1993ko Korrika
| 1993ko Korrika | ||
|---|---|---|
| ||
| Leloa | Denok maite dugu gure herria euskaraz | |
| Mota | lasterketa | |
| Honen parte da | Korrika | |
| Denbora-tarte | 1993ko martxoaren 26a - 1993ko apirilaren 4a | |
← 1991
| ||
| Herrialdea | Euskal Herria | |
| Abiapuntu | Iruñea | |
| Helmuga | Bilbo | |
| Lanaren edo izenaren hizkuntza | euskara | |
1993ko Korrika edo 8. Korrika Euskal Herrian zehar ospatzen den Korrika jaialdiaren zortzigarren edizioa izan zen. AEK elkarteak antolatu zuen eta ekitaldi honetan Martin Ugalde kazetaria omendu zuen eta berarekin batera Euskaldunon Egunkaria sortu zuen taldea. Denok maite dugu gure herria euskaraz leloa izan zuen.
Ibilbidea[aldatu | aldatu iturburu kodea]
Iruñean abiatu zen 1993ko martxoaren 26an eta Bilbon bukatu zen apirilaren 4an. Martin Ugalde berak egin zuen azken erreleboa, inguruan Joxemi Zumalaberen familia eta AEK-ko antolatzaile taldea zituela. Zumalabek idatzia zen irakurriko zen mezua, bera Korrika hasi baino bi hilabete lehenago zendu zen. Ordura arteko ibilbiderik luzeena izan zen, 2.120 km-takoa izan baitzen.[1]
Korrika Kulturala[aldatu | aldatu iturburu kodea]
Korrikaren aurreko bi ediziotan hainbat kultur ekintza egin ziren Korrika bera girotzeko eta izan zuten arrakasta ikusita 1993an Korrika Kulturala kanpaina antolatu zen. Bi hilabete lehenago aurkeztu zen antolaturiko ekintzen egutegia eta aurreneko aldiz orduan aurkeztu zen Korrikaren abestia eta bideoklipa.
Abestia[aldatu | aldatu iturburu kodea]
Jon Sarasuaren hitzak musikatu zituzten Tapia eta Leturiak Aide Korrika abestian.[2]
Aide Korrika! Hala zankoa!
Aide korrika! Arraiopola
Aide korrika! Dida korrika!
Aide korrika! Bejondeigula (errepika)
Ezarle, karrerista, lasai pote geldoa eta esprinterrak,
Futinero erdi ero, errelebozaleak eta hanka okerrak,
Euskararen bizitzaren geroaren atzetik, hau da gure maratoia.
Euskararen bizitzaren geroaren atzetik, hau da gure arrazoia.
Aide Korrika! ...
Elorrixon añiketan, Donibanen laisterka, Oñatin atxintxika,
Arrasaten takarraran, itsas ertzean berriz, saltaka ta korrika.
Datorrena datorrela, hemen gehiena dago gure esku, gure hanka.
Dinbi-danba, plisti-plasta, raka-raka, tiki-taka, kinki-kanka, kinki-kanka.
Dinbi-danba, plisti-plasta, raka-raka, tiki-taka, kinki-kanka, kinki-kanka.
Datorrena datorrela, hemen gehiena dago gure esku, gure hanka.
Aide Korrika! ...
Erreferentziak[aldatu | aldatu iturburu kodea]
- ↑ Korrika - Auñamendi Eusko Entziklopedia. (Noiz kontsultatua: 2017-08-31).
- ↑ Txatxangorria-Euskal Karaokeak. (2014-10-23). Korrika -EGAN-. (Noiz kontsultatua: 2017-09-01).
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q61069241
Multimedia: Korrika 1993 / Q61069241
Korrikaren ekitaldiak | ||
|---|---|---|
| Edizioak |  | |
| Korrikaren ahizpak | Correlingua • Ar Redadeg • Correllengua • La Passem • Corrilingua • Sprochrenner • Lefkantun • Rith • Ras yr Iaith | |