Euskal Herria Bai
Euskal Herria Bai (laburtua EH Bai) Ipar Euskal Herriko alderdi politikoen koalizio abertzale eta ezkertiar bat da. Abertzaleen Batasunak (AB), Batasunak eta Eusko Alkartasunak (EA) osatzen dute.
Eduki-taula |
Osaera eta programa[aldatu]
Koalizioa osatzeko, bere burua abertzale jotzen duten alderdiak bildu ziren : EAJ, Abertzaleen Batasuna, Batasuna eta EA. EAJ alderdiak ez ezik, beste eragileek Euskal Herria Bai koalizioa eraikitzen hasi ziren elkarrekin.
Euskal Herria Bairen programa politikoaren puntu nagusiak ondoko hauek dira:
- Euskal Herriaren onarpena eta errespetua. Bere etorkizuna erabakitzeko eskubidea.
- Helburu politikoak lortzeko bide demokratiko eta politikoen erabileraren aldeko jarrera.
- Ipar Euskal Herriarendako berezko marko instituzionala.
- Euskarak, frantsesarekin batera, Ipar Euskal Herriko hizkuntza koofizial estatusa eskuratzea.
- Jendarte alorreko politika aurrerakoiak bultzatzea.
Hauteskundeak[aldatu]
2007ko Hauteskunde Legegileak[aldatu]
2007ko ekaineko hauteskunde legislatiboetara aurkeztu zen, lehen itzulian (ekainaren 10ean) 10.600 bozkatik gora lortuz[1]. Emaitza onenak VI. barrutian lortu zituen (Lapurdi hegoaldea), botoen %9,09 eskuratuz. Halaber, abertzaleak sei herritan izan ziren lehen indar politikoa: Muskildin, Ozazen, Bunuzen, Gamarten, Izuran eta Lexantzün. Hala ere, Ipar Euskal Herriko hiru barrutietan ez zuen lortu bigarren itzulira igarotzeko boto nahikorik. Koalizioak herritarren esku utzi zuen hauteskundeetako bigarren itzulian zer egitearen erabakia[2].
2008ko Herriko Etxeetako eta Kantonamenduetako Hauteskundeak[aldatu]
Euskal Herria Baik martxoaren 9an eta 16an egin beharreko udal eta kantonamendu hauteskundeen aurrean, hautagaitzak kantonamendukoetara aurkeztu zituen, ez, aldiz, herriko etxekoetara. Kantonamenduko hauteskundeen bidez, Pirinio Atlantikoetako Kontseilu Nagusiko hautetsiak aukeratzen dira. Kantonamenduen erdietako hautetsiak hiru urtean behin berritzen dira, eta 2008ko hauteskundeetan EH Bai hamaika eremutan aurkeztu zen,[3] Abertzaleen Batasuneko Jean Michel Galantek Baigorriko Kantonamenduan zuen hautetsi postua mantentzeko xedearekin.[4] Alain Iriart, ABkoa eta Hiriburuko alkatea, EH Baitik kanpo aurkeztu zen.[5]
2011ko Kantonamenduetako Hauteskundeak[aldatu]
2011ko martxoaren 20 eta 27an Kantonamenduetako hauteskundeak egingo dira Ipar Euskal Herriko 10 kantoietan: Baiona Mendebaldea, Baiona Iparraldea, Baiona Ekialdea, Angelu Iparraldea, Miarritze Mendebaldea, Hazparne, Bastida, Iholdi, Garazi eta Atharratzen. Euskal Herria Baik 9 zerrenda aurkeztuko ditu, Angelu iparraldean Angelu zain talde abertzaleak zerrenda aurkeztuko duenez, ez baitu zerrenda propiorik prestatu. Hauek dira EHBAIren hautagaiak:
- Atharratze: Gilen Iriart da hautagaia, eta Aurore Martin da haren ordezkoa.
- Baiona Ekialde: Maite Etcheverry da hautagaia, eta J. Michel Harrosteguy da haren ordezkoa.
