Pays de la Loire
| Pays de la Loire | |
|---|---|
| — Frantziako eskualdea — | |
 |
|
 |
|
| Prefektura | Nantes |
| Departamenduak | Loire-Atlantique Maine-et-Loire Mayenne Sarthe Vendée |
| Gobernua - Presidentea - Prefeta |
Jacques Auxiette (PS) Bernard Boucault |
| Eremua - Guztira |
32.082 km² |
| Biztanleria (1999) - Guztira - Dentsitatea |
3.222.061 100 bizt/km² |
| Azpibanaketak - Barrutiak - Kantonamenduak - Udalerriak |
17 192 1.503 |
| Eskualdeko Kontseiluaren webgunea | |
Pays de la Loire (frantsesez Loirako herria) Frantzia mendebaldeko eskualdea da, kostaldekoa. Prefektura Nantesen dago. Bretainiako lurra da berez eta historia berezia duten lurraldeak (Vendée-Poitou, Anjou, Maine) bildu dira, Nantes aldearekin batean, lurralde honetan. Hiri nagusiak: Saint-Nazaire, Laval, Le Mans, Angers, Cholet, Saumur eta La-Roche-sur-Yon.
Eduki-taula |
Geografia [aldatu]
Eskualde mugakideak [aldatu]
Iparraldean Normandia Beherea, hegoaldean Poitou-Charentes, ekialdean Centre eta mendebaldean Bretainia eta Ozeano Atlantikoa mugakide ditu.
Departamenduak [aldatu]
Loire-Atlantique (44), Maine-et-Loire (49), Mayenne (53), Sarthe (72) eta Vendée (85) departamenduek osatzen dute.
Orografia eta klima [aldatu]
Lurralde apala da oro har; Normandia Behereko mendi muinoak daude iparraldean (Avaloirs, 417 m, eta Les Coëvrons, 357 m, mendialdeak Mayenneko iparraldean) eta Bretainiako ekialdeko ordokiak erdialdean eta hegoaldean. Basoa eta belardiak dira nagusi Loire ibaiaren bazterretan, eta lur hareatsua itsasaldean, Vendée aldean bereziki. Klima gozoa da bertakoa: udaberriak goiztiarrak dira eta udazkenak luze argiak. Hezetasun maila handia den arren, ez du euri asko egiten: 800-900 mm iparraldeko mendialdeetan eta 550 mm erdialdeko ordokietan.
Ekonomia [aldatu]
Nekazaritza arloak garrantzi handia du. Nekazaritzaren % 70 abere hazkuntzak hartzen du (behi azienda eta esnea), laboregintzak %8 baizik ez; bertako barazkiak eta ardoak (muscadet, anjou) oso aintzat hartuak dira. Arrantza garrantzitsua da Saint-Nazaire aldean, Les Sables d´Olonne eta uharteetan (Noirmoutier eta Yeu-ko uharteak). Ekonomia alorreko lanpostuen %35 industriaren ingurukoak dira: janari industria (barazki kontserbak, haragia, esnekiak), mekanika industria, ontziolak, automobilgintza, kimika industria. Lau industria hiri nagusi daude: Le Mans, Angers, Nantes eta Saint-Nazaire. Apalagoak dira Laval, Saumur eta La-Roche-sur-Yon hirietako industrialdeak. Cholet aldean lihoaren industria zabaldu da bereziki. Kostaldean turismoak hazkunde berezia izan du.
Pertsonaia ezagunak [aldatu]
- Jules Verne (1828-1905), idazlea.
- François Fillon (1954-), politikaria.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
Kanpo loturak [aldatu]
- (Frantsesez)Pays de la Loire-ko webgune ofiziala
.svg){kind=small} |
Bretainiako departamenduak | |
|---|---|---|
|
Cotes-d'Armor/Aodoù an Arvor • Finistère/Penn-ar-Bed • Ille-et-Vilaine/Il-ha-Gwilen • Morbihan/Mor-Bihan |
||
 |
Frantziako eskualdeak | |
|---|---|---|
|
Frantzia metropolitarra : Akitania • Alsazia • Auvernia • Borgoina • Bretainia • Centre • Champagne-Ardenne • Franche-Comté • Île-de-France • Korsika • Languedoc-Roussillon • Limousin • Lorrena • Midi-Pyrénées • Nord-Pas-de-Calais • Normandia Garaia • Normandia Beherea • Pays de la Loire • Pikardia • Poitou-Charentes • Provence-Alpes-Côte d'Azur • Rhône-Alpeak Itsasoz haraindiko eskualdeak : Guadalupe • Guyana • Martinika • Mayotte • Réunion |
||
| Bizkaiko Golkoa inguratzen duten lurraldeak | ||
|---|---|---|
|
|
||
.svg){kind=small}
.png){kind=small}
