Ixkier ur-jauzia

Ixkier ur-jauzia
Ixkier ur-jauzia
Mota	ur-jauzi
Geografia
Koordenatuak	42°59′15″N 1°52′58″W / 42.987482°N 1.88286554°W
Herrialdea	Euskal Herria
Foru erkidego	Nafarroa Garaia
Udalerria	Larraun
Nafarroako kontzeju	Mugiro

Ixkier ur-jauzia Nafarroa Garaiko Larraun udalerrian dagoen ur-jauzia da, Larraun ibaian dago Mugiro kontzejutik pasatzen den zatian.^[1]

Errota zaharra[aldatu | aldatu iturburu kodea]

Ur-jauziaren alde batean, XVI. mendeko Izker errota zaharraren hondakinak daude. Goian Plazaola bidearen ondoan, parke etnografiko bat antolatu dute, aleak ehotzeko erabilitako harriak daude bertan jarriak, garai hartako ibarreko jarduera ekonomiko nagusiaren lekuko, errotagintzako jardueraren lekuko diren zenbait errotarri ikus daitezke, sei gutxienez.^[1]

Zubiak, zuhaitzak eta animaliak[aldatu | aldatu iturburu kodea]

Ur-jauzia Aralar mendilerroan kokatuta dago ekialdeko muturrean, Mediterraneoko arroan.

Ur-jauzitik oso gertu hartzen da Hiruzubide naturbidea, Larraun ibaiarekin batera eskuinaldetik jaisten da bidea. Hiru zubi ikusten dira bi kilometrotan ibaia jaisten den bitartean: Intzoa, Zubidenea eta Beltzuntze. Iturrieta iturritik ere pasatzen da.

Pagoak, haritzak, izeiak eta hurritzak dira bailaratxo honetan, baita aspaldiko hainbat gaztainondo "amatxi" ikusgarri ere.^[1]

Europako kastorea, lertxuna, basahate, eta martin arrantzalea bizi dira inguru hauetan.^[1]

Bertara nola iritsi[aldatu | aldatu iturburu kodea]

Ixkier ur-jauzia ikusteko Nafarroako Plazaola bide berdera joan behar da. Mugiro kontzejutik hartzen da bide laburrena (eskailerak jaitsi behar dira), baina errazena Lekunberritik joatea da bide berdetik. Antxintxar (Sanmigeltxo) eta Arruitzetik ere joan daiteke.^[2]

Erreferentziak[aldatu | aldatu iturburu kodea]

↑ ^a ^b ^c ^d «Ixkier Ur-jauzia · Hiruzubide» Ondare Kultur Taldea (Noiz kontsultatua: 2023-06-12).
↑ (Gaztelaniaz) «Cascada de Izkier/Ixkier desde Lekunberri.» Wikiloc | Trails of the World (Noiz kontsultatua: 2023-06-11).