Wuwei

Wikipedia, Entziklopedia askea
Jump to navigation Jump to search
Wuwei
 Txinako Herri Errepublika
20060423063512.jpg
Administrazioa
Herrialdea Txinako Herri Errepublika
Txinako probintziaGansu
Izen ofiziala 武威市
武威地区
武威专区
Увэй
Округ Увэй
Специальный район Увэй
Posta kodea 733000
Geografia
Koordenatuak 37° 55′ 40″ N, 102° 37′ 58″ E / 37.92781°N,102.63286°E / 37.92781; 102.63286Koordenatuak: 37° 55′ 40″ N, 102° 37′ 58″ E / 37.92781°N,102.63286°E / 37.92781; 102.63286
Wuwei hemen kokatua: Txina
Wuwei
Wuwei
Wuwei (Txina)
Location of Wuwei Prefecture within Gansu (China).png
Azalera 33238 km²
Demografia
Biztanleria 1.890.000 bizt. (2005)
Dentsitatea 56,86 bizt/km²
Informazio gehigarria
Telefono aurrizkia +86 935
Ordu eremua UTC+08:00
Matrikula 甘F
www.ww.gansu.gov.cn/

Wuwei (txinera sinplifikatuz: 武威; pinyineraz: Wŭwēi), Gansu probintzian kokatutako prefektura mailako hiria da. Guztira, 1.800.000 biztanle inguru dauzka eta 33.000 kilometro karratuko azalera.

Historia[aldatu | aldatu iturburu kodea]

Antzina Liangzhou (涼州) izena izan zuen, eta gaur egun ere hiriaren erdigunea osatzen duen barrutiak izen zaharra mantentzen du.

Duela 5.000 urte hasi zen eremua populatzen. Berehala bihurtu zen toki estratejikoa, izan ere Hexi korridorearen ekialdeko muturra baitzen[1]. Tibeteko goi-lautada eta Gobi basamortuaren arteko oasiez osaturiko korridorea izan zen hau. K.a. II mendean Han dinastiaren probintzia-hiriburu garrantzitsua izan zen. K.a. 121 urtean Wudi enperadoreak bere zalditeria osoa ekarri zuen Xiongnu nomaden aurrean hiria babesteko eta borrokan garaipena eskuratu zuenean Hexi korridore osoa konkistatu zuen[2].

Hurrengo mendeetan Zetaren Bidearen iparraldeko adarra bihurtu zen Hexi korridorea eta horri esker etnia eta kultura ugariren elkargune bilakatu zen Wuwei[3]. Honen erakusle dira hiriaren inguruan eraikitako tenplu eta leize budistak.

Geografia eta klima[aldatu | aldatu iturburu kodea]

Kokapena[aldatu | aldatu iturburu kodea]

Hiru goi-lautadaren erdian dago Wuwei; Tibetarra, Loess eta Mongoliarraren artean hain zuzen ere. 1.020 eta 4.874 metro arteko altuerak hartzen ditu, toki garaienak hegoaldean daude. Eremu guztiak 33.000 km2-ko azalera du.

Klima[aldatu | aldatu iturburu kodea]

Klima hotza eta lehorra da, baina udan 45ºC-tako tenperaturak gainditzea posible da.

Datu klimatikoak (Wuwei (1971−2000))
Hila Urt Ots Mar Api Mai Eka Uzt Abu Ira Urr Aza Abe Urtekoa
Batez besteko tenperatura maximoa (°C) 0.0 3.3 9.6 17.8 22.9 26.5 28.9 27.6 22.4 15.9 8.1 1.9 15.4
Batez besteko tenperatura minimoa (°C) −13.8 −10.2 −3.8 3.0 8.0 11.6 14.2 13.7 8.8 1.6 −5.6 −11.3 1.4
Pilatutako prezipitazioa (mm) 1.4 2.3 6.1 7.9 15.8 28.4 30.2 34.0 24.1 10.8 3.6 1.2 165.8
Prezipitazio egunak (≥ 0.1 mm) 2.1 2.6 3.6 4.1 5.9 8.2 9.6 9.8 7.7 4.4 1.6 1.8 61.4
Iturria: Weather China

Banaketa administratiboa[aldatu | aldatu iturburu kodea]

Demografia[aldatu | aldatu iturburu kodea]

Hiriaren erdigunean 509.600 biztanle bizi dira eta prefektura osoan 1.815.054 (2010ko erroldaren arabera). Etnia nagusia Han bada ere, guztira 38 etnia desberdin daude Wuwei-en, tartean mongolak eta tibetarrak.

Ekonomia[aldatu | aldatu iturburu kodea]

Wuweiko jarduera ekonomiko nagusia nekazaritza da. Meloiak, barazkiak eta ardoa ekoizten dira. Nekazaritza ekologikoak indar handia hartu du azkenaldian. Abeltzaintzak ere bere garrantzia badu.

Industriari dagokionez ehungintza, metalurgia eta eraikuntza materialen ekoizpena dira aipatzekoak.

Ondasun nabarmenak[aldatu | aldatu iturburu kodea]

Gansuko zaldi hegalaria.
  • Wenmiao tenplua: Tenplu konfuziotarra da, Gansu probintzia guztian dagoen tenplu konfuziotar handiena[4].
  • Leitai hilerria: Han dinastiako hilobiak daude bertan. Brontzezko 99 zaldi, gurdi eta soldaduren eskulturak daude ikusgai[4].
  • Gansuko zaldi hegalaria: Leitai hilerrian aurkitu zen zaldi bat da. 34'5 cm-ko altuera, 45 cm-ko luzera eta 17'5 kg-ko pisua ditu eta lasterka ari denez hiru hanka airean ditu, hortik "hegalaria" ezizena[2]. Gaur egun Gansu probintziako museoan dago.
  • Xixia museoa: Xixia erresumako (1038-1277) erlikiak daude ikusgai[4].

Iruditegia[aldatu | aldatu iturburu kodea]

Erreferentziak[aldatu | aldatu iturburu kodea]

  1. Juhl, Sussane (1998) Burial Sites in Hexi n Atabaki, Touraj; O'Kane, John (eds.). Post-Soviet Central Asia. Tauris Academic Studies. 370-371. or..
  2. a b «Leitai Ancient Tomb of Han Dynasty Wuwei, Wuwei Attraction» www.visitourchina.com . Noiz kontsultatua: 2019-06-29.
  3. «Silk Road, North China» The Megalithic Portal . Noiz kontsultatua: 2019-06-29.
  4. a b c «Wuwei Attractions China: Things to Do, Sightseeing Sites» www.travelchinaguide.com . Noiz kontsultatua: 2019-06-29.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]