Alfred Schnittke

Wikipedia, Entziklopedia askea
Alfred Schnittke
Alfred Schnittke 1934-1998.jpg
Bizitza
JaiotzaEngels (hiria)1934ko azaroaren 24a
Herrialdea Sobietar Errepublika Sozialisten Batasuna
 Alemania
 Errusia
Talde etnikoaVolgako alemaniarra
HeriotzaHanburgo1998ko abuztuaren 3a (63 urte)
Hobiratze lekuaNovodevitxi hilerria
Heriotza moduaberezko heriotza: istripu zerebrobaskularra
Familia
Ezkontidea(k)Irina Schnittke (en) Itzuli  (1961 -
Anai-arrebak
Hezkuntza
HeziketaMoskuko kontserbatorioa
Hizkuntzakerrusiera
Jarduerak
Jarduerakmusikagilea, piano-jotzailea, musika-irakaslea, unibertsitateko irakaslea, soinu banda konpositorea eta musikaria
Enplegatzailea(k)Moskuko kontserbatorioa
Lan nabarmenakQ2097043 Itzuli
Symphony No. 0 (en) Itzuli
Symphony No. 9 (en) Itzuli
Jasotako sariak
KidetzaAlemaniako Errepublika Demokratikoko Artearen Akademia
Berlingo Arteen Akademia
Bavarian Academy of Fine Arts (en) Itzuli
Genero artistikoa20th-century classical music (en) Itzuli
opera
Sinfonia
art music (en) Itzuli
Musika instrumentuapianoa
DiskoetxeaECM Records (en) Itzuli

schnittke.org
IMDB: nm0006289 Spotify: 7A29QKpDvdkEuTM6vcY17z Musicbrainz: 2382cbc9-dd4e-4fc8-a92e-5391f70bd3b2 Songkick: 150665 Discogs: 154287 Allmusic: mn0001169129 Find a Grave: 23378900 Edit the value on Wikidata

Alfred Schnittke, errusieraz Альфре́д Га́рриевич Шни́тке (Engels, Saratov barrutian, Sobietar Batasuna, 1934ko azaroaren 24a - Hanburgo, Alemania, 1998ko abuztuaren 3a) errusiar musikagilea izan zen.

Biografia[aldatu | aldatu iturburu kodea]

Lehenengo musika-ikasketak Vienan egin zituen, 1946tik 1948ra bitartean. Moskura itzuli zenean, Evgeni Golubev eta Nikolaï Rakoven ikasle izan zen Urriko Iraultzako Musika Akademian, 1958. urtera arte. 1961. urtetik aurrera, orkestrazioa eta konposizioa erakutsi zuen Moskuko kontserbatorioan, eta 1972an bertako irakasle izendatu zuten. 1980an Vienako Musikhochschuleko irakasle bihurtu zen. 1990ean errusiar eta alemaniar hiritartasun bikoitza hartu zuen, eta Hanburgon hartu zuen bizilekua. Mundu osoan aritu zen, eta interprete handienek jo zuten haren musika: Rostropovitx, Rojdestvenski, Kremer, Youri Bashmet, Gutman, Kronos laukotea, Alban Berg laukotea, Borodine laukotea. 1992tik 1994ra, gaixorik, musika idazten jarraitu zuen, eta hala idatzi zuen 9. sinfonia (1996-1997).

Schnittkeren lehenengo lanak nahiko konbentzionalak izan ziren, Prokofieven eragin nabarmena zutenak: "Kontzertua biolinerako 1" (1957), "Kontzertua pianorako" (1960), "Sonata biolin eta pianorako 1" (1963). Ondoren, idazketa seriala aurkituta, ganbera-musikaren forma zorrotzetara egokitu zuen: "Harizko laukotea 1" (1966), "Elkarrizketak", biolontxelo eta zazpi tresnetarako (1965). Poloniako eskolak erakarri zuen, eta Lutoslawskiren eraginpean, lirismo pertsonalagorantz bideratu zuen bere hizkuntza. "1. Sinfonia" (1969-1972) garai horren lan adierazgarriena da, eta debekatu egin zuten Sobietar Batasunean. Hala ere, Shnittkeren musika Mendebaldean jotzen hasi zen, eta Xostakovitxen ondorengotzat hartzen zen. Erlijioa gero eta leku garrantzitsuagoa hartzen hasi zen bere lanetan: requiem bat atera zuen Shillerren Don Carlos lanerako egindako musikatik eta "2. sinfonia" lanerako meza latinoaren testua hartu zuen. Poliki-poliki katolizismora jo zuen (1983). 60ko hamarraldiaren bukaeratik aurrera, Schnittkek hainbat jatorritako osagaiak nahastu zituen bere musikan, vienar balsak, tangoak, rocka eta abar. Dena dela, estilo desberdin anitzeko hizkuntza hori desagertu egin zen 80ko hamarraldian, eta musika egituratuago baterantz egin zuen. Garai horretako musikaren erakusgarri da (K)ein Sommernachtstraum (1985) orkestrarako lana.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Alfred Schnittke Aldatu lotura Wikidatan