Nantes

Nantes
Loirerria
Nanteseko uhartearen ikuspegia.
Administrazioa
Estatua	Frantzia
Eskualdea	Loirerria
Departamendua	Loira Atlantikoa (44) - (hiriburua)
Barrutia	Nantesko barrutia (hiriburua)
Izen ofiziala	Nantes
Alkatea	Johanna Rolland (en)
INSEE kodea	44109
Postakodea	44000, 44100, 44200 eta 44300
Demografia
Biztanleria	323.204 (2021eko urtarrilaren 1a) 2.472 (2021eko urtarrilaren 1a)/(2020ko urtarrilaren 1a)
Eremua	65,19 km²
Dentsitatea	4.341,54 bizt/km2
Kokapena
Koordenatuak	47°13′02″N 1°33′14″W
Nantes Nantes (Frantzia)
Altuera	12 m eta 52 m
Mugakideak	Rezé, Saint-Sébastien-sur-Loire, Orvault, La Chapelle-sur-Erdre, Carquefou, Sainte-Luce-sur-Loire, Basse-Goulaine, Vertou, Bouguenais, Saint-Herblain eta Treillières
Informazio gehigarria
Sorrera	zeltarra
Ordu eremua	UTC+01:00 eta UTC+02:00
Hiri senidetuak	Bahía Blanca, Agadir, Saarbrücken, Jacksonville, Cardiff, Seattle, Cochabamba, Niigata, Recife, Durban, Dschang (en) , Cluj-Napoca, Jeriko, Desdunes (en) , Pétion-Ville (en) , Chimbote, Tbilisi eta Rio de Janeiro
http://www.nantes.fr/

Nantes (bretoieraz Naoned, galoz Naunnt) Frantziako mendebaldeko hiria da, Pays de la Loire eskualdeko eta Loire-Atlantique departamenduko hiriburua. Batzuen ustez, Bretainiako hiriburua ere bada.

2009an, 282.047 biztanle zituen (4.327 biz./km²). Frantziako seigarren hiri populatuena zen, beraz.

Loira ibaiak zeharkatzen du.

Administrazio autonomoko portua da. Hidrokarburoak, petrolio findugabea eta findua, sufrea, porlana, banana, azukrea eta lantzeko zura sartzen dira, batez ere. Portuko merkataritzarekin oso lotua dago hango industria. Industrian, metalurgiak eta ontzigintzak dute garrantzirik handiena. Batez ere, trenetako eta hegazkinetako piezak, ontzietako eta nekazaritzako makinak, etxe-barruko elektrizitate-tresnak eta diesel motorrak egiten dira, metalurgian; elikagai-industrian, arrain-kontserbak eta azukre-finketa egiten da.

Auzoak

Auzoa	Zbk	Biztanleria	Mapa
Centre-ville	Nantes 1	25.621
Bellevue-Chantenay	Nantes 2	24.163
Dervallières-Zola	Nantes 3	33.567
Hauts-Pavés-Saint-Félix	Nantes 4	32.216
Malakoff-Saint-Donatien	Nantes 5	31.635
Île de Nantes	Nantes 6	13.110
Breil-Barberie	Nantes 7	22.292
Nantes Nord	Nantes 8	23.696
Nantes Erdre	Nantes 9	24.146
Doulon-Bottière	Nantes 10	29.475
Nantes-Sud	Nantes 11	10.422
Iturriak : INSEE 2003an guztira 270.343 biztanle

Artea eta ondarea

Nantesko katedrala

Hirian dauden eraikinik ikusgarrienak hauek dira: gotiko eta Errenazimentu garaiko gaztelua —Bretainiako Frantzisko II.ak XV. mendearen erdialdean egina, eta gaur herri-artearen, apainketa-artearen eta itsasoaren museo bihurtua—, San Petri eta San Pauloren katedrala —1434-1893 bitartean egina eta berritua—, Ama Sortzez Garbiaren eliza —XV. mendekoa— eta udaletxea —XVII. mendekoa—.

Historia

Sakontzeko, irakurri: «Nantesko ediktua»

1598ko apirilaren 13an, Henrike III.a Nafarroakoa Frantziako erregeak erlijio-gerrak eteteko asmoz zabaldu zuen agindu-multzoa. Ediktu horretan, gainerako herritarrek zituzten eskubide berberak ezagutzen zitzaizkien higanotei, haien erlijioaren arabera jokatzeko askatasuna eta politika-karguetarako hautatuak izateko edo epaile-lanetan aritzeko eskubidea. Ehun bat hiri uzten zitzaizkien, gainera, babeslekua izan zezaten. Ediktu hori indarrik gabe utzi zuen 1685ean Luis XIV.ak, eta higanotek erlijio katolikoa onetsi edo atzerrira (200.000) joan behar izan zuten.

Ikustekoak

• Bretainiako dukeen gaztelua

Kirolak

• FC Nantes, hiriko futbol-talde nagusia.

Hezkuntza

• Audencia Business School
• e-artsup
• École pour l'informatique et les nouvelles technologies
• ISEG Marketing & Communication School
• ISEFAC Bachelor

Hiri senidetuak

• Cardiff (Gales).
• Sarrebruck (Alemania).
• Tbilisi (Georgia).
• Seattle (AEB).
• Jacksonville (AEB).

Pertsonaia ezagunak

• Jules Verne (1828-1905), idazlea.

Ikus, gainera

• Frantziako hiri nagusien zerrenda

Kanpo loturak

Wikimedia Commonsen badira fitxategi gehiago, gai hau dutenak: Nantes

• (Frantsesez)Webgune ofiziala