1995eko Korrika

Wikipedia, Entziklopedia askea
Jump to navigation Jump to search
9. Korrika
Urtea 1995
Antolatzailea AEK
Leloa Jalgi hadi euskaraz
Ibilbidea Donibane Garazi - Gasteiz
2.150 km
Omendua Mikel Laboa
Abestia Bizi ganoraz
(Kepa Junkera eta Edorta Jimenez)
Korrikaren lekukoa.

1995eko Korrika edo 9. Korrika Euskal Herrian zehar ospatzen den Korrika jaialdiaren bederatzigarren edizioa izan zen. AEK elkarteak antolatu zuen eta ekitaldi honetan Mikel Laboa abeslaria omendu zuen. Jalgi hadi euskaraz leloa izan zuen.

Ibilbidea[aldatu | aldatu iturburu kodea]

Donibane Garazin abiatu zen martxoaren 17an eta Gasteizen bukatu zen hilaren 26an. Korrikak guztira 2.150 kilometrotako ibilbidea egin zuen, ordura arteko luzeena. Mikel Laboa bera sartu zen lekukoarekin Gasteizko Ama Zuriaren plazan inguruan AEK-ko antolatzaile taldea zuela. Laboak irakurri zuen berak idatzia zuen mezua.[1].

Korrika Kulturala[aldatu | aldatu iturburu kodea]

Aurreko urtean bezala, Korrika hasi baino bi hilabete lehenago aurkeztu ziren Korrikaren inguruan antolaturiko ekintzak, bai eta abestia eta bideoklipa ere.

Abestia[aldatu | aldatu iturburu kodea]

Kepa Junkerak (musika) eta Edorta Jimenezek (hitzak) egin zuten kanta. Abestia grabatzerako orduan garai hartan sona handia zuten hainbat artista azaldu ziren; Maixa ta Ixiar, Alex Sardui, Kepa Junkera eta Mikel Errazkin[2].

Hona aukera: jalgi hadi euskaraz!
Laga erdara, bizi ganoraz.
Ez egin galde gu zenbat lagun ote;
hirekin asko izan gaitezke.
Itsasoan ura ta harea;
euskara ere gurea;
denona da kaleko hondartza;
gerorantza
goazen Korrika!
Hona aukera: jalgi hadi euskaraz!
Laga erdara, bizi ganoraz.

Hona aukera: jalgi hadi euskaraz!
Laga erdara, bizi ganoraz.
Denon arnasaz ta hire izerdiaz
eginak kasik bide erdia.
Basoetan pinu ta pagoa;
euskara da geroa;
laster bedi karrikako oihana
euskalduna
goazen Korrika!
Hona aukera: jalgi hadi euskaraz!
Laga erdara, bizi ganoraz.

Hona aukera: jalgi hadi euskaraz!
Laga erdara, bizi ganoraz.
Eskuz-ezku eta azkar pausoa
egin dezagun bide osoa.
Haizez doaz kantu ta oihuak;
jaso denok eskuak.
Gure sua euskararen garra
helmugara
goazen Korrika!
Hona aukera: jalgi hadi euskaraz!
Laga erdara, bizi ganoraz.

Erreferentziak[aldatu | aldatu iturburu kodea]