Claude Joseph Vernet

Wikipedia, Entziklopedia askea
Claude Joseph Vernet
Musée Calvet Van Loo Louis-Michel Joseph Vernet 1768.jpg
Bizitza
Izen osoaClaude Joseph Vernet
JaiotzaAvignon1714ko abuztuaren 14a
Herrialdea Frantzia
Lehen hizkuntzafrantsesa
HeriotzaParis1789ko abenduaren 3a (75 urte)
Familia
AitaAntoine Vernet
Seme-alabak
Anai-arrebak
Hezkuntza
Hizkuntzakfrantsesa
Irakaslea(k)Adrien Manglard
Bernardino Fergioni (en) Itzuli
Ikaslea(k)Carle Vernet (en) Itzuli
Jean-Pierre Péquignot (en) Itzuli
Jean-Antoine Vernet (en) Itzuli
Henry d'Arles (en) Itzuli
Jarduerak
Jarduerakmargolaria, grabatzailea eta litografoa
Lantokia(k)Italia
Lan nabarmenakThe Cascade at Tivoli (en) Itzuli
InfluentziakBernardino Fergioni (en) Itzuli
KidetzaAcadémie des belles-lettres, sciences et arts de La Rochelle (en) Itzuli
Académie royale de peinture et de sculpture (en) Itzuli
Genero artistikoaItsas ikuspegia
paisaia margolaritza
sporting event (en) Itzuli

Discogs: 2234550 Edit the value on Wikidata
Artikulu hau margolari okzitaniarrari buruzkoa da; beste esanahietarako, ikus «Vernet».

Claude Joseph Vernet, izen laburrez Joseph Vernet (Avignon, Okzitania, 1714ko abuztuaren 14 - Paris, 1789ko abenduaren 3) margolari eta marrazkilaria izan zen.

Biografia[aldatu | aldatu iturburu kodea]

Proventzan hazia, bere maisutzat Adrien Manglard izan omen zuen. 1734an Erromara joan zen; han paisaiaren eta portuen margolarien lana ikertzeari ekin zion. Erroman Bernardino Fergioni eta Adrien Manglard-ekin ikasi zuen.[1][2][3][4] Hori dela eta Verneten lanean Claude Gelléeren estilo eta gaiak aurkituko dira. Nicolas Poussin ere artista kutuna izan zuen. Denboraren poderioz, ordea, berezko estiloa sortuz joan zen.

Bere lanetan alde batetik natura margotzen du, zeruari espazio handia -margoaren bi herenak- eskainiz, bestetik eguneroko bizitzaren pertsonaiak eta eszenak.

1753an Abel-François Poisson de Vandières Marignyko markesak, geroago Luis XV.aren Eraikinetako zuzendaria izango zenak, Frantziako erresumako 24 portuetako margoak enkargatu zizkion; 1753tik 1762ra horietako hamabost egin zituen. Portuetako orduko bizitzaren benetako testigantzak dira eta portuen margolaririk ezagunenetakoa bihurtu zen.

Carle Vernet semea, Horace Vernet iloba eta Émile Vernet-Lecomte birriloba ere margolariak izan ziren.

Lanak[aldatu | aldatu iturburu kodea]

Vernetek margotutako Baionako portuko ikuspegia.

Baionako portua[aldatu | aldatu iturburu kodea]

Margotu zituen portuen artean Baionakoa dago. Lapurdiko hiriburura 1759ko uztailaren 7an heldu zen eta 1761eko ekainaren 20a arte egon zen; Émilie alaba Baionan jaio zen[6]. Vernetek bi margolan egin zituen, Le port de Bayonne eta Vue de la ville et du port de Bayonne. Prise de l'allée de Boufflers près de la porte Mousserole[7][8]. Bitxia da artistak ez zuela Luis XV.aren enkargua bete, erregeak koadro bakarrean kortsarioak eta harrapatutako itsasontziak agertzeko eskatu ziolako baina Vernetek bi egin bazituen ere bakarrean ere ez dira kortsarioak agertzen, ezagutzen ez diren arrazoiengatik; Aturriko barra eta itsasoa furian agertzeko ere esan zitzaion eta margolariak ez zituen aintzat hartu; hiria izan zuen ardatz, batean erregearekiko lotura eta boterea adierazten dituen ziudadela eta bestean hiria merkataritza eta trukeetarako leku paregabea dela ateratzen dira azpimarratuak[9].

Vernetek Baionako portuaz egin zituen margolanez Denis Diderotek laudorioak egin zituen; aldiz, erretaula ilunegiak atera zitzaizkiola kritikatu zuen eta arrats hondarreko Baiona hori islatzea ez zela hautu ona iritzi zion.

Galeria[aldatu | aldatu iturburu kodea]

Bibliografia[aldatu | aldatu iturburu kodea]

Erreferentziak[aldatu | aldatu iturburu kodea]

  1. .
  2. .
  3. .
  4. .
  5. Vernet Philadelphia Museum of Arten.
  6. Biografia, Over-blog.com.
  7. Mousserole idatzi zuen; egun Mousserolles edo Mosoeleta izena daramana.
  8. Historic-marine-france.com.
  9. Euskaltzaindian sartze-mintzaldia: Baionan, Xarles Bidegain, Euskera 2010, 55, 3. 1.099-1.100.or.

Ikus, gainera[aldatu | aldatu iturburu kodea]

Kanpo estekak[aldatu | aldatu iturburu kodea]