Centro Deportivo Mariñeiro

Centro Deportivo Mariñeiro
Sorrera	1978
Herria	Oleiros, Coruña
Lehendakaria	Juan Otero Brandariz
Entrenatzailea	Jose Pelaez Botas
Patroia(k)	Javier García García Cristobal Castro López
Kolorea(k)	urdina
Trainerua	A Mariñeira
Palmaresa	0 Kontxako Bandera 0 TKE Liga 0 Espainiako Txapelketa 0 Galiziako Txapelketa
2020: Kontxa	ez
2020: Liga	10.a (Galiziako A Liga)
Webgunea	www.facebook.com

Centro Deportivo Mariñeiro edo Mera Galiziako A Coruñako probintzian hiriburutik gertu dagoen Oleiros herriko itsas kirolen elkartea da, Mera parrokiakoa. Arraunketari dagokionez, batel eta trainerillatan aritu izan da eta 2015eko denboraldirako trainerua erosi eta ordutik Galiziako Ligan ari da.

Historia

60. hamarkadan herriko traineru bat aritu zen. 1961ean Espainiako txapelketan bigarren egin zuen Parameiras izenarekin eta 1962 eta 1963an hirugarrena izan zen Generalisimoaren kopan, oraingoa Cofradía de Pescadores de Mera izenean.

80. hamarkadan ere atera zuen trainerua baina maila apalean aritu zen. Hurrengo urteetan bateletan aritu da.

2015eko denboraldian trainerua ateratzea erabaki zuen. 18 arraunlariko taldea osatu zuen, %90a Mera bertakoa eta trainerua Kaikuri erosi eta Arousako ontziola batean berriztu zuen. Hirugarren urtean B Ligako txapelduna izan zen eta A Ligara igotzea lortu zuen. 2020an azken postuan gelditu da eta jeitsiera play-offak jokatuko ditu.

Palmaresa

Txapelketak

• Espainiako Traineru Txapelketa (0): bigarrena 1961ean.

Ligak

• Galiziako A Liga (0): bosgarren 2018an.
• Galiziako B Liga (1): 2017.

Banderak

• Generalisimoaren Kopa (Coruña) (0): hirugarrena 1962 eta 1963an.
• Concello de Cangas Bandera (1): 2017.

Batelak

• Espainiako Batel Txapelketa (0): hirugarrena 1961ean.

Azken denboraldiak

Urtea	Liga
2015	Galiziako B maila, 7.a
2016	Galiziako B maila, 4.a
2017	Galiziako B maila, 1.a
2018	Galiziako Liga, 5.a
2019	Galiziako Liga, 7.a
2020	Galiziako A maila, 10.a

Kanpo estekak

• (Galizieraz) Liga Galega de Traiñeiras-en webguneko informazioa

• Datuak: Q20492268