPk bakarra. 2011ko ekainaren 11an egindako inbestidura ekitaldian Bildu, EAJ eta PCLOk bat egin eta Bilduko Pablo Barrio alkategaia hautatu zuten alkate, bere alderdiko zinegotzien 5 boto, eta EAJ eta PCLOren 4 zinegotzien botoari esker.

2011ko udal hauteskundeak

Lasarte-Oriako udaleko alderdi politikoak
Alderdia	Zinegotziak	Boto kopurua
Euskadiko Alderdi Sozialista-Euskadiko Ezkerra (PSE-EE)	7	3.147 (%35,68)
Bildu	5	2.168 (%24,58)
Euzko Alderdi Jeltzalea (EAJ)	2	1.091 (%12,37)
Plataforma Ciudadana de Lasarte-Oria (PCLO)	2	980 (%11,11)
Euskadiko Alderdi Popularra (PP)	1	785 (%8,90)
Hamaikabat (H1!)	-	298 (%3,38)
Beste batzuk	-	351 (%3,98)

2007ko udal hauteskundeak

Lasarte-Oriako udaleko alderdi politikoak
Alderdiak	Zinegotziak
Euskadiko Alderdi Sozialista-Euskadiko Ezkerra (PSE-EE-PSOE)	8
Eusko Abertzale Ekintza (ANV-EAE)	3
Euzko Alderdi Jeltzalea (PNV-EAJ)	2
Plataforma Ciudadana de Lasarte-Oria (PCLO)	1
Euskadiko Alderdi Popularra (PP)	1
Ezker Batua-Berdeak-Aralar (EB-B-Ar)	1
Eusko Alkartasuna (EA)	1

Lasartear eta oriatar ospetsuak

• Juan Garmendia (1898-1989), idazlea eta euskaltzaina.
• Andoni Arozena "A-Bi" (1907-1989), idazlea, politikari erbesteratua.
• Tomás de Sosa (????), txirrindularia.
• Antonio Mercero (1936-), zinema eta telebistako zuzendaria eta gidoilaria. 2010eko Ohorezko Goya Saria.
• Jose Antonio Irulegi (1937-), futbol entrenatzailea.
• Julio Olaizola (1950-), futbolaria.
• Rafa Diez Usabiaga (1956-), sindikalista eta LABeko idazkari nagusia.
• Joseba Tapia (1964-), trikitilaria.
• Ixiar Rozas (1972-), euskal idazlea.
• Adela González (????-), kazetaria eta telebista aurkezlea.
• Jon Tecedor (1975-2008), haltera.
• Harkaitz Cano (1975-), euskal idazlea.
• Maialen Chourraut (1883-), arraunlaria.

Ekonomia

Lasarte-Orian enpresa ugari dago 50 langiletik gorakoak, hala nola,

• Michelin Espainia-Portugal
• Gureak
• Jema

Ikus, gainera

• Gipuzkoako udalerrien zerrenda

Kanpo loturak

• Lasarte-Oriako Udalaren webgunea
• Txintxarri, tokiko aldizkariaren webgunea
• (Gaztelaniaz) Alboka Abesbatza, Lasarte-Oriako abesbatza