Club de Mar de Castropol

Club de Mar de Castropol
Sorrera	1949
Herria	Castropol, Asturias
Lehendakaria	José Quintana Fernandez
Entrenatzailea	Daniel González "Zeta"
Patroia(k)	Rubén Villa Varela Unai Fernández Fernández
Kolorea(k)	berdea eta zuria
Trainerua	Ría del Eo (oraingoa)      Castropol (historikoa)
Palmaresa	0 Kontxako Bandera 0 TKE Liga 0 Galiziako A Liga 1 Galiziako B Liga 0 Espainiako Txapelketa 5 Asturiasko Txapelketa
2022: Kontxa	ez
2022: Liga	1.a (Galiziako B Ligan)
2023	Galiziako A Ligan
Webgunea	www.clubdemardecastropol.com

Castropol 1994an Asturiasko Printzearen Bandera irabazi berritan

Club de Mar de Castropol Asturiasko Castropol herriko arraun elkartea da. 1949. urtean sortu zen Eo ibaiaren ertzean eta emaitzarik onenak batel, trainerilla eta arraunketa olinpikoan lortu baditu ere trainerutan garaipenik izan du. Garai onena 1990. hamarkadan izan zuen.

Historia

1949. urtean sortu zen eta hasiera batean bateletan bakarrik aritu izan zen. Soto de Barco eta Avileskoak ziren bere aurkari asturiarrak, baina lehia handiena ibaiaren beste aldeko Ribadeoko galiziarrekin izan zuen. 1962. urtean Espainiako txapeldun izan zen lehenengoz eta gaur egun sei titulu ditu.

60. hamarkadako garai on haiek aprobetxatuz trainerilletan (1961an) eta traineruan (1962an) hasi zen. Trainerilletan ere lortu du Espainiako txapeldun izatea eta trainerutan sona handia duten banderak irabazi baditu ere inoiz ez da liga handietan ibili, ez TKE Ligan, ez eta aurretik jokatu zen Euskal Ligan ere. 90. hamarkada hasieran nahiko ongi ibili zen, 1989 eta 1996 artean 15 bandera lortuz.

Gaur egun zailtasun handiekin urte batzuetan ateratzen du trainerua eta talde galiziarrekin batera Ipar-mendebaldeko Traineruen Ligan aritzen da. Hainbat urtetan trainerua lehorrean eduki ondoren 2015 denboraldian Galiziako Ligako B mailan aritu zen eta bigarren postua eskuratu zuen. Ondoren play-offak jokatu eta mailaz igotzea lortu zuen. Hurrengo bi urtetan A Ligan 5. postua eskuratu zuen baina 2018an maila galdu zuen. 2020an B ligako hirugarren posturako lehian ibili zen uztailean baina abuztu hasieran COVID-19 agerraldia izan zen herrian eta traineruak lehiari uko egitea erabaki zuen.

2022 denboraldian Galiziako B Ligako estropada guztiak irabazi ditu eta mailaz igo da. Urte honetan Espainiako txapelketa antolatu zuen, eta partaidetza eskasa izanik laugarren postuan amaitu zuen, hala gizonezkoetan nola emakumezkoetan.

Palmaresa

Espainiako Traineru Txapelketa

• laugarren 1962, 1994, 1995 eta 1996an.

Ligak

• Galiziako Traineruen Liga
  • A Liga (0): Bosgarrena 2016 eta 2017an
  • B Liga (1): 2022

Asturiasko Traineru Txapelketa

• Txapeldun (5): 1971, 1986, 1989, 2002, 2003

Gainontzeko Banderak

Etxekoa	Asturiasko Printzearen Bandera (3): 1994, 1999, 2022 Castropol Saria (1): 2008
Asturiasen	Llanesko Bandera (2): 1991, 2000 Gijongo Bandera (1): 2001 Avilesko Zelta-arteko Jaialdiko Bandera (3): 2001, 2002, 2008 Trofeo Previnsa Luanco (1): 2017
Galizian	O Groveko Bandera (3): 1991, 1992, 1994 Oleirosko Bandera (1): 1999
Kantabrian	Santanderko Bandera (2): 1994, 1995 Astilleroko Bandera (2): 1994, 1995 Castro Urdialesko Bandera (2): 1995, 1999 Camargoko Bandera (1): 1996
Bizkaian	Lekeitioko San Antolin Bandera (1): 1989
Gipuzkoan	Urumeako Sprint estropada (1): 1991
Besterik	Bartzelonako estropada olinpikoa: 1992

Batelak

• Espainiako Batel Txapelketa (6): 1962, 1964, 1965, 1994, 1999, 2003

Trainerilak

• Espainiako Trainerilla Txapelketa (1): 1995

Aulki mugikorra

Arraunketa olinpikoari dagokionez, 1977. urtean egin zuen debuta Menquinenza urtegian, Espainiako Txapelketan. 2003. urtean lortu zuen garaipenik handiena Sevillan jokaturiko Espainiako Txapelketan zortzikoan nagusitu zelarik Orioren aurretik.

Palmaresa

• Espainiako zortziko txapelketa (1): 2003

Azken denboraldiak

Urtea	Liga	Espainia
2003	?	8.a
2004	?	8.a
2005	Galiziako Liga, 14.a	-
2006	Galiziako Liga, 14.a	-
2007	Galiziako Liga, 13.a	-
2008	Galiziako Liga, 13.a	-
2009- 2014	ez
2015	Galiziako B maila, 2.a	-
2016	Galiziako A maila, 5.a	-
2017	Galiziako A maila, 5.a	-
2018	Galiziako A maila, 11.a	-
2019	Galiziako B maila, 6.a	-
2020	Galiziako B maila, 6.a	-
2021	Galiziako B maila, 6.a	-
2022	Galiziako B maila, 1.a	4.a

Emakumezkoen trainerua

Club de Mar de Castropol
Patroia(k)	Roberto Villamil
Kolorea(k)	berdea eta zuria
Trainerua	Ría del Eo
Palmaresa	0 Kontxako Bandera 0 Euskotren Liga 0 Galiziako Liga
2022: Kontxa	ez
2022: Liga	6.a (Galiziako Liga)
2023	Galiziako Ligan

2022. urtean atera du aurrenekoz emakumezkoen trainerua.

Urtea	Liga	Espainiako txap.
2022	Galiziako Liga, 6.a	4.a

Kanpo estekak

• (Gaztelaniaz) Webgune ofiziala
• (Galizieraz) Liga Galega de Traiñeiras-en webguneko informazioa

• Datuak: Q2980133
• Multimedia: Club de Mar de Castropol