Arabako idazleen zerrenda

Arabako idazleak» orritik birbideratua)
Wikipedia, Entziklopedia askea
Jump to navigation Jump to search

Arabako idazleak euskal lurralde hartako literaturaren egileak dira, poetak, eleberrigile, antzerkigile edo ipuingile izan.

Euskarazkoak[aldatu | aldatu iturburu kodea]

Arabarren artean, euskarazko lehen idazle garrantzitsua Joan Perez de Lazarraga (1548?-1605) larrearra da, Hego Euskal Herriko testurik zaharrenaren egile (Lazarragaren eskuizkribua).

Ia hurrengo mendean izan genuen Pedro Ignazio Barrutia antzerkigile aramaioarra (1682-1759), lan bakar eta aipagarria (Gabonetako Ikuskizuna) duena. Eta, urte batzuk geroago, Jose Paulo Ulibarri (1775-1847) okondotarra.

Gaur egungo idazleen artean, azkenik, aipatzekoak dira Josemari Velez de Mendizabal (1949-) idazle-historialari aramaioarra, Xabier Montoia (1955-) musikari eta idazle emankorra, Fito Rodriguez (1955-) Euskal Idazleen Elkarteko presidentea 2006tik, Amado Gomez Ugarte (1956-) gaztelaniaz ere idatzi duena, Rikardo Arregi (1958-) eta Edu Zelaieta (1973-) olerkariak eta Karmele Jaio (1970-) eta Katixa Agirre (1981-), besteak beste.

Erdarazkoak[aldatu | aldatu iturburu kodea]

Gaztelaniazko idazleen artean, nabarmentzekoa da XVIII. mendean bizi izan zen Felix María Samaniego alegilari guardiarra (1745-1801) "Fábulas morales" lanaren egilea.

Halaber, aipatzekoak dira Valentin Foronda (1751-1821), Pablo de Jerica (1781-1841), Ramiro Maeztu (1875-1936) eta Ignacio Aldekoa (1925-1969) gasteiztar idazleak. Baita ere, Pero Lopez Aiarakoa (1332-1407), Jeronimo Mendieta (1525 - 1604) eta Federico Baraibar (1851-1918) historialariak ere.

Arrakasta handia dauka gaur egun Toti Martinez de Lezea (1949-) idazleak, Arabako hiriburuan jaioa eta Larrabetzun bizi dena. Euskaraduna den arren, gaztelaniaz argitaratu ditu bere lan gehienak, eleberri historikoaren generokoak.

Ikus, gainera[aldatu | aldatu iturburu kodea]