Arnaga etxea

Arnaga etxea
	Monumentu historikoa
	Irudi gehiago
Kokapena
Herrialdea	Euskal Herria
Probintzia	Lapurdi
Herria	Kanbo
Koordenatuak	43°22′04″N 1°25′22″W / 43.3677°N 1.42268°W
Historia eta erabilera
Eraikuntza	1903 - 1906
Erabiltzailea	Edmond Rostand Museoa
Arkitektura
Arkitektoa	Albert Tournaire
Estiloa	Euskal estiloko arkitektura
Ondarea
Mérimée ID	PA00135195 eta MI006
Kontaktua
Helbidea	allées Edmond-Rostand
	Webgune ofiziala

Arnaga etxea Edmond Rostandek XX. mendeko hasieran Kanbon eraikitako etxea da. Egun etxea eta inguruko lorategia Udalarenak dira. Bertan dago Edmond Rostand museoaren egoitza^[1]. 2018ko maiatzaren 4an bertan egin zen ETAren amaiera ziurtatu zuen Gatazkaren Konponbidea Aitzinatzeko Nazioarteko Topaketa.

Kokapena

Herriko erdigunetik urrun, Larresoroko bidean eta RD-932 errepidea jarraituz, etxea^[2] eta inguruko frantses lorategia daude.

Historia

Edmond Rostandek Kanbo lehendabizikoz bisitatu zuenean Etxegorria izeneko etxea alokatu zuen. 1901ean Académie françaiseko kide izendatu zutenean, Arnaga izeneko muinoan lursorua erosi eta 1903 eta 1906 artean etxea eraiki zuen. 1918an hil arte bertan bizi zen^[3].

1960an, Udalak etxea erosi eta Edmond Rostand museoa eratu zuen. 1995ean monumentu historiko bilakatu zen.

2018ko maiatzean bertan Kanboko Topaketa edo Gatazkaren Konponbidea Aitzinatzeko Nazioarteko Topaketa burutu zen.

Ezaugarriak

Euskal estiloko baserri hori Albert Tournaire frantziar arkitektoak eraiki zuen. 600 m² azalera du eta 40 gela inguru dauzka, Edmond Rostandek berak ingeles, txinatar, Inperio edo Luis XVI. estiloetan diseinaturik.

Atearen aurrean honako hitzak ditu:

«

Toi qui viens partager notre lumière blonde

Et t'asseoir au festin des horizons changeants,
N'entre qu'avec ton cœur, n'apporte rien du monde
Et ne raconte pas ce que disent les gens.

Gure argi zuria partekatzeko zatozen hori
zeruertz aldakorren jaian jesartzeko,
Zure bihotzarekin baino ez sartu, ez ekarri ezer mundutik
eta ez ezazu konta jendeak dioena"

»

Lorategiak hiru hektarea ditu. Bertan frantses eta ingeles lorategiak, pabilioiak, pergola eta orangerie bat (negutegi gisako eraikina) daude^[4], baita Edmond Rostandek Senperetik ekarrarazi zituen haritz zahar batzuk ere.

Erreferentziak

↑ Forrier, Michel. (2006). Petite histoire d'Arnaga. Paue: Éditions Pyrémonde ISBN 2 84618 332 5..
↑ Mérimée datu-basea: villa Arnaga
↑ Chauvirey, Marie-France. (1994). La vie d'autrefois en Pays basque. Luçon: Éditions Sud Ouest ISBN 2 87901 219 8..
↑ Conservatoire des Jardins et Paysages

Kanpo estekak

Webgune ofiziala

Datuak: Q3558455
Multimedia: Villa Arnaga / Q3558455

[1] Forrier, Michel. (2006). Petite histoire d'Arnaga. Paue: Éditions Pyrémonde ISBN 2 84618 332 5..

[2] Mérimée datu-basea: villa Arnaga

[3] Chauvirey, Marie-France. (1994). La vie d'autrefois en Pays basque. Luçon: Éditions Sud Ouest ISBN 2 87901 219 8..

[4] Conservatoire des Jardins et Paysages

[1]

[2]

[3]

[4]