Akitania erromatar

Akitania probintziako kokapena Erromatar Inperioan

Akitania Erromatar Inperioko probintzia bat zen, gaur egungo Frantzian kokatua. Julio Zesarrek zioenez, Akitaniak Garona ibaia zeukan muga. Hala ere, K. o. I. mendean, erromatarrrek Akitaniako probintzia zabaldu zuten Loira ibairaino. Gero, Tetrarkia garaian, Akitania zabal hori hiru probinziatan zatitu zen:

Akitania lehena edo Aquitania prima (Erdialdeko Mendigunea eta Berry)
Akitania bigarrena edo Aquitania secunda (Charentes, Poitou eta Bordeleko eskualdeak)
Novempopulania (jatorrizko Akitania Pirinioen eta Garonaren artean)

Akitania Novempopulana hamabi "civitate"tan banatuta zegoen:

C. Ausciorum, egungo Auski (Auch) aldean (Gers departamenduan), "metropolis" zen, hiriburua.
C. Aquensium itsasaldean, egungo Akize ondoan (Landetan).
C. Lactoratium, egungo Lectoure aldean (Gers iparraldean).
C. Convenarum, gero Comminges herrialdea, Garona Garaiko departamenduan.
C. Consoranum, gero Couserans herrialdea, Ariege departamenduko mendebaldean.
C. Boatium, Landetako ipar-mendebaldean eta Girondako hego-mendebaldean.
C. Benarnensium, gero Biarno izanen zena.
C. Aturensium Aturri ibaiaren ertzetan, Aire-sur-l'Adour eskualdean.
C. Vasatica, egungo Bazas aldean (Girondako hegoaldean).
C. Turba, egungo Aturbe (Tarbes) Pirinio Garaietan.
C. Iluronensium, egungo Oloroe aldean (Biarnon).
C. Elusatium edo Elusa (Eauze) (Gers departamenduan)

[aldatu] Ikus, gainera

120ko Erromatar Inperioko probintziak