Lerma (Burgos)

Lerma
	Espainiako udalerria
	Irudi gehiago
Administrazioa
Estatu burujabe	Espainia
Autonomia	Gaztela eta Leon
Probintzia	Burgosko probintzia
Alkatea	Jose María Ignacio Barrasa Moreno (en)
Izen ofiziala	Lerma
Posta kodea	09340
INEk ezarritako kodea	09194
Herriburua	Lerma (en)
Geografia
Koordenatuak	42°01′35″N 3°45′20″W / 42.026388888889°N 3.7555555555556°W
Azalera	166 km²
Altuera	849 m
Mugakideak	Quintanilla de la Mata, Avellanosa de Muñó, Tordómar, Santa Cecilia, Zael, Villamayor de los Montes, Villalmanzo, Santa Inés, Quintanilla del Agua y Tordueles, Solarana, Pineda Trasmonte, Fontioso, Cilleruelo de Abajo, Torresandino, Villafruela eta Iglesiarrubia
Demografia
Biztanleria	2.556 (2024); −29 (2023)
Dentsitatea	15 bizt/km²
Informazio gehigarria
Ordu eremua	UTC+01:00
Matrikula	BU
	ayuntamientodelerma.es

Lerma Espainiako Burgosko probintziako Arlanza eskualdean dagoen udalerria da. 2017ko datuen arabera 2.596 biztanle zituen 166 km²-ko azaleran. Historikoki oso aberatsa, Lermako Dukea zen Francisco Gómez de Sandoval y Rojas pertsonalitatearekin oso lotuta dago. 2018tik Espainiako Herririk Politenetako bat gisa sailkatuta dago eta, eta izen bereko elkarteko kide da geroztik.^[1]

Udalerria Burgosko probintzian dago, Gaztela eta Leongo autonomia-erkidegoan, Espainian. Iparraldeko autobiaren ondoan dago. Arlanza eskualdekoa da, eta bertako biztanleria nagusia du. Burgosko hiriburutik 39 km-ra dago. Erliebea lurraldea ekialdetik mendebaldera zeharkatzen duen Arlanza ibaiak balditzatzen du.

Historia

Erdi Arotik, Extremadura eta Demanda mendilerroa lotzen dituen Burgosko Errege Abelbidean nahitaezko pasabidea zen herria. Herriaren historia Lermako Dukea zen Francisco Gómez de Sandoval y Rojas pertsonalitatearekin oso lotuta dago. Nolabait Gaztelako Gortearen egoitza izan zen hiriburua Valladolid izan zen garaian (1601ko urtarrilaren 11tik 1606ko martxoaren 4 arte), Filipe III.a Espainiakoaren garaian. Horregatik ere herrian eraikin erlijioso ugari dago.

Frankismo garaian errepresio bortitza ezagutu zen lurraldean. 2006 eta 2007 artean lau hobi komun ireki ziren La Andaya mendian, Lermatik gertu, 90 gorpu baino gehiagorekin, horien artean Aranda de Dueroko alkatea eta bost zinegotzi; indar frankistek hil zituzten 1936ko abuztuan Espainiako gerra zibilean eremua konkistatu zutenean.^[2] Lermako Dukearen jauregiaren inguruan kontzentrazio-esparrua antolatu zuten, bestetik.

Turismoari dagokionez, gaur egun, ondoko Covarrubias eta Santo Domingo de Silos herriekin batera, Arlanzaren Triangelua deritzona osatzen du.

Auzoak

Lerma honako auzoek osatzen dute:

Auzoak	Biztanleria (2000)	Biztanleria (2010)^[3]
Lerma (herrigunea)	1.795	2.610
Castrillo de Solarana	573	43
Rabé de los Escuderos	16	14
Revilla Cabriada	54	51
Ruyales del Agua	36	31
Santillán del Agua	23	28
Villoviado	21	21