Nilotar krokodilo

Wikipedia(e)tik
Hona jo: nabigazioa, Bilatu

Craniata

Nilotar krokodilo
Iraute egoera
Sailkapen zientifikoa e
Erreinua: Animalia
Filuma: Chordata
Klasea: Reptilia
Goiordena: Crocodylomorpha
Ordena: Crocodylia
Familia: Crocodylidae
Generoa: Crocodylus
Espeziea: Crocodylus niloticus
Laurenti1768[2]
Hedapen mapa
Sinonimoak
  • Crocodylus vulgaris Cuvier, 1802

Nilotar krokodilo (Crocodylus niloticus) Crocodylus generoko animalia da. Narrastien barruko Crocodylidae familian sailkatuta dago.

Ezaugarriak[aldatu | aldatu iturburu kodea]

Oro har 5 m inguru izaten da luze eta 225 kg pisatzen du batezbestez, baina krokodiloak hil arte hazten dira eta 6 metro eta 700 kiloko (eta gehiagoko) arrak behin baino gehiagotan ikusi eta aztertu dira. Bere pisua 150-700 kilo artean doa eta inoiz ikusitako nilotar krokodilo handiena 900 kilo inguru pisatzen omen zuela estimatzen zen. Krokodilo azpiespezie hau, beraz, Afrikako espezie guztietan handiena eta mundu mailako bigarren handiena (itsas krokodiloaren atzetik soilik) da. Hiruki egiturako mutur luzea du. Lepotik atzerako gaineko aldean karatxo moduko koskorrak ditu, lerrotan ondo definituak. Orban beltzez beteriko brontze-berdexka kolorekoa du bizkarra, sabela, aldiz, horixka.

Munduko bigarren hozkadarik indartsuena du, soilik itsas krokodilo lehengusuaren atzetik.

Bere hortz-formula: 18-19/15.

Hedapena eta habitat[aldatu | aldatu iturburu kodea]

Afrikako tropikoko eta inguruetako ibaietan, Madagaskarren, Komore eta Seychelle uharteetan bizi da.

Portaera[aldatu | aldatu iturburu kodea]

Errunaldia[aldatu | aldatu iturburu kodea]

Hondarretan zuloa eginda erruten ditu arrautzak.[3]

Elikadura[aldatu | aldatu iturburu kodea]

Nilotar krokodiloa ehizatu dezakeen guztia jaten du, sarraskiak ere gustora jaten ditu.

300 kiloko krokodilo gazteek antilopeak, narrastiak, arrainak, hegaztiak, ñuak eta zebra gazteak ehizatzen dituzte.

400 kilotik gorako krokodiloek ñuak, zebra helduak, jirafa gazteak eta afrikar bufalo gazteak ehizatzen dituzte.

500-700 kiloko krokodilo heldu garatuak eta erraldoiak edozer gauza ehizatzeko gai dira, aurretik aipatutako harrapakin zerrendari jirafa eta afrikar bufalo heldu eta handienak erantsi beharko genioke. 500 kilotik gorako krokodiloek, elefante, errinozero eta hipopotamo helduak izan ezik, edozein animalia atzeman eta urperatu dezakete itotzeko.

Batzuetan, beste harrapari batzuk erortzen dira bere baraileetan; despistaturiko lehoinabarrak, afrikar txakur basatiak, txakalak, hienak eta lehoiak (soilik krokodilo handienak eta uretan bada).

Ehizatze teknika[aldatu | aldatu iturburu kodea]

Niloko krokodiloek, krokodilo guztiek bezala, harrapakin txikiak hozkadez hil eta irensten dituzten bitartean, harrapakin handiei heltzen diete (lepotik, hankatik edo ahal duten edozein lekutik) eta krokodiloa beraren pisua erabiliz harrapakin horiek ibaian urperatuz itotzen dituzte.

Ñuak, zebrak, bufaloak eta tamainu horretako harrapakinei ibaira ur edatera hurbiltzen uzten diete, urpean hurbiletik zelatatzen dituzten bitartean, eta bat batean eraso azkarra egiten dute harrapakinari heltzen saiatzeko. Erasoak helburua lortu badu, orduan harrapakina poliki-poliki ibaira barneratzen saiatuko da (bere pisua erabiliz), itotzeko sakonera nahikoa lortzeko asmoz.

Behin harrapakina hilda dagoenean, bere gorputza ziztu bizian biratuz ("heriotzaren bira" izenaz ezagutzen dena) haragi puskak lortzen ditu, ondoren, osoak irensteko.

Mehatxu naturalak[aldatu | aldatu iturburu kodea]

Lehorrean dagoenean, abantaila galduta (lurrean animalia motela da), lehoiak benetako arrisku edo mehatxu izan daitezke. Lehorrean lehoiengandik hilik eta ehizatuak suertatu diren krokodiloak ezagutzen dira. Dena den, krokodilo helduak ez dute harraparirik, janariagatik baino gehiago lehoiek lehiakide edo kumeentzat arriskua direlakoan hil ditzakete krokodilo helduak, eta beti ere lehorrean.

Krokodilo gazteak lehoinabarren atzaparretan ere eror daitezke ( lehorrean lehoinabarrak krokodilo gazteak ehizatzen ikusi dira).

Krokodiloak hipopotamoen ur eremuetara sartuko balira, arrisku larrian egongo lirateke. Hipopotamoek biziki defendatzen dute beraien ur-eremua, eta horretarako bertan gonbidapenik gabe sarzen diren animalia ezezagun guztiak erasotzen dituzte (hil arte askotan). Hipopotamoak mehatxu handia dira krokodiloentzat, baita ale erraldoientzat ere (hipopotamoa krokodilo alerik handiena baino 4 aldiz handiagoa da). Hozkada batekin hipopotamo batek krokodilo heldu bat hil lezake, eta hipopotamoen erasoak filmatu dira.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Nilotar krokodilo Aldatu lotura Wikidatan
Wikispezieetan informazioa gehiago aurki dezakezu: Crocodylus_niloticus

Ikus, gainera[aldatu | aldatu iturburu kodea]