Iruñea-Noain aireportua

Iruñea-Noain
NAGE: PNA - NAZE: LEPP
Informazioa
Aireportu mota	publikoa
Eragilea	Aena
Hiria	Iruñea, Nafarroa (Espainia)
Garaiera	458 m
Koordenatuak	42°46′12″N 1°38′47″W
Pistak
Norabidea	Luzera (m)	Gainazala
16-34	2.207	Asfaltoa

Iruñeko aireportua Iruñeatik sei kilometrora kokatzen da, Noaingo udalerrian.

Historia

1930ean Iruñeko udalak aireportu bat eraikitzeko beharra ikusi zuen, eta horretarako Iruñeatik sei kilometrora zegoen orube bat aukeratu zuten Noainen. Eraikitze lanak 1930eko hamarkadan zehar luzatu ziren, eta gerra zibilaren aurretik amaitu zen aireportua. Espainiako Gerra Zibilean zehar, Francoren tropek noizbehinka erabilitako aireportua, azkenik erabilpenik gabe geratu zen ondorengo urteetan.

1965ean Nafarroako Aerokluba sortu zen, eta hiru urte beranduago, Espainiako gobernuak 500 metroko luzerako pista bat eraikitzeko asmoa agertu zuen. Obrak hurrengo urtean hasi ziren eta 1970rako burutu zen pista berriaren eraikitzea. Bidaiarien lehen hegaldia 1972an burutu zen Madril eta Iruñea artekoa, Aviaco konpainiak buruturikoa. Hasieran asteroko hegaldi bakarra zena, haziz joan zen eta 1975rako hiru hegaldi zeuden Madril eta Iruñea bitartean.

1992an bidaiarientzako terminal berria eraiki zen, guztira 2.600 metro karraturekin. 1992ko azaroaren 11ean inauguratu zen ofizialki. Urtebete beranduago, 400 autorentzako aparkaleku bat eraiki zen terminaletik gertu.

Azpiegiturak

• Aireratze pista bat (2.207 metro)
• Bidaiarientzako terminal bat
• 403 autoentzako aparkalekua
• Kargarako terminal bat

Aireportuan dauden hegazkin konpainiak

Hegaldiak
Iberia:: Madril-Barajas Air Nostrum: Bartzelona-El Prat, Madril-Barajas Denim Air: Bartzelona-El Prat Sun d'Or: Tel Aviv TAP Portugal: Lisboa

Ikus, gainera

• Euskal Herriko aireportuak bidaiarien arabera

Kanpo loturak

• (Gaztelaniaz) Aireportuaren webgunea AENAn.