Poro nuklear

Wikipedia(e)tik
Hona jo: nabigazioa, Bilatu
Zelula nukleo baten irudia.

Poro nuklearrak gaineztadura nuklearra zeharkatzen duten proteinazko konplexu handiak dira, gaineztadura hau eukariotoen zelula nukleoa inguratzen duen geruza bikoitza izanik. 2000 poro konplexu inguru daude ornodun baten zelularen gaineztaduran, baina kopuru hau aldakorra da zelularen transkripzio mailaren arabera. Poro konplexuak eratzen dituzten proteinak nukleoporinak bezala ezagutzen dira.

Poro nuklearrek uretan disolbagarriak diren molekulen garraioa ahalbideratzen dute gaineztadura nuklearrean zehar. Garraioa honetan RNA eta erribosomak nukleotik zitoplasmara mugitzen dira eta zenbait proteina, karbohidrato, seinale molekula eta lipido zitoplasmatik nukleora. Molekula txikiek poroak difusio sinplez zeharkatzen badituzte ere, handiak ezagutu eta hadatu egiten dira nukleora edo zitoplasmara nukleoporinen laguntzaren bidez.