Aballarri

Aballari
Datu orokorrak
Garaiera	642 m
Mota	mendi
Geografia
Koordenatuak	43°12′59″N 1°57′36″W
Mendikatea	Adarra-Mandoegiko mendilerroa
Kokapena	Urnieta
Herrialdea	Euskal Herria
Probintzia	Gipuzkoa
Mendizaletasuna
Ohiko bidea	Besabi eta Urnietatik

Aballarri Gipuzkoako Donostialdea eskualdean dagoen mendia da. Adarra eta Onddi mendien artean dago, haiekin eta inguruko mendiekin batera Adarra-Mandoegiko mendilerroa osatzen dute.

Mendia

Gailurra harkaitz multzo batez osatua du. Denera mendiak 642 metroko garaiera du, gailurrak aldiz 56 metroko malda. Bertaratzeko ohiko abiapuntuak Besabi eta Urnieta dira.

Mitologia

Sakontzeko, irakurri: «Euskal mitologia»

Joxemiel Barandiaran antropologo ospetsuak inguruan jasotako kondairaren arabera, behinola Aranoko plazan jendea dantzan omen zegoen. Orduan Sansonek aranotarrak festan zeudela eta, jeloskor jarrita, Buruntza menditik harkaitz puska handi bat jaurtiz haiek hiltzea otu zitzaion. Baina harkaitza jaurtitzeko unean, behi gorotz batekin irrist egin eta harkaitz bere helburura iritseko nahiko indar jaso ez zuenez, gaur egun Aballarri gailurra dagoen tokian erori omen zen. Harkaitz puska hau gaur egun Aballarri mendian dago eta bertako herri hizkeraz Sanson harriya (Sanson harria) izenez ezagutzen da.

Iruditegia

• 
  Gailurra.
• 
  Aballarriko Sanson harriya harkaitza.

Kanpo estekak

• Aballarri. Mendikat.net (Gaztelaniaz)

• Datuak: Q27193991
• Multimedia: Aballarri / Q27193991