Aurelia Arkotxa

Aurelia Arkotxa

Datu pertsonalak
Izen osoa	Aurelia Arkotxa Mortalena
Jaio	1953ko urriaren 3a
	Baigorri (Nafarroa Beherea)

Aurelia Arkotxa Mortalena (Baigorri, Nafarroa Beherea, 1953ko urriaren 3a - ) euskal idazlea eta euskaltzain osoa da. Hendaian bizi da 10 urte zituenetik.

Biografia

Bordeleko Unibertsitatean Filologia Hispanikoan lizentziatu eta Euskal Filologian doktoregoa egin zuen, ASJUk 1993an argitaratu zuen Gabriel Arestiren Maldan behera lanari buruzko tesia eginez. Gaur egun Baionako unibertsitatean euskal filologia eta klasikoak irakasten dihardu; Maiatz literatura aldizkariaren sortzaileetako bat eta Berria egunkariaren kolaboratzaile da, besteak beste. CNRS ospetsuak Baionan duen IKER euskal hizkuntzaren eta testuen ikerketa zentroko kide da, eta Lapurdum aldizkariaren zuzendari.

2003an euskaltzain urgazle izendatu zuten. 2008ko uztailaren 19an, Euskaltzaindiak Hendaian egindako bilkuran, euskaltzain oso egin zuten; eta, 2009ko azaroaren 3an, Euskaltzaindiko lehendakariorde.

Lanak

Euskal literaturan berritzaileak diren itsasoari buruzko hurbilketa literarioak eta geopoetika deituriko joeran kokatzea dira Arkotxaren ekarpen nagusiak.

• Atari ahantziak (Pamiela, 1993). Poesia.
• Septentrio (Alberdania, 2001), euskaraz. Eleberria.
• Septentrio (Atelier du héron, Brusela, 2006), frantsesezko bertsioa Belgikarako.
• Septentrio (Alberdania, 2007); gaztelerazko itzulpena (Eli Tolaretxipi, Arantza Fernandez)
• Fragmentuak (Utriusque Vasconiae, 2009); 2004-2008 "Berria" egunkariko "Maratila" sailean ostiralero egindako kronika poetikoen bilduma.

Bere olerki batzuk hainbeste aldizkaritan argitaratu dira: Maiatz, Mazzantini, Zurgai, Garziarena, Hegats...

Ikerketa

Ikerketa-lan hauek egin ditu, besteak beste:

• Imaginaire et poésie dans Maldan behera de Gabriel Aresti (1933 – 1975), (ASJU, Donostia, 1993).
• Euskal kritika gaur (Mari Jose Olaziregirekin, Eusko Ikaskuntza, Donostia, 2002).
• Euskal gramatikari eta literaturari buruzko ikerketak XXI. mendearen atarian (Lourdes Otaegirekin, Euskaltzaindia, Bilbo 2003).

Ikus, gainera

• Euskarazko literatura
• Nafarroa Behereko idazleak

Kanpo loturak

• Euskaltzaindiak argitaratutako biografia.
• Zubitegian.
• Elkarrizketa Berrian.
• Artxikerren.

• Datuak: Q634899