Gipuzkera: berrikuspenen arteko aldeak
la:wiki |
|||
27. lerroa: | 27. lerroa: | ||
* ''j'', gaztelaniaz bezala ahoskatzen da (''giza'''j'''o'' hitzean egiten den eran), eta ez euskara batuan eta euskalki gehienetan bezala ('''''j'''adanik'' hitzean egiten den eran). |
* ''j'', gaztelaniaz bezala ahoskatzen da (''giza'''j'''o'' hitzean egiten den eran), eta ez euskara batuan eta euskalki gehienetan bezala ('''''j'''adanik'' hitzean egiten den eran). |
||
* ''h'' ez da ahoskatzen, mutua da. |
* ''h'' ez da ahoskatzen, mutua da. |
||
* Ez dira bereizten |
* Ez dira bereizten [[absolutibo]] plurala (euskara batuko ''-ak'') eta [[ergatibo]] plurala (''-ek''), denak ''-ak'' egiten baitira, azentua gorabehera. |
||
* Menpeko esaldi guztiak markatzen dira: ''etorri de'''n''' gizona nire aita da''. |
* Menpeko esaldi guztiak markatzen dira: ''etorri de'''n''' gizona nire aita da''. |
||
15:23, 30 maiatza 2011ko berrikusketa
Gipuzkera, giputz euskara edo erdialdeko euskara euskalki bat da, Gipuzkoako erdialdean (sartaldeko Debagoiena eta Soraluze eta Eibar; eta, sortaldeko, Irun eta Hondarribia izan ezik) eta Nafarroako Sakanan hitz egiten dena.
Gipuzkeraren eremua
Gipuzkera ez da Gipuzkoa osoan hitz egiten, Deba ibaiaren arroan, Leintz-Gatzagatik Elgoibarreraino bizkaieraz mintzatzen dira hango euskaldunak, eta Oiartzun eta Bidasoa ibaien arroetan aldiz goi-nafarreraz. Hala ere gipuzkera eta goi-nafarreraren arteko muga desagertzen dago Gipuzkoan, eta euskara batua nagusitzen ari baita pixkanaka-pixkanaka gazteen artean.
Azpieuskalkiak
Egungo gipuzkerak lau aldaera nagusi ditu. Kontuan hartu behar da toki batzuetan azpieuskalki hauen arteko mugak ez daudela garbi, eta zenbait udalerritako euskara bi azpieuskalkitakoa dela aldi berean:
- Beterriko gipuzkera: Gipuzkoako erdi eta ipar-ekialdean, Tolosaldeko Ikaztegieta udalerritik Donostiaraino.
- Goierriko gipuzkera: Gipuzkoako hego-ekialdean, nagusiki Goierri eskualdean, Legazpitik hasi eta Legorretara; edo, euskalari batzuen ustez, Tolosaldeko Alegia eta Bedaioraino ere. Urretxu-Zumarragetako hizkera, Goierriko hizkeraren eta Urolaldekoaren artekoa da, bien arteko lotura egiten du.
- Urolaldeko gipuzkera: Gipuzkoako ipar-mendebaldean, Zarauztik Zumaira, eta Urretxu-Zumarragetatik, Urola ibaiaren bideari jarraituz, kostalderaino.
- Nafarroako gipuzkera: Nafarroako ipar-mendebaldean, zehazki esanda Araitzen, Basaburuan, Larraunen eta Imotzen.
Berezitasunak
Ezaugarri fonetiko eta morfologikoak:[1]
- Bokal alternantziak:[2]
- Hiato markatua, kontsonante bat tartekatuz, iparraldeko gipuzkerako hizkeretan: buruba, ogidda/ogidxa/ogija/ogixa. Hegoaldeko gipuzkeran, burue eta ogie.
- Bokalak batzea: zaharra > zarra.
- Palatalizazioa. Euskara batuan aukerakoak diren palatalizazioak, nahitaez egin beharrekoak izaten dira gipuzkeran: aditu > a(d)ittu, egina > e(g)iña, ilargi > illargi.
- j, gaztelaniaz bezala ahoskatzen da (gizajo hitzean egiten den eran), eta ez euskara batuan eta euskalki gehienetan bezala (jadanik hitzean egiten den eran).
- h ez da ahoskatzen, mutua da.
- Ez dira bereizten absolutibo plurala (euskara batuko -ak) eta ergatibo plurala (-ek), denak -ak egiten baitira, azentua gorabehera.
- Menpeko esaldi guztiak markatzen dira: etorri den gizona nire aita da.
Garrantzia
Gipuzkera euskalki historiko nagusietakoa izan da, eta literatura hizkuntza izan da XVIII. mendetik aurrera. Lapurtera eta goi-nafarrerarekin zerikusi nabarmena dauka, nahiz eta bizkaieraren kutsu bat ere baduen.
Gaur egun gipuzkera, beste euskalkien antzera, eta oro har gipuzkoarrek hitz egiten duten euskara euskara batura ari da aldatzen, hedabideek eta literaturak duten indarragatik.
Erreferentziak
- ↑ «Euskalkien egungo sailkapena», Hiru.com webgunean.
- ↑ Aurreko aipuko web orrian eta beste hainbatetan, hau aipatzen da: a/e (burua > burue). Hala ere, oker nabarmena da, Goierriko gipuzkeraren ezaugarria baita hori, eta ez gipuzkera osoarena.
- ↑ a b Txillardegi eta beste (1987): Euskal dialektologiaren hastapenak, Udako Euskal Unibertsitatea. ISBN: 84-86644-00-3.