- Ipar Baiona: Pierre Noqueret Mo da hautagaia, eta Janine Foix da haren ordezkoa.
- Baiona Mendebale: Peio Menta da hauragaia, eta Stéphanie Marriacia da haren ordezkoa.
- Bastida: Xebax Christy da hautagaia, eta Martine Salla da haren ordezkoa.
- Donibane Garazi: Dominique Baxo da hautagaia, eta Maider Larrieu da haren ordezkoa.
- Hazparne: Juliette Bergouignan da hautagaia, eta Philippe Saint-Esteben ordezkoa.
- Iholdi-Oztibarre: Daniel Olzomendi da hautagaia, eta Anne Pagola ordezkoa.
- Miarritze mendebaldea: Maialen Etcheverry da hautagaia, eta Peio Abeberry ordezkoa.
2012ko Hauteskunde Legegileak[aldatu]
2012ko ekainaren 10ean egindako hauteskunde legegileetako lehen itzulian Euskal Herria Baiko hautagaiek Ipar Euskal Herriko hiru hauteskunde barrutietan, 11.518 bozka lortu zituzten.
- Anita Lopepek 3.492 boto (%6,80) lortu zituen IV barrutian (Oloroe-Maule-Donibane Garazi) %13,8 euskal lurraldeetako emaitzak bakarrik kontuan hartutik.
- Laurence Hardouinek 2.626 boto (%5,28) V. barrutian (Baiona).
- Peio Etxeberri-Aintxart 5.400 boto (%9,78) VI. barrutian (Miarritze-Hendaia).
Emaitzak[aldatu]
| Kantonamenduetako hauteskundeak 2008-2011 | |
|---|---|
| Amikuze | 531(%8.86) |
| Angelu | 765 (%8.53) |
| Angelu Iparraldea | Ez da aurkezten |
| Atharratze | 156 (%7,93) |
| Baigorri | 1.300 (%31.8) |
| Baiona Ekialdea | 218 (%7,90) |
| Baiona Iparraldea | 136 (%2.76) |
| Baiona Mendebaldea | 315 (%6.41) |
| Bastida | 438 (%15,35) |
| Bidaxune | 260 (%8.08) |
| Donibane Lohitzune | 1.840 (%15.07) |
| Ezpeleta | 1.728 (%22.23) |
| Garazi | 672 (%18,93) |
| Hazparne | 780 (%19,70) |
| Hendaia | 1.693 (%12.17) |
| Hiriburu | 547 (%6.81) |
| Iholdi | 885 (%32.12) |
| Maule | 638 (%9.58) |
| Miarritze ekialdea | 644 (%9.73) |
| Miarritze mendebaldea | 171 (%4,64) |
| Uztaritze | 2.356 (%19.58) |
| GUZTIRA | 16.073 |
| Frantziako legebiltzarra 2007, herrialdeka | |
|---|---|
| Lapurdi | 7.546 (%7,21) |
| Baxe-Nafarroa | 2.334 (%14,27) |
| Zuberoa | 776 (%9,32) |
| GUZTIRA | 10.656 (%8,52) |
Erreferentziak[aldatu]
- ↑ Euskal Herria Baik emaitza onak lortu ditu, Berria, 2007ko ekainaren 11
- ↑ Abertzaleak bat, botoak asko, Berria, 2007ko ekainaren 14a
- ↑ 49 hautagaitza Iparraldeko kantonamendu hauteskundeetan, Eitb24, 2008ko otsailaren 23a
- ↑ Hautagaia lortzea, Euskal Herria Bairen xedea, Eitb24, 2008ko urtarrilaren 11
- ↑ Sólo EH Bai presenta candidaturas uniformes en todos los cantones, Gara, 2008ko otsailaren 23a
Kanpo loturak[aldatu]
- (Euskaraz)(Frantsesez) Euskal Herria Bairen webgunea
- (Euskaraz) Euskal Herria bai. Alderdi abertzaleak elkarrekin behingoz? Erreportajea Argia astekarian (2007-03-11)
