Chavela Vargas

Wikipedia, Entziklopedia askea
Hona jauzi: nabigazioa, Bilatu
Chavela Vargas
Chavela Vargas y La Banda de Tlayacapan..jpg
Bizitza
Jaiotza Costa Rica1919ko apirilaren 17a
Herrialdea  Costa Rica
Heriotza Cuernavaca2012ko abuztuaren 5a (93 urte)
Jarduerak
Jarduerak kale-artista, abeslaria eta musikaria
Influentziak José Alfredo Jiménez
Genero artistikoa Rantxera
Musika instrumentua gitarra
Diskoetxea RCA Records
IMDb nm0889805
http://www.chavelavargasoficial.com

Isabel Vargas Lizano (San Joaquín de Flores, 1919ko apirilaren 17a - Cuernavaca, Mexiko, 2012ko abuztuaren 5a), Chavela Vargas izen artistikoaz ezaguna, Costa Rican jaiotako mexikar abeslaria izan zen. Ranchera musikaren interprete nabarmenenetakoa izan zen, eta genero horretan jardun duten emakumeen artean aitzindari.

Bizitza[aldatu | aldatu iturburu kodea]

Costa Rican sortua, Mexikoko herritartasuna zuen, 17 urte zituenetik han bizi izan baitzen. Mito, esames eta erdi egia ugari esan da haren bizitza eta bizimoduaz. Agustin Lara, José Alfredo Jiménez eta Chucho Monje musikagileak ezagutu zituen, eta Diego Rivera eta Frida Kahlo pintoreak. 1952. urtean hasi zen haren musikari karrera, Kuban. Han idatzi zuen bere lehen abesti arrakastatsua: “La Macorina”. 1961ean argitaratu zuen bere lehen diskoa, eta harrezkero mexikar musikagile onenen abestiak kantatzen eman du bizitza osoa. Alkoholismoak jota, kantatzeari utzi behar izan zion, eta hala igaro zituen hamabost bat urte, harik eta 1990eko egun batez, edateari uztea erabaki zuen arte.

1990ean bere herrian kantatzen hasi zen berriro, eta Werner Herzog zuzendariaren Scream of Stone (“Harrizko garrasia”) filmean parte hartu zuen, urtebete geroago. Espainiar zinema zuzendari Pedro Almodóvarrek ahanzturatik salbatu ondoren, 1990eko hamarkadan berriro kantatu eta grabatu zituen Espainian, arrakasta handiz, bere kantu ezagunenak: “Volver, volver”, “La llorona”, “La Macorina”, “Somos”... Bere ahots urratu berezia zela-eta (alkoholak urratua batzuen ustez, etsipenak urratua beste batzuen ustez), boleroak eta rancherak kantatzen ez zuen berdinik.

Diskografia hautatua[aldatu | aldatu iturburu kodea]

  • Piensa en mí, 1991
  • Boleros, 1991
  • Luz de luna abestia, Pedro Almodóvarren Kika filmaren hots bandan, 1993
  • Sentimiento de México (vol. 1), 1995
  • De México y del mundo, 1995
  • Le canta a México, 1995
  • En el último trago abestia, Pedro Almodóvarren La flor de mi secreto filmaren hots bandan, 1995
  • Volver, volver, 1996
  • Dos, 1996
  • Grandes Momentos, 1996
  • Macorina, 1996
  • Somos abestia, Pedro Almodóvarren Carne trémula filmaren hots bandan, 1997
  • Colección de Oro, 1999
  • Con la rondalla del amor de Saltillo, 2000
  • Para perder la cabeza, 2000
  • Las 15 grandes de Chavela Vargas, 2000
  • Grandes éxitos, 2002
  • Para toda la vida, 2002
  • Discografía básica, 2002
  • Antología, 2004
  • Somos, 2004
  • En Carnegie Hall, 2004
  • La Llorona, 2004
  • Tú me acostumbraste abestia, Alejandro González Iñárrituren Babel filmaren hots bandan, 2006
  • Cupaima, 2007
  • ¡Por mi culpa!, 2010

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Chavela Vargas Aldatu lotura Wikidatan